الفياقرا وموقفها من الشاعر والعكس صحيح

[ابوابراهيم العبيدي]

وصلتني القصيده عبر الاميل واتمنى ان تعجبكم

راكب اللي لاتمثنى الخط والسايق عطالـه

ارتقص مثل القريص اللي مكن به ناب حيه



صممه ملعون ترس وبرمجه قبل اشتغالـه

عاكفٍ عنده ثلاث اسنين لين انهى القضيه



كل مصبح قرب الكيف المصفى ورتكالـه

كيف ديفـد عـل ديفـد فـدوةٍ للشاذليـه



وجابه الجفال بالمينا وحطه وسـط صالـه

واسمه اللي فلّس الشيبان عنـد الصيدليـه



ان نطحتـه قلـت يالبيـه يالبـة اصالـه

لازهى كرستالهـا صـدرٍ عليـه القابليـه



ون قفيتـه ماقفيـت الا ردوف البرتقالـه

يوم نادها المغني وبتلـش وصـى خويـه



ون مشى بسم الله الرحمن عل الخير فالـه

اربط احـزام السلامـه لاتطيـح بداخليـه



منوت اللي بالجبيل وكلمه اصغـر عيالـه

قال عجل يايبه مـن قبـل ادن الهاشميـه



ظاق صدره من كلام الورع يومنه شكالـه

كل ماكلم يقول ارواح دام الشمـس حيـه



وفلله عند الخنيني طاريـن لـه ماطرالـه

وقضبه خط الرياض وقال وينك يالحويـه



يوم عدا نقطة التفتيـش والخـط استوالـه

كن صوته يوم خمه صوت شختور ابرديه



وبرمج السرعه بلمسه ورجع الكشن وتكاله

وشغل محمد ولـد عبدومـزون العقربيـه



يوم عـدا ميـه وميـه وستيـن الوكالـه

مخطرانه يترك الاسفلـت لـولا الجاذبيـه



بمدحـه ومجـده وللـي زرى ياعزتالـه

من تزرى هقوتي انه ماركب حتى مطيـه



ماشريتـه لاكننـي كـل ماوقـف قبالـه

احسبني قـد ملكـت المملكـه والفيصليـه


اخوكم
ابوابراهيم العبيدي

[فارس قحطان]

ياهوووووه
كل هذا المدح واثره ماشراه هههههههههه
والله من يوم شفته يقول ذا الكلام كله قلت بس الرجال مقطع الفياجرا :)

اثره ماقد وقع فيها :) الظاهر مغير يتمقل فيها

[خالد آل مطرف العاطفي]

صح لسانك ولسان الشاعر ..
مليار &مليار
مشاركة ..جزله ..مثل ..راعيها ..


منوت اللي بالجبيل وكلمه اصغـر عيالـه =قال عجل يايبه مـن قبـل ادن الهاشميـه

ظاق صدره من كلام الورع يومنه شكالـه =كل ماكلم يقـول ارواح دام الشمـس حيـه

اثر ..كل الوصف ......وهو ماشراه ....عند الله اطيب


ماشريتـه لاكننـي كـل ماوقـف قبالـه =احسبني قـد ملكـت المملكـه والفيصليـه

انت كما عهدتك ..على موعد دائم مع الأبداع

اخوك
خالد

[عبيدي الدمام/ابوزياد]

هلا ابو ابراهيم ..

صراحة الوصف اقل من الحقيقه مع ان الحقيقه اكبر من وصف القصيده والقصيده مليانه من المدح لهذه السيارة العجيبه ....

[فارس الشواطي]

صح الله لساااااااانك

والفياقرااا هي عذرا زمانها

ومجاراة لقصيدتك هذي قصيده في الشبح .. طبعا لو يدري الشاعر

عن نزول الفياقرا كان أجّل قصيدته



يالشبح لولا المحبه كـان والله مـا اهتويـك =حيث سعـرك فاهـقٌ كفـى بغلـوه لعنبـاك
أشهدنـك بالمواتـر كنـك منجـى الدريـك=لا طلب فزعتك عانى تنتخيلـه جـاك جـاك
عارفٌ من صممك لـولاه مـا حـط البريـك=تردعك كان إستوى خطك مع رحلـة سمـاك
من لحقته مـن ورا كنـك تكلـم وش يليـك=أبتعد مسلك مسيرى ما يقـارن مـع سـراك
من فخامتك المواتر شعب وأنت إلهـا مليـك=ومن يعيبك فى وصوفك بلغـه تبـت يـداك
حجم خمسميه خليجى للعديـم تقـول شيـك=لونه العودى مميـز تحسـده نظـرة عـداك
باب شفط ومشراته شغلهـا بلمسـة يديـك=وأنتـل الحسـاس قرنينـه تعلـم وش وراك
نقشته نقشة فتـاةٌ فصلـت بالنقـش زيـك=جمل إكسسوار زينـك وأنتـه مكمـل حـلاك
يحفظك رب الخليقه عن نظـر عيـنٌ تجيـك=ويهتنيبك قرم عينٌ مـا يشكـك فـى غـلاك
والله إنى فى اللـوازم للمسـارى iمحتسيـك=فرحة عيون الذى مع طايـل الطرقـه قنـاك
من فيافى نجد تسرى ليـن تاصـل معجبيـك=فى الحويه والشبح مرسول لبيـوت المـلاك

الشاعر خالد الذيابي العتيبي

..............

أخوكم الشواطي

[ابن شويه]

راح تفكيري عند الفياقرا حقت تالي الليل

تسلم يالعبيدي

اخوك / ابن شويه

[خالد آل مطرف العاطفي]

عارفينك يالشواطي جعلها تسلم يديك =مبدع ٍ ردك ..ونجمك .. ساطع ٍ عالي سماك


من فخامتك المواتر شعب وأنت إلها مليك=ومن يعيبك فى وصوفك بلغه تبت يـداك
حجم خمسميه خليجى للعديم تقـول شيـك=لونه العودى مميز تحسده نظـرة عـداك

تسلم يمينك يالشواطي ...على هذي المجارة ..الرائعه

اخوك
خالد