ابو عابر
26-10-2009, 11:17 AM
بعد ما استقر الجنوبي وطاب له المقام وزانت أحواله رجع لمعازيبه علشان
يبدل الناقة وياخد زواته لقى الحزن مخيم والصياح والنواح ..!! شلي حصل
شلي صار خبروه الشايب يطلبك البيحه مات البارحه نزل الخبر على الجنوبي
مثل وقع الصاعقة أولا الشايب كان طيب معه وعاده مثل ولده والثانية كان ناوي
يستأذن منه علشان يروح لأهله طالت المدة وقد وده بالرحيل لكن أنت تريد والله
يفعل ما يريد ...ما طرى الجنوبي شي بقى يومه ذاك معهم واخذ ما يحتاج ورجع
للمراعي وقرر يؤجل موضوع ترك العمل لوقت آخر ....
وصبر نفسه سنه ... وفي رجعته ذاك اليوم على العادة قرر يستأذن من عمته ويرحل
وفاتحها برغبته بالرحيل وإنه اشتاق لأهله وإنه كان ناوي من أكثر من سنه بس وفات
الشايب منعته وخلته يؤجل الموضوع ......
وبسبب العشرة وقرب الجنوبي من معازيبه وحسن أخلاقه وعفته قامت تطلبه عمته
وتقول تكفى أنت شايف الحال أنا والبنات مالنا إلا الله ثم أنت وهالولد ما كمل السنتين
وقامت تطلبه وتنخاه وترجاه هي وبناتها حتى إنه وافق رحمه بهم وحميه ....
واستمر الجنوبي مع معازيبه حتى إختتن ولدهم حول 15 سنه وصار رجال يقوم بأمه
وخواته وجاهم وسلمهم حلاهم اللي تضاعفت أعداده بسبب حفظه وعنايته وإخلاصه
في عمله وهو بعد حصل خير وبعد ما أكرموه وتوادع منهم ساق حلاله وكان معه
30 ناقة طيبه شي منها أجرته وشي بناتها وبعير طيب محمل حب وتمر وملابس
وبندق ورمح وسيف وجنبيه كفو وتوكل على الله وتوجه لديار أهله...
وبعد مسير عدة أيام مر على ديره وافق اليوم اللي مر فيه يوم السوق الأسبوعي
اللي يقام في هالديره وكل عارض بضاعته وكل ينادي باللي عنده ....هذا راعي الغنم
وراعي التمر واللي يبيع سلاح وهذا عنده ملابس وذاك.... وذاك راعي ابل ...
وماجذب انتباهه إلا واحد ينادي بأعلى صوته ......
يا شاري النصيحة ..يا شاري النصيحة ... يا شاري النصيحة ...يا شاري النصيحة..
قرب منه وسأله ويش تبيع ؟؟ جاوبه : أبيع نصيحة ..
والنصايح تباع ؟؟ رد عليه وقال : نعم تباع ..ولا تبي تأخذ شي بلاش ..
وبكم النصيحة ؟؟ يسأل الجنوبي .. قاله البايع : بعشر من البل ...!!!
ابوعابر
يبدل الناقة وياخد زواته لقى الحزن مخيم والصياح والنواح ..!! شلي حصل
شلي صار خبروه الشايب يطلبك البيحه مات البارحه نزل الخبر على الجنوبي
مثل وقع الصاعقة أولا الشايب كان طيب معه وعاده مثل ولده والثانية كان ناوي
يستأذن منه علشان يروح لأهله طالت المدة وقد وده بالرحيل لكن أنت تريد والله
يفعل ما يريد ...ما طرى الجنوبي شي بقى يومه ذاك معهم واخذ ما يحتاج ورجع
للمراعي وقرر يؤجل موضوع ترك العمل لوقت آخر ....
وصبر نفسه سنه ... وفي رجعته ذاك اليوم على العادة قرر يستأذن من عمته ويرحل
وفاتحها برغبته بالرحيل وإنه اشتاق لأهله وإنه كان ناوي من أكثر من سنه بس وفات
الشايب منعته وخلته يؤجل الموضوع ......
وبسبب العشرة وقرب الجنوبي من معازيبه وحسن أخلاقه وعفته قامت تطلبه عمته
وتقول تكفى أنت شايف الحال أنا والبنات مالنا إلا الله ثم أنت وهالولد ما كمل السنتين
وقامت تطلبه وتنخاه وترجاه هي وبناتها حتى إنه وافق رحمه بهم وحميه ....
واستمر الجنوبي مع معازيبه حتى إختتن ولدهم حول 15 سنه وصار رجال يقوم بأمه
وخواته وجاهم وسلمهم حلاهم اللي تضاعفت أعداده بسبب حفظه وعنايته وإخلاصه
في عمله وهو بعد حصل خير وبعد ما أكرموه وتوادع منهم ساق حلاله وكان معه
30 ناقة طيبه شي منها أجرته وشي بناتها وبعير طيب محمل حب وتمر وملابس
وبندق ورمح وسيف وجنبيه كفو وتوكل على الله وتوجه لديار أهله...
وبعد مسير عدة أيام مر على ديره وافق اليوم اللي مر فيه يوم السوق الأسبوعي
اللي يقام في هالديره وكل عارض بضاعته وكل ينادي باللي عنده ....هذا راعي الغنم
وراعي التمر واللي يبيع سلاح وهذا عنده ملابس وذاك.... وذاك راعي ابل ...
وماجذب انتباهه إلا واحد ينادي بأعلى صوته ......
يا شاري النصيحة ..يا شاري النصيحة ... يا شاري النصيحة ...يا شاري النصيحة..
قرب منه وسأله ويش تبيع ؟؟ جاوبه : أبيع نصيحة ..
والنصايح تباع ؟؟ رد عليه وقال : نعم تباع ..ولا تبي تأخذ شي بلاش ..
وبكم النصيحة ؟؟ يسأل الجنوبي .. قاله البايع : بعشر من البل ...!!!
ابوعابر