المساعد الشخصي الرقمي

مشاهدة النسخة كاملة : مجاراه بيت للشاعر محمد جارالله السهلي


ناصر.الخبر
10-12-2009, 02:27 PM
صبحكم / مساكم الله بالخير




قصيده اخونا الغالي على قلوبنا الشاعر جارالله الشدي

قصيدة وهي مجاراه بيت للشاعر محمد بن جارالله السهلي
مجاراه بيت ..> أسبوع مر ولا وصل منك مرسآل = ياقو قلبك كيف تقطعني سبوع





القصيده :




يا صاحبي ياطيّب القلب والفآل
يا فوع قلبي آآآه صآحبي.. فوع



في غيبتك جريت لي كم موآآآآل
والصوت أجرّه يا عسى الصوت مسموع



مْن أولٍ لك دآخل القلب مدهآل
وقدري بعينك دايمٍ فوق مرفوع



وقلّطت لك من جرعة الحب فنجآل
وفنجآل ثاني جاك بالصدق متبوع



وكوّنت لك في دآخلي ألف منزآل
وحسّيت انا قلبي من البعد مخلوع




وأصبحت أنا بالحب نازل ورحّال
ومتجاوزٍ في صدّتك كل ممنوع



واليوم حالي .. آآآه يزداد غربآل
من صدّتك مفجوع .. مفجوع .. مفجوع



ودآم الغلا محكوم ببراج جوآل
وماهو على ما قيل هالرقم مقطوع



دق المشآعر وأتصل وأرحم الحآل
ياللي غلاك بثومة القلب مطبوع



وبتشوف لك فرشة غلا هيل ودلال
وباب بوسط القلب ماهوب مردوع



وأذكر حبيبٍ كل ما ملت له مآل
صوبك وطوّع كل ما تعشقه طوع



يحب وصلك لا أنقطع منْك مرسآل
ويموت بك موت الذي ميتٍ جوع



واللي عشآنك ياهوى البال .. ما زال
قيد إنتظار الأمر والأمر مرجوع



ولاّ عشآني أعشقك عشق بهبآل؟
ولاّ عشآن الحب ما جآك مصنوع؟



ولاّ أتلذذ كل ما تشغل البآل ؟
والبآل بك دايم من الصد ملسوع



وألحين يا مطوّق على الروح بحبآل
اعلم ترا منته على الفعل مشفوع



وغيابك بقلبي ترا يالغلا طآآآل
لاغبت يوم آآآآضيق ..وش ضنّك سبوع؟




للشاعر / جارالله الشدي ....> اسم القصيده (دق المشآعر وأتصل وأرحم الحآل )

أبو محمد ابن الشايب
10-12-2009, 05:49 PM
.


اهلا وسهلا والف مرحبا بك ياناصر


اتمنى ان توضح اكثر لتجد ردود واضحه


القصيده المكتوبه هل هي للشدي



هل كتب قصيده لمجاراة بيت واحد



هل المطلوب مجاراة بيت او مجاراة قصيده







تقبل تقديري واحترامي وحكاي والسلام



.

سفر بن مبارك
10-12-2009, 08:00 PM
اخوي ناصر بيض الله وجهك علم غانم وماقصرت...............

ناصر.الخبر
10-12-2009, 08:15 PM
ابن الشايب يامرحبا فيك اخوي هذي قصيده للشاعر جارالله الشدي اعجبه بيت للشاعر محمد بن جارالله السهلي والبيت هو : أسبوع مر ولا وصل منك مرسآل = ياقو قلبك كيف تقطعني سبوع وكتب هالقصيده مجاراه للبيت هذا والرابط لك لتاكد من نفس هالمصدر يالغالي

http://www.abyat.com/poem.php?uid=987&id=68445

ناصر.الخبر
10-12-2009, 08:18 PM
ووجهك ابيض اخوي سفر ارحب طال عمرك لاهنت بارك الله فيك وفي حضورك

