ابو عابر
01-11-2009, 08:28 PM
السلام عليكم ورحمة الله وبركاته
عرفنا في الأجزاء السابقة أن بطل قصتنا رحل عن دياره وأهله طلبا للرزق
وأوصله سعيه في طلب الرزق للعمل عند شايب من أهل الشمال راعيا للبل
وبعد فتره توفي هذا الرجل الطيب واضطر للبقاء مع هذه الأسرة مدة طويل
حتى شب الصبي الصغير وأصبح قادرا أن يعتني بأمه وأخواته ....
رحل بطلنا ومعه حلاله اللي جمعه كل هذه السنين ومر في طريقه على سوق
ووجد فيه رجل يبيع النصايح وسأله عن ثمن النصيحة وكم كانت دهشته كبيرة
عندما أخبره البايع أن ثمن الصيحة عشر من البل ... حاول الجنوبي أن يبقي
البايع من الثمن وفاصله وحاول فيه ودخل بينهم المصلحين ولكن دون جدوى
أصر البايع على الثمن وما نفعت المحاولات لتغيير السعر ...
أخذ الجنوبي يفكر بينه وبين نفسه ويقول أنا تعبي 20 من البل والعشر الباقية
كسب وزيادة وماني خسران شي ويمكن هذي النصيحة تجيب خير منها وبعد
تفكير طويل عزم على شراء النصيحة ورجع للبايع وتبايع معه وشهد الشهود
وبعد ما أستلم البايع البل قاله سرا بينه وبينه حتى يحفظ له قيمة النصيحة .....
" لا ترافق عور " انتفض الجنوبي وقام يصيح هذي النصيحة اللى بعشر من
البل يا حلالي اللي راح ,,, وقام يندب حظه واليوم الأسود اللي مر فيه هذا
السوق وحاول يرد ابله وإشتكى لكبير السوق ولا حصل شي لأن البيع تم برغبته
وبحضور الشهود وطلع من السوق يسوق باقي إبله ويتحسر ...
ساق إبله واستمر في المسير عدة أيام حتى قبل بالأمر الواقع وهدى خاطره
وفي هذه الأثناء مر على سوق فيه من كل البضائع السلاح والحلال والسمن والبر
وكل ينادي على بضاعته أصوات البياعين ماليه السوق وشد إنتباهه صوت يقول..
يا شاري النصيحة ... يا شاري النصيحة ....يا شاري النصيحة
إقترب الجنوبي من مصدر الصوت و إلا وهو برجال غير صاحبه الأول وينادي
من يشتري النصيحة قرب منه وقال بكم النصيحة قاله بعشر من البل .. قاله الجنوبي
تشتري مني نصيحة شاريها بعشر من البل .. قاله البايع ما أبادل قاله الجنوبي إبقيلك
من قيمتها قاله البايع ما أشتري أنا اليوم أبيع حاول فيه الجنوبي ما رضي وراح وخلاه
وداج في السوق وطول الوقت يفكر اشتري النصيحة علها ترد لي العشر الأوله وراح
يفكر ويقدم خطوه ويأخر خطوه ويوصل لي عند البايع ويرجع وبعد تفكير طويل قرر
يشتري النصيحة ورجع للبايع يفاصله على السعر ويحاول فيه والبايع مصر على الثمن
"عشر من البل لا تحاول ما أبقي " يقول صاحب النصيحة والجنوبي يحاول .. طيب
إذا هي النصيحة اللي عندي " يرجع لك حلالك " قاله البايع ..وتفاهموا على التفاصيل
وكيف يثبت حقه إذا هي نفس النصيحة وتوافقوا على حل بينهم ....شهد الشهود واستلم
البايع إبله وقاله النصيحة بينه وبين الجنوبي " لا تبات في وادي " قال الجنوبي وبس
هذي هي ما فيه غيرها قال البايع سلامتك ما قال شي الجنوبي هالمره ساق إبله وطلع
السوق يصبر نفسه ويقول بتكفيني العشر الباقيه والله يخلف بخير في اللي راح
وسار عدة أيام ومر على سوق ثالث وفيه من كل شي ........حتى بياع النصايح لقاه
في هذا السوق غير الأولين ينادي
يا شاري النصيحة ..... يا شاري النصيحة ...... يا شاري النصيحة
قرب منه الجنوبي وقاله بكم النصيحة قال بعشر من البل ضحك الجنوبي ضحك
غير طبيعي حتى إن اللي حوله ظنوه مهبول وأستمر في الضحك ويقول للبايع عندي
نصايح بخمس من البل تشتري قاله البايع اليوم أنا أبيع أستمر الجنوبي في الضحك
وطلع من السوق متوجه صوب إبله يفكر " أخلي العشر تلحق العشرين ............"
