المساعد الشخصي الرقمي

مشاهدة النسخة كاملة : شـــــــــــــد العتيبـــي


عبدالله ابن شايع الزهيري
10-09-2005, 07:31 PM
إخواني أعضاء مجالس قحطان وزوارها الكرام

السلام عليكم .ورحمة الله ... صلو على النبي

هذه الابيات المتواضعه أمل أن تنال رضاكم وتشفع لي بعد طول الغياب لضروفي التي تجبرني على الابتعاد ولاكن

من غلاكم أعود.

لها قصه وهي :

كان لي جار عتيبي رجل بكل ماتعنيه الكلمه الدين والخلق وحق الجار والكرم وسلوم العرب كلها

مجتمعه فيه وبقينا اربع سنوات وحدث ان نقل الى خارج الرياض وشد من عندي .وجا مكانه صومالي

والحقيقه فقدت جاري ولم يعجبني الصومالي وقلت هذه الابيات .

.



شد العتيبي جعلها له سهيله= شد العتيبي مكرم الجار والضيف
يا وجد حالي يوم قفا شليله= وأنا على جاري كثير التحاسيف
واين أغدي للي علومه مهيله= بالمدح والناموس ماله تواصيف
عينه على درب المراجل دليله= مثل النداوي فوق روس المشاريف
معا هل الطالات جزلٍ حصيله= على الكرم والجود والطيب والكيف
أربع سنينٍ كنّها وقمْ ليله=في جيرة الطيّب معزّه وتشريف
تبنا له البيضا براس الطويله=شوق الهنوف ام القرون المراديف
والله ونعم به ونعم القبيله = عتبان معْروفين أهل منسف وسيف
عكف الشوارب كاسبين النفيله= مثل الغصون اللي ثمرها مدانيف
واشيب عيني مايعوّض بديله= أصبحت مثل مبدّل العز بالحيف
الجار صومالي ولا فيه حيله= لا يعّرف الجيره ولا له مواقيف
صكاك باب ولاّ يفوت الحليله= وان سمع صوت منادي الجار ما شيف
وليا عزمّته يتقي ما يجي له= يستغرب الجمْعه كثير التصانيف
لاصار هاجرنا فحنْ نعتني له= سنّه وسلم وحق ما فيه تكليف
نحْفض له الجيره سنينٍ طويله= حتى لونّه مايعرف المعاريف




عبدالله بن شايع الزهيري القحطاني

فارس قحطان
10-09-2005, 08:25 PM
السلام عليكم ورحمة الله وبركاته

ارحب يابوشايع
وصح لساااانك مدد ما هو بعدد

ووالله ونعم بالعتيبي ونعم الجيره


والله يغليك يابوشايع اللي اغليتنا
وجبت لنا القصيده
وترى ماعاد نشفع لك تطول الغيبه

اخوك
فارس قحطان

سعيد بن مانع
10-09-2005, 11:01 PM
والله ونعم بك يابوشايع وونعم بالعتيبي
صح لسانك ملاييين ...
واقول الدنيا لازالت بخير بوجود شرواك ...
الحين الواحد ماعاد سأل عن اخوه ...... الله المستعااان
على كل حال
لاهنت يابوشايع لاهنت

العريدي
10-09-2005, 11:58 PM
قصيده معبره ... والعتبان كايدين ربعنا وخابرينهم ..

الله يعينه ويعوضه بجار سنافي ..

ابن عاصم
11-09-2005, 05:42 AM
صح لسانك يابوشايع

والله يعينك بعد رحيل جارك السنافي

ابوملاك
11-09-2005, 01:19 PM
صح لسانك يا ابن شايع

وجارك العتيبي كفو ويستحق المدح والله يعينك على رحيله .

حسن علي الهاجري
13-09-2005, 09:33 AM
والنعم بك وبالعتيبي

قصيده وافيه من راس وافي

والممدوح يستاهل كل علم غانم

بيض الله وجهك يا القرم على امتاعنا بهذه الدره

سلطان العبيدي
13-09-2005, 10:21 AM
صح السانك يا ابن شايع .... ولاهنت على القصيدة المعبرة

ذيب_ال روق
13-09-2005, 12:31 PM
صح لسانك واشهد الي يفقد خوي عزيز كنه فاقد اخو واكثر.ولاهنت.

