غاب القط ولعب الفأر

[عبدالله المشعلي]

دنيا صارت لعب أدوار=العاقل فيها يحتار
يا اللي تدري بالأوضاع=خبرني وش اللي صار
ويش اقول و ويش تقول=الدوعوى ما فيها أسرار
ذاك الأمس وهذا اليوم=غيـّـابه صاروا حضّار
والمثل قبلي قد قال=غاب القط ولعب الفأر
كل يدوّر له مكان=بين كبار وبين صغار
أحد جعلها فزعات=يرمي رمي بدون عيار
وأحد جعلها نشبه=مثل جحا والمسمار
شي عجيب غريب=يا الله سترك يا ستار
بين الواقع والمأمول=يوسفني بعض الشعار
اللي في نفسه مغرور=غشيم ويلعب بالنار
والشعر اللي فيه وفيه=على الشاعر وصمة عار
يا ليت اللي من ذا النوع=يلقا شجب واستنكار
من شعار ومن نقاد=ولا يعطى وجه وكار
والا الشعر اللي له ذوق=هذا ما عليه غبار
عمله ما تخسر بالسوق=تعرف قيمتها التجار
وأقدم عذري وأقول=غاب القط ولعب الفأر

عبدالله المشعلي

[فلاح آل راكان]

ارررررررررررحب يا المشعلي ..


صح الله السانك يا الذيب مدد بلا عدد ..

اتمنى ان رسالتك تصل الى اكبر عدد من الشعار المعنيين ..

تقبل مروري يا القرم ..

[عايض الفهري ابوبندر]

ارررررررررررحب يا المشعلي


وصح لسانك


وبيض الله وجهك


مشكوووووووووور


تحياتي