اللي سكن شويه مع الذود بخيام

[فهد آل سلمان]

يازيـــنها الدنــيا ليــا الحــظ لك قــــام
تسعـــــدك يــــوم وبــاقي الوقت مهموم
ماتضحك الدنـــــيا على طــــول الايـــام
ولحـــــوال مخـتلــفات يوم ٍ سوى يوم
أحــد ٍ تهــنى ومغـتـني وبالمـساء نــام
وأحــد ٍ عيـــونه بالمساء عـافت النوم
ذي سنـه الدنـــيا لــها وضـع وأحــكام
انصبــحت حــاكـم تمـسي الليل محكوم
عشــــنا على نهج النبي ودين الاسلام
والحمـد للـــه دوم والنعــــمه اتــــدوم
ولي طبـــعي اللي بــاقي ٍ طــول الايــام
بعــــادات جــدانـي ولــــلابــه اســلـوم
وإن كان قلبي من بـلا الـوقت منــظام
آمنت بالــلــه والقــدر شــي مـقـسـوم
وياأهل القلوب اللي على الفاتنه حيام
فمــاهـي بتلحـقـكم منــاقيــدٍ ولا لـــوم
اللي سكن شويـه مــع الـذود بخــيام
جـيـته بــلا موعــــد ولابيــنـنا عـلوم
شفت الهنوف اللي على وجهها لثام
في حـزة ٍ والوقـت ضيــق ومحـسوم
وأخــذت لي ســاعه وقــافيني الـزام
مشيت وقلبي من هوى الزين معدوم
ماغـــاب عن ذهني وذاالقـلب مـادام
يلزمني بالعوده وأنـــا حيــل مـلـزوم
ومن بعـد مـده ساقني الشــوق قـدام
ومشيت وتدفعني هواجيس وعزوم
ولا لقـــيـت الا حـمــامٍ عــلي حـــام
شدوا وجت بقعاء على راسي تحوم
وشانت بي الدنـيا ولا الحـظ لي قام
وياقوم ويـش الحــل تكــفون ياقـوم

فهد بن مهدي بن عثمان

[علي بن شبله]

صح لسانك يابن عمي جزل وبيض الله وجهك

ولا تحرمنا من جديدك ولاهنت

وتقبل مروري يالغـــــــــــــالي...............

[عايض الفهري ابوبندر]

صح الله لسســآنك ..

مشكوووووووووووور

تحياتي

[فلاح آل راكان]

صح الله السانك مدد بلا عدد يا القرم ...

[فهد آل سلمان]

يامرحبابك يابن شبله ومشكور عالمرور

[فهد آل سلمان]

صح الله لسســآنك ..

مشكوووووووووووور

تحياتي



صح بدنك يابوبندر

[فهد آل سلمان]

صح الله السانك مدد بلا عدد يا القرم ...



صح بدنك يالغالي مدد بلا عدد

[مشاري بن نملان الحبابي]

أرحب يا السلماني ..

صح الله لسانك واعتلى شانك ..

قصيدة وافية وجزلة ..

[فهد آل سلمان]

الله يبقيك يابن نملان

وصح بدنـــك ومشكووووور يالذيب عالمرور