هية بين ال الجرو ( عبيده ) وسبيع .

[أبا الذموم]

السلام عليكم ورحمة الله وبركاته
(في هذا الموضوع سوف اتحدث عن هية بين ال الجرو وسبيع في نجد)
كانوا ال الجرو مربعين بابلهم بالقرب من صبحا في نجد وكان مع ال الجرو رجل شهراني اسمه ( ابن عكدان) وولده معه مقاصرين ال الجرو شهرين وانتقلوا مع سبيع عندهااراد الولد الشهراني ان يغزي مع سبيع قال الشايب لولده :
( لاتدل سبيع على ابل قصرانا ال الجرو الي شربنا حليب ابلهم وان دليتهم عليهم ا لله يجعلك اول من ينقصهم )
المهم غزوا سبيع ومعهم ولد ابن عكدان الشهراني دليلتهم على ال الجرو ،شافهم الشيخ الفارس ضويحي بن عبيد الله بن عريج ال الجرو قبل الغرب دخلوا لهم في غار في جبل لكي يمسون ويصبحون العرب شرقة الشمس فرسموا ال الجرو خطه وهم بس 12 رجال سرحوا الابل الفجر في اعالي الشعيب اللي هم نازلين في اسفله ولاله مخراج الا من عند البيوت واختفوا ال الجرو في مكان قريب ويوم هجموا سبيع على الابل فصكوا ال الجرو الطريق واقبلوا سبيع بالابل وقرعوا ال الجروا الخيل وسبيع 25وذبحوهم كلهم وخذوا خيلهم وسلم منهم اثنين فقط كانو على ذلول حمرا ء هجوا في تقا الابل وبغوا يطردونهم الخياله فحلف الشيخ الفارس ضويحي بن عريج ال الجرو ماا حد يلحقهم وقال : (خلوهم شهود فعلكم)

ويوم جوا اهل الذلول اهلهم استعلموهم قالوا :
(والله ذلولنا جا ء في خفها حفاه وعودنا وعهدانهم في المكان الفلاني غازين وراهم )

ويوم خذوا ليلين مااصبر واحد منهم وعلمهم بالقصه


وبعد المعركة قال احد فرسان سبيع من اللي شاركوا في المغزى هذه القصيدة:


البارحه كني على الجمر مجضوع=ابكي خفى وامـش بيـدي دموعـي
لاهمـنـي فـقـرٍ ولاهـمـنـي جـــوع=ولاهمنـي يـكـون فـرقـى ربـوعـي
عهدي بهم يوم اول الخيل مقروع=فـي لقـاء قـومٍ ماتعـرف المنوعـي
معهم حصـانٍ هـو راعيـه قاطـوع=خيـال حــردٍ وللركـايـب طمـوعـي
في ايده قنا مفتوق وحذفـه يـروع=ولو قلت له المنع ماهـوب يوعـي
وجرويـةٍ تلبـس مجاويـخ ودروع=وافعالهـم تذكـر علـى كـل نـوعـي
يـومٍ غزيناهـم وذيدانـهـم ارتــوع=ماغيـرت مـنـا جنبـهـا الرتـوعـي
كم واحدٍ في دقلهم طـاح مصـروع=في دقـل قـومٍ ينطحـون الجموعـي
واللي طمع منا فهو صار مطمـوع=ردوه مـرويـن المغالـيـب طـوعـي
منهـم دليلتنـا ومـن غيـره اربـوع=خلي عليه الطيـر يكفـخ اسبوعـي
هذا اللي هيّض ضميري بمشروع=وغنيت به يوم الخلايـق هجوعـي



## بعض التعليقات :

(عهدي بهم يوم اول الخيل مقروع )
قرعوهم ال الجرو في الشعيب وماسلم واحد



معهم حصـانٍ هـو راعيـه قاطـوع=خيـال حــردٍ وللركـايـب طمـوعـي
في ايده قنا مفتوق وحذفـه يـروع=ولو قلت له المنع ماهـوب يوعـي

يقصدون الشيخ الفارس جديع بن مقبل شيخ ال الجرو مامنعهم يحسبهم من عتيبه لانه حلف مايمنع العتيبي لان عتيبه ذبحوا امه زلت فيها بندق من عتيبه في احدى الهيات
هذا ولكم فائق الاحترام والتقدير

[الضويري]

مبدع دائما اينما حللت

كفوا ال الجرو صبيان عبيده الاشاوس

تقبل تحياتي.

[الظور]

والنعم والله بعيال ابن جاري

وبشيخهم جديع اخو صهده


قصه معى شهاده الاثبات والوجود القصيده

اشكرك اخوي ابا الذموم على كل علم غانم انت من هله

تحياتي لك وتقديري

[ابن شديد ال مخثله]

والنعم بآل الجرو
وبشيخهم جديع بن مقبل الله يرحمه

وتسلم يا ابا الذموم على الابداع والعطاء المتواصل

لك مني كل الشكر والتقدير

[مشاري بن نملان الحبابي]

مرحبا يا أبا الذموم ..

ومليون نعم بـ صبيان آل الجرو ..

ولاهنت على مواضيعك الرائعة ..

[أبو وليد الجروي]

أأأأأأأأأأأأأأرحب ياولد الشايب
بيض الله وجهكـ على هذا الطـــــرح الجميل
وسنايدي يعوال ابن جاري ياعصابة رأسي ومحزمي وقت الظفر
لاهنت والله يعطيكـ العافيه
تحياااااااااااااااتي لشخصكم

[عايض الفهري ابوبندر]

والنعم والله بعيال ابن جاري


لاهنت


على الطرح الجميل


مشكوووووووووووووووووووووووور


تحياتي

[الخنفري سلطان]

الله يعطيك العافيه يا ابالذموم

والله وسبعين نعم في الجرو وفي كل قبايل قحطان

ولكن فيه لبس بين القصيدتين القصيده التي ذكرتها

وقصيده الهيضل العتيبي التي في وقعه حصلت بين عتيبه والخنافر

التي يقول فيها

قم سو فنجال ترى الـراس مصيـوع ***صفه وعذه مـن جميـع الخموعـي
فنجال فيه مخومس الكيف مجمـوع ***بدلال رسلان مثل الغبايش اوقوعـي
ونجر(ن) على الشطات ماهوب مبيوع ***يازين حسـه والخلايـق اهجوعـي
لا همني فقـر(ن) ولا همنـي جـوع ***ماهمنـي ياكـود فرقـا اربـوعـي
علمي بهم يوم اول الخيـل مقـروع ***خنافـر(ن) يدعونهـم بالمنـوعـي
لحقني الحصان واظن راعيه مصدوع ***خيـال حـرد ولركايـب اطموعـي
لا شفت فالمجلس اسنافـي وبالـوع***عده على السنافي وخـل البالوعـي

[جابر الهاجري]

كفو يابني عمي ولاهنت على القصه

[فلاح آل راكان]

والله ونعم يابني عمي على نذر انه شاش راسي

[ابن دغيّم]

والله ومليون ونعم في بني عمنا ورعنا آل الجرو عز الله خوتهم انها ترفع

الرأس لا عدمناهم بني عمنا وبيض الله وجهك ودمتم
ابن دغيم

[ابن دغيّم]

والله ومليون ونعم في بني عمنا وربعنا آل الجرو عز الله خوتهم انها ترفع

الرأس لا عدمناهم بني عمنا وبيض الله وجهك ودمتم
ابن دغيم