شجاع عمر الأكلبي
23-10-2009, 01:12 PM
هذه القصيدة قلتها في مناسبة دعيت لها عند الشيخ عيد بن ناصر بن عيد آل مسعود
ياجبال النهار ويانجوم الظلامي=ياكعام الضديد وياكبار الأسامي
يال مسعود ياكبار البخوت الدواهي=يال مسعود ياجمال الحمول الجسامي
يارجال الوفا وأهل الكرم والحميّة=أشهد إن مجدكم في الكون عالي المقامي
يوم بقعا مزاحم قسمكم تأخذونه=تأخذون الفقار ومعه فرخ السنامي
والله إنا الثقال ولا نزوع الركايب=كود لأمثالكم يامحتمين الجهامي
من ديار أكلب الهيلا عنينا نبارك=دار من يرهبون الخصم يوم الزحامي
عيد ياعيد ربعه في نهار المهمّة=أنت شيخ ٍ بفعلك يالعديم القطامي
والله إن دعوتك لي فخر وأكبر كرامة=مثل تاج الملوك وفوق صدري وسامي
جدّكم عايض المشهور بالجاهلية=إبن حركة مثل حد الرهيف الحسامي
يوم لحق الغزاة أفتك ذوده لحاله=وجندل أثنى عشر فارس ومن هج دامي
وصاح زيزومهم بالمنع تكفى دخيلك=وكب صهوة جواده وأنبطح للسلامي
طيّب الساس والمجنى دهاة التغالب=آكلب اللي منازلهم تحتها الغمامي
وبوك حارب بسيفة في حروب الجزيرة=ظمن جيش السعوديّة وتحت النظامي
في نهار الرغامة بان صوته وفعله=وحاضر ٍ في حروب الدار شرق ٍ وشامي
قاله التغلبي راع العلوم الوكايد=أنقلوا ماسمعتوا في ثنايا كلامي
آل مسعود بدر الوقت لأشتد ليله=ويتوهج بيوم ٍ فيه عج وعسامي
وختمها عد ماهلّت مزون المخيلة=ياصلاتي على المبعوث خير الأنامي
عايض إبن حركة الفارس المشهور خوالة الصمع من بني سعد أكلب ( للإحاطة )
ياجبال النهار ويانجوم الظلامي=ياكعام الضديد وياكبار الأسامي
يال مسعود ياكبار البخوت الدواهي=يال مسعود ياجمال الحمول الجسامي
يارجال الوفا وأهل الكرم والحميّة=أشهد إن مجدكم في الكون عالي المقامي
يوم بقعا مزاحم قسمكم تأخذونه=تأخذون الفقار ومعه فرخ السنامي
والله إنا الثقال ولا نزوع الركايب=كود لأمثالكم يامحتمين الجهامي
من ديار أكلب الهيلا عنينا نبارك=دار من يرهبون الخصم يوم الزحامي
عيد ياعيد ربعه في نهار المهمّة=أنت شيخ ٍ بفعلك يالعديم القطامي
والله إن دعوتك لي فخر وأكبر كرامة=مثل تاج الملوك وفوق صدري وسامي
جدّكم عايض المشهور بالجاهلية=إبن حركة مثل حد الرهيف الحسامي
يوم لحق الغزاة أفتك ذوده لحاله=وجندل أثنى عشر فارس ومن هج دامي
وصاح زيزومهم بالمنع تكفى دخيلك=وكب صهوة جواده وأنبطح للسلامي
طيّب الساس والمجنى دهاة التغالب=آكلب اللي منازلهم تحتها الغمامي
وبوك حارب بسيفة في حروب الجزيرة=ظمن جيش السعوديّة وتحت النظامي
في نهار الرغامة بان صوته وفعله=وحاضر ٍ في حروب الدار شرق ٍ وشامي
قاله التغلبي راع العلوم الوكايد=أنقلوا ماسمعتوا في ثنايا كلامي
آل مسعود بدر الوقت لأشتد ليله=ويتوهج بيوم ٍ فيه عج وعسامي
وختمها عد ماهلّت مزون المخيلة=ياصلاتي على المبعوث خير الأنامي
عايض إبن حركة الفارس المشهور خوالة الصمع من بني سعد أكلب ( للإحاطة )