المساعد الشخصي الرقمي

مشاهدة النسخة كاملة : البخـل طبـع مستحـيـل عـلاجـة


ابن عباد
19-10-2009, 10:21 PM
البخـل طبـع مستحـيـل عـلاجـة
والجود طب لكل الأمراض وعـلاج
جيت الرفيق اللي بشـوش حجاجـة
اللي بحـزات الرخـاء مثـل هـداج
قال العلـوم وقلـت طـلاب حاجـة
حاجة يسر ماهي تكاليـف واحـراج
ان كلفت يكفـي العـذر والمواجـه
وان كان جت من يسر صاحبك محتاج
واومى براسه مثـل راس الدجاجـة
وهز المتون وراح وجهه كما الصاج
واقفيت من عنـده مطفـي سراجـه
ولي حاجـة ماعطيتهـا كـل هـراج
عرض العلوم لغيـر اهلهـا سماجـة
والصاحب الطيب له الـدرب ينعـاج
وكم ضيقـة ياتـي بعدهـا انفراجـة
ياليت كـل اصحابنـا مثـل سهـاج
الصاحـب اللـي مايعكـر مزاجـة
ولا حطلـه كثـر المعاذيـر منهـاج
ولا الردي صيـده يضيـع بعجاجـة
ماتسبقه في سرعـة الـروغ ميـراج

عامر الوهابي
19-10-2009, 11:15 PM
أرحب يابن عباد وصح لسانك وبيض الله وجهك

كلام جزل ووافي من وافي .....

ابن عباد
20-10-2009, 12:08 AM
لاهنت ياعامر على لمرور

فهد بن محمد الزهيري
20-10-2009, 11:20 PM
ابن عباد صح لسانك
والناس للناس وعسى رجال ما يقضي حاجة الرجال اللي يستاهلون يحده الضيم والضيق والعدم
تقبل ودي

أبو صقر
20-10-2009, 11:45 PM
صححححححححححح

لسانك

ابن عباد
21-10-2009, 02:37 AM
لاهنت يابو صقر على المرور

ابن عباد
21-10-2009, 02:40 AM
لاهنت يا فهدا لزهيري على المرور

عامر الوهابي
07-06-2010, 06:11 PM
هذا الأيبات لرشيد الزلامي تسلم على النقل يابن عباد