ابن عباد
18-10-2009, 12:14 AM
من روائع القصيد
الطيب فرصة والجمايل توافيق
ومن لا توفق ماكتب له جماله
ومن لارقى للطيب روس الشواهيق
مازان له وقته على ما بداله
ومادام لفعول الجمايل عشاشيق
كسب الجمايل ما يجي بلسهاله
ولوأنها تشرب مع فكة الريق
كلِ خذا له كل ما أصبح بياله
والطيب منوه للقلوب المشافيق
كل يتوق ومنوته رأس ماله
والمدح مايزهى على الرجل ويليق
إلا لا صارت وافيات خصاله
يستاهله رجل يفك المزانيق
اللي يقال ونعم لا جا مجاله
ومن ساقته نفسه وهو مابعد سيق
لأجل الجميل يزين الله فاله
والمرجله ماهي بتحتاج تنسيق
من بين قلب اللي عشقها وباله
ومن عادة الدنيا تخون المواثيق
تفتر مكرتها سواة المحاله
ولولا اللوازم ماعرفنا المخاليق
مانعرف الرجال لين انعناله
والكفو تظهر فزعته حزة الضيق
وينشاف في الشدة بعين العداله
نسل الرجال متعبين الملاحيق
متوسط من بين عمه وخاله
واللي يطيق ولابغى قال ماأطيق
تحرم عليه المرجله والشكاله
والهينة تكبر على اللاش والهيق
له في الرخاء قاله وفي الضيق قاله
والطيب شاره والضماير صناديق
واللاش طيبه ماتعدى ظلاله
وانا اسبر قلوب الرجال المغاليق
والصامت اقطع غايته من مقاله
ومادام في الدنيا رجال ومطاليق
نصيتهم واللاش مالي وماله
الطيب فرصة والجمايل توافيق
ومن لا توفق ماكتب له جماله
ومن لارقى للطيب روس الشواهيق
مازان له وقته على ما بداله
ومادام لفعول الجمايل عشاشيق
كسب الجمايل ما يجي بلسهاله
ولوأنها تشرب مع فكة الريق
كلِ خذا له كل ما أصبح بياله
والطيب منوه للقلوب المشافيق
كل يتوق ومنوته رأس ماله
والمدح مايزهى على الرجل ويليق
إلا لا صارت وافيات خصاله
يستاهله رجل يفك المزانيق
اللي يقال ونعم لا جا مجاله
ومن ساقته نفسه وهو مابعد سيق
لأجل الجميل يزين الله فاله
والمرجله ماهي بتحتاج تنسيق
من بين قلب اللي عشقها وباله
ومن عادة الدنيا تخون المواثيق
تفتر مكرتها سواة المحاله
ولولا اللوازم ماعرفنا المخاليق
مانعرف الرجال لين انعناله
والكفو تظهر فزعته حزة الضيق
وينشاف في الشدة بعين العداله
نسل الرجال متعبين الملاحيق
متوسط من بين عمه وخاله
واللي يطيق ولابغى قال ماأطيق
تحرم عليه المرجله والشكاله
والهينة تكبر على اللاش والهيق
له في الرخاء قاله وفي الضيق قاله
والطيب شاره والضماير صناديق
واللاش طيبه ماتعدى ظلاله
وانا اسبر قلوب الرجال المغاليق
والصامت اقطع غايته من مقاله
ومادام في الدنيا رجال ومطاليق
نصيتهم واللاش مالي وماله