؛؛ حدثنا عن تخيلاتك ايام الطفولة ؛؛

[سعد الشواطي]

السلام عليكم ورحمه الله وبركاته


مساكم الله بالخير ..

ياليت كل عضو يقولنا عن تصوراته وتخيلاته أيام الطفوله ؟؟


وبكل صراحة ..

[صطام آل ضيف الله القحطاني]

والله ما اذكر شي .. لكن اللي اذكره اني كنت اصمق ابوي وهو يسوق كل ما مرواحد من قدام السياره اقوله اصدمه واعطيك ريال - يعني يروح فيها الرجال عشان الريال - واقعد اقنقن فوق راسه ليه ماصدمته والله ما يطبك الريال خخخخخخخخخخخ

واول مابدا يظهر الشنب خفيييييف فلي مسكتني وحده من النسوان تسلم علي احسبها طايحه عند رجولي << تفكير سعودي :)

واحس اني افتن البنات وانهم منتهين علي لي لبست الشماغ في العيد << والمشكله اني ابو 12 سنه


والله اني كل مااذكر نفسي احقد على عقليتي :)

[عبدالله آل عباد]

يمكن أكثر تخيل عجيب أذكره

هو المقاسات والمسافات

تعود بي ذاكرتي الى بيت الطين وذالك المجلس الوسيع ألي يتسع للجميع

ويوم أراه في السنين الا خيره في زياراتي للديره وأذا به صغير جداً

كذالك المسافه بين البيت والمدرسه الابتدائيه

كانت طويله جداً جداً

وألحين أراها أقرب ما يمكن

أشياء لا يمكن حصرها وتعدادها

لنا زيارات أخرى لموضوعك مع تفاعل الاخوان

[ماجد الخليفي]

صبحك بالخير يا سعد

انا توني صاحي من النوم ....

http://www.qahtaan.com/works/up/get.php?hash=gr3x7fezwi1257978423 (http://www.qahtaan.com/works/up)

اذا مخمخت وريحت بحاول اتذكر ....

[آل معمر]

الله على أيام الطفولة

خيال واسع وبريء

ما بأفضح نفسي لأني كنت ملكع ولعاب