شــــــــــــــــــــــاب <======> شبــــــــــــابــــــــه

[شبل قحطان]

شــــــــــــــــــــــاب <======> شبــــــــــــابــــــــه


حبٍ يشيّب صاحبه ما بَعَدْ شاب =وحبٍ يشيب وصاحبه في شبابه


وحبٍ يغيب وصاحبه ما بَعَدْ غاب= وحبٍ يدوم وصاحبه في غيابه


وحب يذوّب خافقٍ ما بعد ذاب= وحبٍ يداوي صاحبه من عذابه


وحبٍ يتوّب خافقٍ ما بَعَدْ تاب= وحبٍ يزيدك رغبةٍ في الكتابه


وحبٍ حياته كلّها لوم وِعْتاب= وحبٍ حقيقي ما يضرّك عتابه


وحبٍ بلا معنى وحبٍ بلا اسباب= يبدا غريب وينتهي في غرابه


وحبٍ ضعيفٍ مثل حبرٍ على كْتاب= تمحيه دمعه في ثواني كآبه


وحبٍ قويٍ مثل قصرٍ له ابواب= لو هبّ عاتيْ الريح ما اهتز بابه


وحبٍ بداية رحلته نظرة اعجاب= واخر مطافه مثل يومٍ بدا به


وحبٍ يعيش بداخل قْلوب الاحباب= وحبٍ يشيع وكل حَيٍ درى به


وحبٍ مقامه في ضلوع الصَدِر طاب= وحبٍ يعدّي مثل مرّ السحابه


وحبٍ على قبره نعق بوم وغْراب =وحبٍ تغنّى به لحون الربابه


وحبٍ بمقدارٍ وحبٍ بلا حْساب= وحبٍ بمعروفٍ وحبٍ نهابه


وحبٍ يعيش أهله وسط داره اغراب= ويموت قهر ويندفن في ترابه


وحبٍ غدا سرّه سوالف للاجناب =وحبٍ يموت وصاحبه ما حكى به


وحبٍ يشيب وصاحبه ما بَعَدْ شاب= وحبٍ يشيب صاحبه في شبابه

[فارس قحطان]

هلا والله بشبل قحطان

الله يخارجنا بس :)

وحبٍ غدا سرّه سوالـف للاجنـاب =وحبٍ يموت وصاحبه ما حكى بـه

[شبل قحطان]

ههههههههههههه مشكور يافارس قحطان على المرور

[خالد آل مطرف العاطفي]

صح لسان قايلها .....وسلمت يمنى ناقلها

مشكور والله ياشبل قحطان ....
اخوك
خالد

[فارس الشواطي]

صححححححح والله لسانك ولسان قايلها

الحب وما يسوي :)

دائما متمير يا شبل قحطان وعساك على القوه

ويا ليت تقولنا من الشاعر

أخوك الشواطي

[شبل قحطان]

صح بدنك اخوووووي خالد ومشكووووور على المرور.

هلا والله بخوووي فاااارس الشواااطي والله بصراااحه مااعرف كاتبها لكن بحاااول اعرف منهو اللي كاتبها .

انت تاامر وحنااا نطامر