((( شطب الأرقام )))

[أبو عساف]

خذيت جوالي أشيك بالأرقام = رقم يسد اللازم ورقم .. لله

أمشي وأخزن فيه من عشرة أعوام = لين أمتلى من كل ديره وحله

أرقام وأسماء كبيره وأجسام = من كبرها تملى غلاف المجله

أوراق غصن هزته ريح الأنسام = وأنحت من صلف الهبايب محله

الا الصديق الصاحي الصادق الهام = مذخور وأصحاب المهمات قله

أحد مواصلني على طول الأيام = وتواصلي به طيلة العام كله

يفقدني الى غبت وان جيت له قام = وأروح منه وعادني مشفق له

رفيقي اللي في القسا درع وحزام = وأرقى به ظهور النجوم المطله

وأحد يتذكرني من العام .. للعام = يرسل ولو بعض الرسايل ممله

في العيد بس وباقي الوقت صوام = وان جاء لزومه جاء بحله وطله

ماأرتاح من كثر أتصاله ولا أنام = والى قضينا لازمه ماندله

هذا سبب شطبي لمجموعة أرقام = من هاتفي وأعلنتها في المجله



الشاعر مطر بن عيد آل حمدان القحطاني

[محمدبن عبيان الفهري]

اررررررررررررررررررحب يابو عساف

الف الف الف الف الف شكر على نقل القصيدة التي اكثر من رائعه وجعل يمناك مايجيها العطب

وصح اللسان شاعرنا / مطر بن عيد بن العفيش على القصيدة الشامخه بشموخ شاعرها ولايستغرب

على ابوعيد الابداع والجزاله فهو من بيت وبيئة شعر فالله درررك يابوعيد فاانت عنوان الابداع والجزاله

وانت ياابوعساف تاتينا كل يوم بالمفيد والجيد ولاتحرمنا من جديدك ومفيدك الله لايحرمك الجنه ،،،،،،

ولك خالص شكررررررررري وعرفاني


اخوك الصغير / محمد بن عبيان بن مجلاد ال سالم الفهررري

[علي آل جبعان]

هلا وغلا ابو عساااااااااااف

إختيار مميز وقصيدة هادفة تحوي معاني كبيرة في إختيار الأصحاب
الذين يبيضون وجهك عند الشدايد وعند اللزوم ..

فبيض الله وجهك ووجه الشاعر على هذه المعاني الجزلة ..

ودمتم بودّ

[عبدالله بن غفره]

قصيدة رائعه وفكرتها جميلة جداً


والشاعر مطر بن عيد مبدع دائماً ومتألق

[بندر الضيغمي العبيدي]

صح الله لسانك يا أبو عساف ,,

مشاركه هادفه ورائعه وإن الرجال لاتقيم بالبشوت والأموال وكبر الأسامي بل تقيم بدينها وأخلاقها وكرمها

وإحترامها وتقديرها للصداقه .....

لاهنت جعل عمرك طويل على طاعة الله.........

[سفر بن مبارك]

أخوي أبو عساف

ياكثر الأرقام التي تستحق الشطب وشطب نهائي بعد ولكن اللي هونها في الخاطر ماينقذ الجمال في الوحل إلا ذرعانها وأنت من الجمال

ياابو عساف التي ستشيل الحمل شكرا لك ع القصيده الرائعه وشكرا لشاعرنا الرائع .....

[@ابوريان@]

أرحب يابو عساف

الحمد الله على السلامة نورت يالغالي ولك وحشة


تسلم على النقل ويكثرهم والله


تحياتي

[أبو عساف]

أخواني الأعزاء

محمد بن عبيان

وأبن العاصي

أشكركم على المرور وأشكر الشاعر مطر على القصيده اللتي فعلا تلامس الواقع

تحياتي لكم

[فلاح آل راكان]

خذيت جوالي أشيك بالأرقام = رقم يسد اللازم ورقم .. لله

أمشي وأخزن فيه من عشرة أعوام = لين أمتلى من كل ديره وحله

أرقام وأسماء كبيره وأجسام = من كبرها تملى غلاف المجله

أوراق غصن هزته ريح الأنسام = وأنحت من صلف الهبايب محله

الا الصديق الصاحي الصادق الهام = مذخور وأصحاب المهمات قله

أحد مواصلني على طول الأيام = وتواصلي به طيلة العام كله

يفقدني الى غبت وان جيت له قام = وأروح منه وعادني مشفق له

رفيقي اللي في القسا درع وحزام = وأرقى به ظهور النجوم المطله

وأحد يتذكرني من العام .. للعام = يرسل ولو بعض الرسايل ممله

في العيد بس وباقي الوقت صوام = وان جاء لزومه جاء بحله وطله

ماأرتاح من كثر أتصاله ولا أنام = والى قضينا لازمه ماندله

هذا سبب شطبي لمجموعة أرقام = من هاتفي وأعلنتها في المجله



الشاعر مطر بن عيد آل حمدان القحطاني


ارررحب يابو عساف ..

قصيده في الصمييم بيض الله وجه قايلها وناقلها ..

تقبل مروري يا الذيب ..:)