المساعد الشخصي الرقمي

مشاهدة النسخة كاملة : امر الله الغالب والنسان مغلوب


مشخص الفهري
18-12-2009, 07:38 AM
السلام عليكم





جريت من خافي المعاليق مسحوب = كدر علي جوي وعكر مزاجه



واحضي الي قدلك ايام منكوب = عقب الوفا . والطيب فيك انعواجه



دار الزمان وبدل الثوب " بالثوب= وفقدت لي حاجه’ وحصلت حاجه



ورضيت باللي لي مقدر ومكتوب = ماينفع الانسان كثر احتجاجه



وامر الله الغالب والانسان مغلوب = تمشيبه اقدامه على مايواجه



والعبد همه كله ذنوب " وذنوب = والدين شرحة خاطره وابتهاجه



ولي عادة ٍ ماجوز عنها ولا اتوب = وكل ٍ على ماقيل يعرف خراجه



شوف الفياض وسجة النفس مطلوب = هي بلسم الصدر الحزين وعلاجه



في صحصح ٍ كله مرابيع وعشوب = روض ٍ خضر ماداج فيه ’’ الخواجه



والجو جوٍ للمطاليق " مرغوب =لاهل وبله ’’ ماتركز عجاجه



وخوة نشامى ً تحتسي كل ماجوب = صفوة رجال ٍ " ماتعرف السماجه



مابينهم لاش ٍ وشذاب عرقوب = كل ٍ على دينك " ويضحك حجاجه



وامر الله الغالب والانسان مغلوب = تمشيبه اقدامه ’’ على مايواجه




وسلامتكم

ابو سلطان العبيدي
18-12-2009, 09:03 AM
حيه وحي ماااااجاب

وصح الله لسانك واعتلا شانك

وافي وجزل

تقبل تقديري

عبدالله فراج العلياني
18-12-2009, 09:37 AM
اررررررحب يمشخص صح السانك قصيده جزله من شاعر جزل

تقبل تحيااااااااااتي

عبدالله بن عايض الفهري
18-12-2009, 01:19 PM
السلام عليكم







وخوة نشامى ً تحتسي كل ماجوب = صفوة رجال ٍ " ماتعرف السماجه



مابينهم لاش ٍ وشذاب عرقوب = كل ٍ على دينك " ويضحك حجاجه



وامر الله الغالب والانسان مغلوب = تمشيبه اقدامه ’’ على مايواجه




وسلامتكم


الله الله

صح لسانك يا ابو محمد

قصيده من الواضح أنها نابعه من القلب وأنها تترجم موقف وشعور معين وتعني لشاعرها الشئ الكثير .

لا عاد تقاطعنا :mad:

مع خالص ودي

أبونواف

محمد بن مسفر بن جليد
19-12-2009, 04:07 PM
صـح لسسآنك يآمششخص وبيض الله وجهك ...

علي بن شبله
19-12-2009, 09:08 PM
أبــــــــــــــــــــــــــــــــــــــــــــــــ ـــــــــــــــــــــــــــــــــــــــداع بكل صفـــــــــــــــــــــــــــــــــــــــــــــات الإبــــــــــــــــــــــــــــــــــــــــــــــ ـــــــــــــــــــــــــــــــــــــداع

بيض الله وجهك يا مشخص قصيدة وافية وانت وافي يابن عمي

وتقبل مروري فديتك

فلاح آل راكان
19-12-2009, 11:16 PM
ارحب يا مشخص تراحيب الحيا

جزل يا القرم ولا جبت الا جزل


صح الله السانك مدد بلا عدد

تقبل مروري يا الذيب

عبدالله آل عباد
20-12-2009, 01:18 AM
يقال للشاعر صح لسانك

فصح لسانك يا مشخص

فوقها بيض الله وجهك

عزالله أنك جبتها على مافي الخاطر

عبدالله بن غفره
20-12-2009, 04:06 AM
شوف الفياض وسجة النفس مطلوب
هي بلسم الصدر الحزين وعلاجـه
في صحصح ٍ كله مرابيع وعشـوب
روض ٍ خضر ماداج فيه ’’ الخواجه

صح الله لسانك حتى ترضى يابو محمج

قصيد جزل وفكر راقي

اخوك

محمدبن عبيان الفهري
20-12-2009, 01:21 PM
ارحب ياابومحمد


صح اللسانك على هالشامخه بشموخك يالقرررررررررم فاأنت دائم عنوان الابداع لله درررررررررك ياابن عمي


لك تحيااااااااااااااااااااااااااااااتي

أبو معتز
20-12-2009, 03:53 PM
صح لسانك يا مشخص وافي وافي وجزل بيض الله وجهك

لك كل الود والتقدير