اجتمعت الثنتيــن يا طـــق زوري

[هادي محسن جليغم]

بسم الله الرحمن الرحيم

أسعد الله أوقاتكم بالمسرات ويشرفني أن أكون أحد أعضاء هذا الصرح الشامخ

كما أتقدم بالشكر الجزيل الوافر لأعضاء هذه الشبكة وأتمنى أن تكون هذه المشاركة حائزة على رضاكم

حيث أنها أول مشاركة لي في هذه الشبكة وأوعدكم بالكثير من المشاركات :





والله العظيم ان البلا طق زوري=قد لي ثلاث ليال ماني بطيّب
همي يقلط لي غداي وفطوري=واليا تعشيته حدر بي شعيّب
عسرٍ وحيشٍ ماتجيه الطيوري=غياه بعيونه ونابه يهيّب
آخذ معه مشوار وافقد شعوري=واليا صحيت اشوي عوّدت اغيّب
يسري بي الهاجوس ماطاع شوري=لاقلت سامحني ولا قلت طيّب
من وسعة الخاطر وضحكي غيوري=حتى غدا لاعاد يومه اصحيّب
إليا ملا صدري تعديت طوري=اقوم عن بعض الربوع اتغيّب
الحظ حوّل مضلمات البحوري=ليته قعد حول الشواطي اقريّب
هذي ثلاث ليال صابه دبوري=احسنت فيه الظن والظن خيّب
عليك يا المعبود تيسير اموري=ياالله عجل بالفرج قبل اشيّب
عبدك على احداث الليالي صبوري=صعبٍ على غيره يشوفه اصعيّب..
اضلم علي الوقت واشعلت نوري=في ساعةٍ فيها الضعيف ايتعيّب
لادمّته ليام صابه ثبوري=وايصير عن باقي زمانه مسيّب.
ياذا الملكوت العظيم الغفوري=يامنزلٍ من بارق المزن صيّّب
اجتمعت الثنتين ياطق زوري=قلة محاصيلي وفرقا الحبيّب


ا
الشاعر / هادي بن محسن بن جليغم

[عامر الوهابي]

أررررررررررررحب يا هادي محسن بن جليغم

والله يحييك تحيات المطر وبيض الله وجهك على هذه الدرة العذبة

وأنا أشهد بالله إنك شاعر جزل ومن فحووووووول الشعر وأنا أدري إن هذا

قليل من كثير وفيض من غيض وعز الله إنها كلمات مؤثرة عند من يطعم الشعر

واااااافي يابو محسن وصح الله لسااااانك........

تحياتي لك يالقرم...




عامر الوهابي

[رياض الزهيري]

بيض الله وجهك يابو محسن

[أبو محمد ابن الشايب]

.



اررررررررررررررررررررررررررررررررررررررررررحب ياهادي





-----------------------------------الـحـظ حــوّل مضلـمـات البـحـوري----------------------------------

---------------------------------------------------------------------ليتـه قعـد حــول الشـواطـي اقـريّـب




والنعم وصح لله لسانك وبيض الله وجهك على هذه الدرر النفيسه وانت من الان مطالب بان





تتحفنا بما تستطيع بارك الله بك وسلمت يدك وتعافى بدنك والله يعطيك العافية والصحة ولاهنت








تقبل تقديري واحترامي وحكاي والسلام



.

[فلاح آل راكان]

ارحب يابن جلغيم ..

صح الله السانك يا الذيب مدد بلا عدد والله يحييك بين ربعك وأخوانك وفي محلك ..

جزل يابو محسن ..

في انتظار جديدك يا القرم ..

تقبل مروري نفداك ..

[الظور]

وليه ماتعجبنا قصيدتك ياولد محسن

الا والله اعجبتني وفوق ماتتصور ومبطي ماسمعت مثلها ونتوا ياعيال مفلح معروفين بالنوادر في الفعل والقول

الله يحييك تحيته المطر

بين اخوانك وربعك

[محمدبن عبيان الفهري]

ارررررررحب يابو محسن


صح اللسانك على القصيدة الشامخه بشموخك وانت والله انك تنومس وترفع الراس ياجعلني مافقد زولك يالذيب


لك تحيااااااااااااتي

[مشاري بن نملان الحبابي]

أرحب يا ابن جليغم ..

صح الله لسانك ..

لاهنت على هذه الرائعة ..

في انتظار جديدك ..

تقبّل مروري ..

[صالح بن ناعمه]

صح لساااااااااااااااااانك مليون

[هادي محسن جليغم]

الله لا يهينكم جميع اتشرف بوجودي بينكم عساكم في الوجود كلي شرف كلي فخر اشكركم على هذا الاطراء

[علي بن شنان الحبابي]

صح لسانك ياابو محسن

قصيدة جزلة و وافية من وافي

ولا الجزل بغريب منك

تقبل تحياتي

أخوك الشاعر/ علي الحبابي"الشاعرالطرقي"