أول مصافحه لي وأرجوا بأن تحوز على رضاكم ،،

[سلمان بن ضيدان]

السلام عليكم ورحمة الله وبركاته

أخوكم سلمان بن ضيدان العجمي .. وأحب أشارك بهالأبيات /



قضى كل الكلام .. ولابقا غير السلام .. ختام
وداع أجمل ليال العمر وأغلاهـا // وغاليهـا

فمان الله ياأغلا من سكن بين الضلوع ،، وهام
فوادي في غلاه // بحاضر الدنيا وماضيهـا

أبرحل وأنت تدري للضروف القاسيات أحكام
وصل ركب المفارق.. والقوافل صاح حاديهـا

علـى الله.. يامتاييـه الليـال وقسـوة الأيـام
على الله .. يالجروح اللي عجز عنها مداويهـا

وألا ياقلبي اللي من صواديف الدهـر منظـام
عليـك الصبـر وعيونـي طلبتـك لاتبكيهـا

دموع مفارق أحبابـه تشابـه دمعـة الأيتـام
وأنا دمعي عليّ أغلا من الدنيـا ومـن فيهـا

أبا أعزّزك يالقلب الحزيـن إن السعـد قـدام
وأنا أدري بنك أدرى عن حياتي ويـش تاليهـا

كتب حبر القدر حكمه عليك ،، وجفت الأقلام
ومواثيق الوصال الغاليه ،، طاحت عراويهـا

[أبو معتز]

ارحب يا سلمان الله يحييك ومرحبا ومسهلا بك ضيف عزيز من رجال اعزاز وصح لسانك وبيض الله وجهك

القصيده الجزله منك يالجزل . الله يحييك وسعدا بوجودك . تحياتي

[فلاح آل راكان]

اررررررررحب يابو ضيدان تراحيب الحيا


الله الله


جزززززززززززل يا القرم


صح الله السانك يا الذيب مدد بلا عدد

تقبل مروري نفداك

[فيصل عبدالله فراج لعلياني]

اررررررحب يا سلمان

صح السانك وعتلا شانك

بيض الله وجهك

تقبل تحياتي

[بن طفله]

دموع مفارق أحبابـه تشابـه دمعـة الأيتـام
وأنا دمعي عليّ أغلا من الدنيـا ومـن فيهـا

[مشاري بن نملان الحبابي]

أرحب تراحيب الحيا يا العجمي ..

صح الله لسانك واعتلى شانك ..

قصيدة جزلة ومشاركة جميلة ..

لاهنت يا وجه محلف ..

وفي انتظار جديدك ..

[محمد بن مسفر بن جليد]

بيض الله وجهـك وبدايـة طيبه يـآبن ضيـدآن ... والى الامـآمـ ..


تحيآتي أخووك ... / محمد بن مسفر بن جليد الفهري . .

[شليويح القحطاني]

يعطيك العافية