المساعد الشخصي الرقمي

مشاهدة النسخة كاملة : يابري حالي وياوجدي وياهمي=معاد به حيلة(ن) في شوفت نويير


سالم الحبابي
12-11-2009, 11:33 PM
يابري حالي وياوجدي وياهمي=معاد به حيلة(ن) في شوفت نويير
اتلا العهد به بمنديله لي إ يومي=مع الدريشه ولو ماهو بمتخيير
ليته ولد خالي او ليته ولد عمي=من شان ماأحد(ن) يشك ان جيت باسيير
وان رحت اعوّد واسولف معه ماأسمي=واضحك معه واتحلى وجهه النيير
ان جيت اوصفه ضعت وكيف باتمي=بس الصراحه يحالي الريم لا ذيير
اعشقه واغليه والعذال ينطمي=من قلب لا غصب في حبه ولاضيير
ياليت يصفي الزمن والشمل يلتمي=دام ان فرقاه هم(ن) شيكه مجيير
لاوالله الا عذاب القلب والسمي=والعله اللي تسل الروح وتحيير
وشلون ابا انسا وحبه صار في دمي=وان جيت باغييره ماهو بمتغيير
فان قاله الله تعالى واللقى تمي=ياطيب وقت اللقى لو عمره قصيير

مشاري بن نملان الحبابي
15-11-2009, 02:03 PM
أرحب يا الحبابي ..

صحّ الله لسانك .. واعتلى شانك ..

قصيدة أكثر من رائعة ..

لاهنت .. وفي انتظار جديدك ..

الظور
15-11-2009, 03:56 PM
الله الله ياسالم

بيوت جميله وغزل من الطراز الرفيع


الحباب مشهورين بكثرة الشعار والجزاله

اشكرك بالحيل

سفير ال جميح
18-11-2009, 02:38 AM
صح لسانك

هادي فارس السنحاني
21-11-2009, 11:56 PM
قصيدة جزله ويعطيك العافيه

سالم الحبابي
15-12-2009, 06:20 PM
الله لايهينكم على المرور

ولكم جزيل الشكر