المساعد الشخصي الرقمي

مشاهدة النسخة كاملة : ياعبيد لا تبكي ترى الامر من فوق


بن جليد
14-10-2009, 01:52 PM
ياعبيد لا تبكي ترى الامر من فوق

تفاجأ شاعرنا الشاعر سعد بن محمد بن جليد الفهري { أبو عبيد } رحمه الله بدخول أبنه عبيد عليه وهو يبكي ويشتكي من أبن الجيران وسوء معاملته له وعدم السماح له باللعب معه فتأثر شاعرنا من دمعات أبنه الصغير وتحركت قريحته بالأبيات التالية :





ياعبيد لا تبكي ترى الامر من فوق *** واللي من الله ما معي فيه حيله

أصبر ولو ثوبك من الكتف مشقوق *** وش عاد لو ما تحت ثوبك فنيله

الخالق الله وأنت يا عبيد مخلوق *** والرزق عند اللي ينشي المخيله

متمسك بك وانت ياعبيد موثوق *** يوم أنت تالي عزوتي بالقبيله

ياعبيدخلك لي وأنا أبوك صندوق *** ولاثقل حمل الوقت عني تشيله

وأبعدعن الي يتهم الجار بالبوق *** وخلك بعيدعن دروب الرذيله

والمثال قالت كل مطرود ملحوق *** والكون واسع واليالي طويله

ومن يعمل المعروف يلقاه مطبوق *** ومن يزرع العنبريفوز بحصيله

ولابد ماتنور لياليك بشروق *** ماهي عليك ولاعلي مستحيله

ولمن فرجها الله نبي ننزل السوق *** ونشري من الغالي ثيابا جميله

ونشري لك السيكل مثل حق مرزوق *** وياتيك مرزوق الحمد ما تجيله

مش الدموع اللي تحدر على الموق *** الرجل لا من سال دمعه يزيله

واليوم لا تبكي ترى الامر من فوق *** واللي من الله ما معي فيه حيله




بن جليد

محمدبن عبيان الفهري
14-10-2009, 03:25 PM
ارررررررررررررحب ياابو محمد فاانت كل يوم تأتينا بدررمن درررررابوعبيد الله يرحمه فهويعتبر هامة من هامات


الشعر في الخليج والجزيره والله يبيض وجهك على الجهد الذي تعمله والعمل الرائع والله يوفقك ويعينك دائم


تقبل شكررررررررررررري وعرفاني


اخوك /محمد بن عبيان المعروف (باالذيب)

سعد الشواطي
14-10-2009, 03:39 PM
مرحبا مليون يا بن جليد ..

صح لسانك وبيض الله وجهك على هذه القصيدة الاكثر من رائعة ..

تحياتي لك يا مبدع الشبكة ..

بن جليد
14-10-2009, 03:54 PM
أخوي محمدبن عبيان وأخوي سعد الشواطي بيض الله وجيهكم

وشاكر لكم تفاعلكم مع القصائد والمشاراكات

وعسى الله يجملني وأقدم اللي يصلح لكم وللجميع

تقبلو فائق تحياتي

فهد بن راجح
14-10-2009, 04:46 PM
الله الله الله الله


ياسلام الله يبيحه ويحلله ويرحمه عز الله مانطق الا درر قصيدة جزل وكافيه واعجبتني حيل حيل


لاهنت يابن جليد ولا ينقل الجزل الا الجزل بيض الله وجهك

ونطالب بإكثر عدد ممكن من هالقصيد الجزل جعلك تسلم

سفر بن مبارك
14-10-2009, 08:02 PM
صح لسانك ولسانه رحمه الله شكرا لك

ابراهيم آل بي حبيب الرفيدي
15-10-2009, 01:29 PM
الله يرحم الشاعر سعد بن جليد


قصيدة طيبه جدا ومؤثره


لاهنت يا عبيان على المشاركات الطيبه


وتستاهل السمعه عليها

بن جليد
19-10-2009, 10:32 AM
هلا بك أخوي ابراهيم الرفيدي

شاكر لك مرورك وكلماتك الطيبة

وعسى الله يجملني عندكم بالقصايد الجزله

ويكفي أني كسبت خوتكم اللي أتشرف وأعتز فيها

بن جليد
26-10-2009, 11:59 AM
أخوي فهد بن راجح

أخوي سفر بن مبارك

هلا بكم وشاكر لكم تفاعلكم

عبدالله فراج العلياني
29-10-2009, 01:19 AM
اللة وكبر رمزقحطان للابد دون الخوي ولجار ولشاعر المرحوم سعد ابن جليد يقف رمزاللوفاء تسلم يمينك يبومحمد اللة يطول سنينك ولايهنيك

الودادي
27-07-2010, 11:17 PM
صح لسان الشاعر
والله يرحمه

راعي المصنه
28-07-2010, 11:51 PM
رحم الله ابوعبيد
رحمة واسعه
ولاهنت يابن جليد

نتمنى ان نرى كتاب عن هذا الاسطوره الشعريه
يحفظ شعره ومعلقاته

محمد بن مسفر بن جليد
01-08-2010, 02:20 PM
مرحبا مليون يا بن جليد ..

صح لسانك وبيض الله وجهك على هذه القصيدة الاكثر من رائعة ..

تحياتي لك يا مبدع الشبكة ..