سفر بن مبارك
21-11-2009, 10:38 PM
بسم الله الرحمن الرحيم
من كتاب المؤلف علي بن شداد القحطاني للشاعر والشيخ الراحل :محمد الأحمد السديري رحمه الله ,,
دنياك يا مخلوق يظهر بها اشكال=توريك صفحاتن وتكشف لك الغيب
تخفي عنك حال وتبدي لك احــوال=تكدر مشــاربن وتصفي مشــــــاريب
يهفا بها اجيالن ويظهر بها اجيـال =ولو اضحكت تبكي وفيها عذاريـــب
للمفتهم فيها جديدات وسمــــــــــــال =بيض ليــاليها وســـــــودن غرابيــــب
وفيها نهارن واضح يشعل اشـــعال =وفيها نهارن مظلم به لواهيــــــــــب
احدن تذعذع له على روس الاقذال =واحدن يعيش من الوزا عيشة الذيب
دنياك تجري بين الاقفا والاقبـــــال =واليا أوجهت غارات خيل مهاذيــب
يالادمي ماطاوعت كل عــــــــــذال =كم ليعت بالبوق من يفغل الطيـــــب
دنيا يبيد حيلها كل محتــــــــــــــــال =تدور بك دورات عجل الدواليــــــب
بقفايها تُعرض ولا ترحم الحــــال =وباقبالها تمـــلا كبار المحـــاليــــب
انبيك يامن سلت عن بعض الاحوال =انشد وانا لك حاضر الفكر ومجيــب
ان كان تبي الرشد ياطيب الفـــــــال=ازبن على رزاق عكف المخـاليــــب
ازبن على اللي في يده علم الاجيال =علام ما بلكون مذري المعاطيــــب
الواحد اللي للصعيبــــــــات حـــلال =منقذ مداريكن ومبري مصاويـــب
اخلص لعلام السراير بالافعـــــــال =وناجه إلى صكت عليك اللواليــــــب
إدعه يفرج لك إلى صكك الجــــال =حلال عسرات الامور المصاعيــب
الي دعاه ايوب من ضيم الاهــوال =وانجاه من حالن تزايد بها الشيـــــب
الناس في دنياك كلن له أعمـــــــال =اتبع طريق العدل وابعد عن العيــب
درب النقا بين ولك فيه مدخــــــال =ومن باق ماله عند ربه مقـاضيـب
لا تلتفت للخلق راحل ونــــــــــزال =مالك على ذرية ادم مطــالــــــــــيب
ورفيقك المامون حطه على البـال =واذره الى جن الليالي شـــــلاهيـــــب
اجعل بقلبك له مقرن ومــــدهـــال =تلقاه ذخر بمعضلات المواجيـــــــب
عديل روحك لا تدور به أبــــدال =عونك اليا صكوا عليك المغـاليــــــب
ماهو بمن شيل العظايم بمــــلال =يصبر كما تصبر على شيلها النيـب
مفراص ماص للصعيبات فتـــال =صميل قيض وماضي له تجاريـــب
واحذرترى بالناس مبغض وختال =ماله مراجل كود شذب العراقيـــــب
عن مذهبه خلك على راس ماطال =وخله على فاله يشم المغاريــــــــــب
البوم يسكن بالخرايب والاطــــلال=والحر مسكانه بروس المراقيــــــب
طير السعد من كفه الدم شـــــــــلال =بالمخلب الساطي عطيب المضاريب
ولايغرك بالرخم كبـــــــــر الازوال =وكبر النسور المهدفات المحاديــــب
من كتاب المؤلف علي بن شداد القحطاني للشاعر والشيخ الراحل :محمد الأحمد السديري رحمه الله ,,
دنياك يا مخلوق يظهر بها اشكال=توريك صفحاتن وتكشف لك الغيب
تخفي عنك حال وتبدي لك احــوال=تكدر مشــاربن وتصفي مشــــــاريب
يهفا بها اجيالن ويظهر بها اجيـال =ولو اضحكت تبكي وفيها عذاريـــب
للمفتهم فيها جديدات وسمــــــــــــال =بيض ليــاليها وســـــــودن غرابيــــب
وفيها نهارن واضح يشعل اشـــعال =وفيها نهارن مظلم به لواهيــــــــــب
احدن تذعذع له على روس الاقذال =واحدن يعيش من الوزا عيشة الذيب
دنياك تجري بين الاقفا والاقبـــــال =واليا أوجهت غارات خيل مهاذيــب
يالادمي ماطاوعت كل عــــــــــذال =كم ليعت بالبوق من يفغل الطيـــــب
دنيا يبيد حيلها كل محتــــــــــــــــال =تدور بك دورات عجل الدواليــــــب
بقفايها تُعرض ولا ترحم الحــــال =وباقبالها تمـــلا كبار المحـــاليــــب
انبيك يامن سلت عن بعض الاحوال =انشد وانا لك حاضر الفكر ومجيــب
ان كان تبي الرشد ياطيب الفـــــــال=ازبن على رزاق عكف المخـاليــــب
ازبن على اللي في يده علم الاجيال =علام ما بلكون مذري المعاطيــــب
الواحد اللي للصعيبــــــــات حـــلال =منقذ مداريكن ومبري مصاويـــب
اخلص لعلام السراير بالافعـــــــال =وناجه إلى صكت عليك اللواليــــــب
إدعه يفرج لك إلى صكك الجــــال =حلال عسرات الامور المصاعيــب
الي دعاه ايوب من ضيم الاهــوال =وانجاه من حالن تزايد بها الشيـــــب
الناس في دنياك كلن له أعمـــــــال =اتبع طريق العدل وابعد عن العيــب
درب النقا بين ولك فيه مدخــــــال =ومن باق ماله عند ربه مقـاضيـب
لا تلتفت للخلق راحل ونــــــــــزال =مالك على ذرية ادم مطــالــــــــــيب
ورفيقك المامون حطه على البـال =واذره الى جن الليالي شـــــلاهيـــــب
اجعل بقلبك له مقرن ومــــدهـــال =تلقاه ذخر بمعضلات المواجيـــــــب
عديل روحك لا تدور به أبــــدال =عونك اليا صكوا عليك المغـاليــــــب
ماهو بمن شيل العظايم بمــــلال =يصبر كما تصبر على شيلها النيـب
مفراص ماص للصعيبات فتـــال =صميل قيض وماضي له تجاريـــب
واحذرترى بالناس مبغض وختال =ماله مراجل كود شذب العراقيـــــب
عن مذهبه خلك على راس ماطال =وخله على فاله يشم المغاريــــــــــب
البوم يسكن بالخرايب والاطــــلال=والحر مسكانه بروس المراقيــــــب
طير السعد من كفه الدم شـــــــــلال =بالمخلب الساطي عطيب المضاريب
ولايغرك بالرخم كبـــــــــر الازوال =وكبر النسور المهدفات المحاديــــب