المساعد الشخصي الرقمي

مشاهدة النسخة كاملة : ياجنوبيه_

ذيب_ال روق
09-09-2005, 11:23 PM
هذي قصيده لاخي وابن عمي فهدبن نايف بن مهنا ال روق القحطاني وهو كذلك اول مشاركه له لكنه ليس مشارك في المنتدى مع العلم انه مبدع في فن المحاوره لكم ماقاله في قصيدته ياجنوبيه:
الطرف والرمش والعينين وخدوده.......وشفاتها لونها حمرا وورديه
ويوجد على صدرها رمان بوروده...........وبداخل الفم يوجد بيض ثلجيه
ويدينها ناعمه وكتوف منظوده..........والعنق منتوق يازين السنافيه
والساق مبرم وكن العود من عوده.......والخشم والفم وقرون(ن)ومدريه
استيسرني بلايا سجن وجنوده..........واصبحت ياناس مسجون(ن)بحريه
مطلق يداياه ولكن ثبت قيوده............في قلبي الي شكى حب السعوديه
انا هنا مير قلبي خارج حدوده.............واظنه انه وصل يم القويعيه
معاد ميزت من بيضا ومن سوده......واتعبت رجلي من الروحات والجيه
يابنت ماترحمين الرجل بجموده.....لصارت السالفه عادات دينيه
لدت وقالت علوم الخير موكوده......ولكن قرب تعال ابيك و هنيا
وحقوقك الواجبه ماهي مجحوده........فبشر بمالي وحالي يابعد خيه
لو تطلب الروح جت الروح مردوده......والروح لك يابعد روحي ترى شويه
لقلت دخان قالت شب باروده.............ولا قلت نار(ن)تقول النار لك حيه
ولقلت زند(ن)تقول اقدح لك زنوده.......ولا قلت مجنون قالت معك جنيه
ياناس مقرود مبلي بمقروده.............والحال يصبح من السيه ليا السيه
بس البلا لا سمعت اسمي وببروده.....والقلب ولع بناره واحرق الريه
يالله لاعاد مصدارتس وماروده.......ولا عاد عشقتس وحبتس ياجنوبيه
المكابسي
10-09-2005, 12:01 AM
ارحب مليارررررررررررررر

والقصيدة كايفة بس

القلب وش يبي في القويعية يابن روق

خله شمال عند الاد ابن روق

هبة ريح وفلة حجاج0
روقي وبس
10-09-2005, 02:28 AM
صح السانك والسان ولد عمك

ويا المكابسي حدد الشمال اي شمال تقصد لان الشمالات واجد
محمد الحياني
10-09-2005, 03:01 AM
صحت يمناك على النقل


وصح لسان ابن عمك الشاعر المميز



وفقكم ربي جميعاً
ذيب_ال روق
10-09-2005, 03:03 AM
لاهنتوا على المرور يا ابن عمي النقيحاني ويا المكابسي هذا الي كاتب القصيده زميماني عاد شف قلبه وين غادي مهو للقويعيه الى حولها وشكرا على مروركم.لاهنتوا
ذيب_ال روق
10-09-2005, 03:06 AM
لاهنت يا فتى الجوه.على مرورك
السيف النادر
12-09-2005, 01:36 AM
صح لسان الشاعر فهد وسلمت يمينك

قصيدة رائعة ... وهذا ما عودنا عليه الاد ابن روق

ارجو بموافاتنا بالمزيد من هذه القصائد الرائعة ...

اخوك

السيف النادر
ذيب_ال روق
27-09-2005, 01:57 AM
لاهنت ياسيف على مرورك غير ابشروا بالجديد بس اسمحولنا هل كم يوم عندنا اختبارات بالكليه وزحمه وما نفضا والله.
ولـد ام القبـايل
01-10-2005, 01:51 AM
صح لســــــــان الشاعر ولاهنت يا ابن روق

والله عنده خويتن مجاديه ماتلدها

بيض الله وجهك ووجه ولد عمك

ولــ ام القبايل ــد
الوعيلي
09-10-2005, 07:28 PM
السلام عليكم ورحمة الله وبركاته أرحب أرحب أرحب يابن لاروق وصح لسانك على هذه القصيدة وعلى طاري السوالف الطيبة القلب وما هوى
ويلي تعذلون قلبي لا تعذلونها عذله من الليبي ياناس منقودي
اخوكم الوعيلي
ابو عبدالله المعمري
03-11-2005, 03:09 AM
ياناس مقرود مبلي بمقروده

ولا عاد عشقتس وحبتس ياجنوبيه

صح لسانك ولسان ابن عمك يالذيب .... تسلم على هذه القصيدة الجميلة .....

ولا تحرمنا من قصايد ولد عمك ...






.
محمد الكدادي
05-11-2005, 11:05 PM
الله لايهيينك ذيب ال رووق على القصيده الرائعه

وصح لسان من قالها


وبيض الله وجهك على النقل الرائع


اخوووك : محمد الكدادي .