أبو محمد ابن الشايب
11-12-2009, 04:14 AM
ابن الشايب يامرحبا فيك اخوي هذي قصيده للشاعر جارالله الشدي اعجبه بيت للشاعر محمد بن جارالله السهلي والبيت هو : أسبوع مر ولا وصل منك مرسآل = ياقو قلبك كيف تقطعني سبوع وكتب هالقصيده مجاراه للبيت هذا والرابط لك لتاكد من نفس هالمصدر يالغالي

http://www.abyat.com/poem.php?uid=987&id=68445



ارررررررررررررررررررررررحب ياناصر ارحب ارحب

انا ما ادور على رابط ولا اكذبك ياناصر عيب علي وكيف اكذبك وانا اقراء لك ولي رغبة
في توضيح الموضوع لي ولغيري يمكن اللي يعرف القصه والقصيده يسهل عليه الفهم

اما انا والله ما سالتك الا صادق ولا يجي في خاطرك 000 يا وجه الله ياسرع ماتشب


تبي الحقيقه 0 انا استغرب من مجاراة بيت بقصيده ؟؟؟؟؟ خاصة ان الفتره قصيره اسبوع فقط

اجل لوكان اكثر من اسبوع مثلا شهر او سنه هذا ويش يبي يسوي ؟؟ ( ملحمه )؟؟

لاتزعل علي فانت غالي ولك الحشمه والتقدير


تقبل تقديري واحترامي وحكاي والسلام



.

فلاح آل راكان
11-12-2009, 01:23 PM
ارررررحب يا ناصر


والله لايهينك على نقل القصيده


وصح الله السان السهلي والشدي


لاعدمتك ياا لقرم

فلاح آل راكان
11-12-2009, 01:27 PM
ارحب يا محمد بن الشايب


اتوقع الشدي اعجبه البيت الممذكور اعلاه وهو من ضمن قصيده للشاعر محمد السهلي


والشاعر ادنات الدون يهيضه


وحب الشدي يجاري البيت


هذا والله اعلم

تقبل وجهة نظري فدييييييييتك

أبو محمد ابن الشايب
11-12-2009, 05:04 PM
ارحب يا محمد بن الشايب


اتوقع الشدي اعجبه البيت الممذكور اعلاه وهو من ضمن قصيده للشاعر محمد السهلي


والشاعر ادنات الدون يهيضه


وحب الشدي يجاري البيت


هذا والله اعلم

تقبل وجهة نظري فدييييييييتك


والنعم يافلاح ولا هنت وبيض الله وجهك على ترحيبك
وجمل الله حالك على الشرح وانا اللي فديتك وتعيش محشوم


ولكم جميعا اكن الاحترام


تقبلوا تقديري واحترامي وحكاي والسلام


.

ناصر.الخبر
11-12-2009, 08:07 PM
ابن الشااايب هههههههههههههههههههه 000 يا وجه الله ياسرع ماتشب ههههههههههههههههههه لا لا لا ماعاش اللي يفكر يوم من الاياام يزعل على اهله انتم اهلي هذا اولااا.

وثانيا :تبي الحقيقه 0 انا استغرب من مجاراة بيت بقصيده ؟؟؟؟؟ خاصة ان الفتره قصيره اسبوع فقط

اجل لوكان اكثر من اسبوع مثلا شهر او سنه هذا ويش يبي يسوي ؟؟ ( ملحمه )؟؟

ملحمه ههههههههههههههههههههههههههههه ايه ماعندنا حنا يالسعوديين الا ملاحم هههههههههههههههههههههه

وانا يوم انزل الرابط ابي تشوف شاعرنا القدير والعزيز على قلوبنا يصرح قبل القصيده وقال بيت اعجبه وكتب قصيدته
زي ماقال اخوي فلاااااااااااااااح اللي قاله فلاح هو اللي كنت ابي اقوله بس كفى ووفى فلااح لبى قلبه القرم

ابن الشايب انت عزيز وغالي وثق ثقه تامه كلكم ربعي وصدري شمالي وماجيت مجالس قحطان الا ابي استفيد من الكبار الي فيه من شعراء ومن نقاد ومن مثقفين
ابن شايب انت غالي فديتك ولاهنت على مرورك اللي اسعدني بارك الله فيك

ناصر.الخبر
11-12-2009, 08:09 PM
صدقت فلاح لبى قلبك زي ما قلت ووجهك ابيض اخوي فلاح لاهنت لاهنت يالقرم اسعدني مرورك يالغالي