كحيلان
16-09-2005, 05:20 AM
يستاهل في ذمتي ونعم في عتيبـه ونعم بالقبايل كلها ولا عليها خلاف

وصح ألسااااااااااااااانك

ألله يعطيك ألف عافيه

مشكور ولاهنت


تقبل تحياتي

أخوووك / كحـــيلان

عبدالله ابن شايع الزهيري
23-09-2005, 07:10 PM
السلام عليكم ورحمة الله وبركاته

ارحب يابوشايع
وصح لساااانك مدد ما هو بعدد

ووالله ونعم بالعتيبي ونعم الجيره


والله يغليك يابوشايع اللي اغليتنا
وجبت لنا القصيده
وترى ماعاد نشفع لك تطول الغيبه

اخوك
فارس قحطان


فارس

حياك الله ياغالي

مرورك شرف لاعدمتك وكلامك وسام

أعتز به

وإنشاء الله معاد أطول والعذر على القصور



حفظك الله

أبو مسعود الزهيري
24-09-2005, 06:36 AM
السلام عليكم ورحمة الله وبركاته

شاعرنا الكبير المتألق /عبدالله بن شايع سلمه الله .

أولاً : صح لسانك على هالقصيده الرائعة والمعبرة .

ثانياً : أتمنى أن نرى المزيد من شعركم العذب .. فأنا بكل صراحه من المعجبين والمتابعين لقصائدكم وشعركم الجميل .


تقبلوا مني خالص التحية والتقدير

أخــــوكـــم / أبو مسعــــــود

سعد بن شفلوت
01-10-2005, 11:43 PM
وافية
ياوجه بني طلق لاهنت


سعد بن شفلوت]

عبدالله ابن شايع الزهيري
12-10-2005, 02:36 PM
مانع الرفيدي

ماعليك زود ياغالي

شاكر مرورك العاطر وكلامك الطيب

وهذا من طيبك


حفظك الله

جابر بن شنان الحبابي
13-10-2005, 01:32 AM
صح السانك يا بو شايع

وانت كفو والعتيبي كفو

تقبل تحياتي

جابر بن شنان

ابوظبي

فهد المكودر
20-10-2005, 07:01 AM
عبدالله بن شايع

صح والله لسانك مدد ماهو عدد

جزله من راس جزل

وعوايد الوفا يالقرررررررررم

اخوك : فهد المكودر

مهدي بن مسفر الحبابي
31-10-2005, 05:12 PM
صح لسانك وبيض الله وجهـك


قصيده جزله من شاعر جزل ومـتـمـكن

رايـعـه بروعــة حـضورك


بـعـد اذنك نقلتها إلى منتدى خاص بعتيبه وان مشرف به


لك خالص تحياتي وتقديري

عبدالله ابن شايع الزهيري
23-11-2005, 07:19 PM
العريدي

هلا وغلا


شاكر المرور الكريم


حفظك الله

عبدالله ابن شايع الزهيري
04-12-2005, 06:56 PM
ابن عاصم

صح بدنك ياغالي

لاهنت حفظك الله

علي بن حمري
07-12-2005, 09:10 AM
واين أغدي للي علومه مهيله= بالمدح والناموس ماله تواصيف
عينه على درب المراجل دليله= مثل النداوي فوق روس المشاريف
معا هل الطالات جزلٍ حصيله= على الكرم والجود والطيب والكيف
أربع سنينٍ كنّها وقمْ ليله=في جيرة الطيّب معزّه وتشريف
تبنا له البيضا براس الطويله=شوق الهنوف ام القرون المراديف
والله ونعم به ونعم القبيله = عتبان معْروفين أهل منسف وسيف




والله اللي ماضلمت حظك النعم الاولي للذاكر ولاقصورٍ فالمذكور



هنا جار وعتيبي (قرن وسله)


جعل كل خيرٍ معك




موفق

عبدالله ابن شايع الزهيري
20-12-2005, 07:46 PM
ابو ملاك


هلا وغلا

شاكر مرورك الكريم


حفظك الله

أبو صقر
20-12-2005, 10:34 PM
شـــــــــــــــــــــكرا يابو شايع على هذه المشاركة

وعوايدك الطـــــــــــــــــــيب وعوايد شيبانـــــــــــــــك يابو شايع


وكفو والله يارفيق العز والطيب

عبدالله المهداني
21-12-2005, 12:00 PM
صح لسااااااانك يابن شايع













كعادتك يا كحيلان














جزل في كل الميادين











تقبل احترامي وتقديري








متابعك ومحبك














عبدالله المهداني