.... الحـّــــآآآل .....

[سالم ابن سعران]

بسم الله الرحمن الرحيم



اتمنى ان تنال على اعجباكم



تشكي علي الحال واشكي لك الحال=وأسج عنك وكن ماني بداري
تشكي على الهم والضيق والفال=واشكي عليك اخطاك يوم انت ضاري
اخطاك ياجمل حظ فالصدر مدهال=له بين ريضان الحشاء وسم عاري
يأصعب من الدمعه على خد رجال=يأقسى من الطعنه بحد الشباري
يأغلا من الفرحه على وجه الاطفال=ياعذب من البسمه يا طعم انتحاري
يأطهر من الكلمه من افواه عذال=ياصدق من الكذبه يارد اعتباري
جيتك وانا قلبي من الشوق رحال=شوق بدوي (ن) عاشق (ن) للمساري
واشقيت حالي يا غناتي ولا زال=وسم الجروح بخافقى لك تماري
ماضيق لكن ضيقه الصدر غربال=وش حيلتي واردها بإختياري
مانى كذا استاهل عذابك ولو طال=هجرك ؟ مع انى حاسبنه انتصاري
مبطي وانا وياك من شمس لظلال=ومبطي وانا اداريك يا صعب قراري
لكن تجفا والجفا وصله محال=وانا انتظرك بس طال انتظاري
عرضتني يا صاحبي لاشهب اللال=وخليت مساريه بلليل الغداري
واتعبتنى لين الدمع بالهدب سال=واشقيتني ما بين بايع وشاري
ياخي تعال وجدد افراح شوال=وخل الهبايب بالدفاء حب طاري
واكسب قلوب (ن) حبتك رغم الاهمال=وخل العلاقه تعلن الوصل جاري
يالمترفه ياللي الغنج فيك ترحال=يالناعمه يالي جفاك استعاري
يالفاهمه يالي مداك ابعد ارسال=يا دارسه للترمذي والبخاري
يا راسمه علم الفلك وسط تمثال=فنها تبيّن لك وجوب انكساري
عذراَ : فهل للشوق فالحب مدخال؟=ام ذاك طيش (ن) يعشقنه الحباري
قد كنت احبك واكتب لحبك امثال=لكن؟ جروحك عدّلت في مساري


وسلامتكم



سالم بن سعران

[سفر بن مبارك]

صح الله لسانك ما قصرت ..............

[فلاح آل راكان]

صح الله السانك يابن سعران..........