ابوعابر
عرفنا في الأجزاء السابقة أن بطل قصتنا رحل عن دياره وأهله طلبا للرزق
وأوصله سعيه في طلب الرزق للعمل عند شايب من أهل الشمال راعيا للبل
وبعد فتره توفي هذا الرجل الطيب واضطر للبقاء مع هذه الأسرة مدة طويل
حتى شب الصبي الصغير وأصبح قادرا أن يعتني بأمه وأخواته ....
رحل بطلنا ومعه حلاله اللي جمعه كل هذه السنين ومر في طريقه على سوق
ووجد فيه رجل يبيع النصايح وسأله عن ثمن النصيحة وكم كانت دهشته كبيرة
عندما أخبره البايع أن ثمن الصيحة عشر من البل ... حاول الجنوبي أن يبقي
البايع من الثمن وفاصله وحاول فيه ودخل بينهم المصلحين ولكن دون جدوى
أصر البايع على الثمن وما نفعت المحاولات لتغيير السعر ...
أخذ الجنوبي يفكر بينه وبين نفسه ويقول أنا تعبي 20 من البل والعشر الباقية
كسب وزيادة وماني خسران شي ويمكن هذي النصيحة تجيب خير منها وبعد
تفكير طويل عزم على شراء النصيحة ورجع للبايع وتبايع معه وشهد الشهود
وبعد ما أستلم البايع البل قاله سرا بينه وبينه حتى يحفظ له قيمة النصيحة .....
" لا ترافق عور " انتفض الجنوبي وقام يصيح هذي النصيحة اللى بعشر من
البل يا حلالي اللي راح ,,, وقام يندب حظه واليوم الأسود اللي مر فيه هذا
السوق وحاول يرد ابله وإشتكى لكبير السوق ولا حصل شي لأن البيع تم برغبته
وبحضور الشهود وطلع من السوق يسوق باقي إبله ويتحسر ...
ساق إبله واستمر في المسير عدة أيام حتى قبل بالأمر الواقع وهدى خاطره
وفي هذه الأثناء مر على سوق فيه من كل البضائع السلاح والحلال والسمن والبر
وكل ينادي على بضاعته أصوات البياعين ماليه السوق وشد إنتباهه صوت يقول..
يا شاري النصيحة ... يا شاري النصيحة ....يا شاري النصيحة
إقترب الجنوبي من مصدر الصوت و إلا وهو برجال غير صاحبه الأول وينادي
من يشتري النصيحة قرب منه وقال بكم النصيحة قاله بعشر من البل .. قاله الجنوبي
تشتري مني نصيحة شاريها بعشر من البل .. قاله البايع ما أبادل قاله الجنوبي إبقيلك
من قيمتها قاله البايع ما أشتري أنا اليوم أبيع حاول فيه الجنوبي ما رضي وراح وخلاه
وداج في السوق وطول الوقت يفكر اشتري النصيحة علها ترد لي العشر الأوله وراح
يفكر ويقدم خطوه ويأخر خطوه ويوصل لي عند البايع ويرجع وبعد تفكير طويل قرر
يشتري النصيحة ورجع للبايع يفاصله على السعر ويحاول فيه والبايع مصر على الثمن
"عشر من البل لا تحاول ما أبقي " يقول صاحب النصيحة والجنوبي يحاول .. طيب
إذا هي النصيحة اللي عندي " يرجع لك حلالك " قاله البايع ..وتفاهموا على التفاصيل
وكيف يثبت حقه إذا هي نفس النصيحة وتوافقوا على حل بينهم ....شهد الشهود واستلم
البايع إبله وقاله النصيحة بينه وبين الجنوبي " لا تبات في وادي " قال الجنوبي وبس
هذي هي ما فيه غيرها قال البايع سلامتك ما قال شي الجنوبي هالمره ساق إبله وطلع
السوق يصبر نفسه ويقول بتكفيني العشر الباقيه والله يخلف بخير في اللي راح
وسار عدة أيام ومر على سوق ثالث وفيه من كل شي ........حتى بياع النصايح لقاه
في هذا السوق غير الأولين ينادي
يا شاري النصيحة ..... يا شاري النصيحة ...... يا شاري النصيحة
قرب منه الجنوبي وقاله بكم النصيحة قال بعشر من البل ضحك الجنوبي ضحك
غير طبيعي حتى إن اللي حوله ظنوه مهبول وأستمر في الضحك ويقول للبايع عندي
نصايح بخمس من البل تشتري قاله البايع اليوم أنا أبيع أستمر الجنوبي في الضحك
وطلع من السوق متوجه صوب إبله يفكر " أخلي العشر تلحق العشرين ............"
ابوعابر