المساعد الشخصي الرقمي

مشاهدة النسخة كاملة : (( .. من كان شعره يا عرب دوب حاله .. ما ينفعه لو كبروه المجلات .. ))


حسن علي الهاجري
05-09-2005, 12:26 PM
السلام عليكم

مساء الخير

اخواني واخواتي

قصيدة جديده وفكره جديده وهي رد على اتهام ..!!

اتمنى ان تصل الى ذائقتكم الكريمه

:::::::::::::::::::::::



قـــالــوا عـلامــك مـــا تـــجــــيـــــد الجزاله= وابــيـات شعرك ما حوتها خيالات

قـــلــت الــجــزالـــه كــيــف يا اهل الجماله=ابــغـــي كـــلام ٍ واضــح ٍ بالدلالات

قالوا قــصـــيـــد ((الأكــلــبــي)) لـــك دلاله=شــاعـــر مـحــنك ما يبيله دعايات

قــلـــت اذكــــروا لــــي واحــــد ٍ من خلاله=اجـــاري اشــعــاره بجزل العبارات

هــذا عـــمــيـــد الــشّـعــر فـــي كــل حـاله= بــيــني وبــيــنه كالجـبال المنيفات

قـــالـــوا تــصــبـّر خـــلّ عــنــــك العُجَـاله=واخذ الاسامي دون نقص وزيادات

سـلـطـان ((ابـــن وسّـــام)) وافي مقاله=بالشّعر له بصمه وكاسب بطولات

قــلــت الــعــفـــو ((ســلطان)) مالي وماله= هـــذا غـــدا للـشّعر رمز وعلامات

قــالــوا ((وابــن قــضـعــان)) طوّل حباله=اقــرا بــيــوته كــلــبـوها جميلات

قــلــت الــعــدل مــطـلوب يا اهل العداله=((ضيدان)) ما مثـله بنظم الجزيلات

قالوا ((عـلي)) جــــزل الــقــصيد انحنىله =فـنـّان فــي بـدع المعاني والأبيات

قــلت ابــن((حمري)) يـا عرب من قرىله =هــذا بــزغ نـجـمـه بعال ِ السموات

قـالــوا تــرى ((حامد)) فــــريـــد ٍ خـــياله=حاول وصعب الأمر يصبح سهالات

قــلــت ابــن ((زيـــد العازمي)) طاب فاله=شوفـوا قصيده في جميع المحطات

قــالـــوا(( سعد عـلوش)) لا جــا مــجاله=عــذب المشاعر ما يبي قول واثبات

قــلــت الــســنــافــي امــس ذاع اعتزاله = وفــرّغ حـيـاتـه بين ذكر وصلوات

الله يــــبـــــارك في حـــلالــــه ومـــالــه= ويكفيه شرّ اهل الحسد والنمامات

قــالــوا خــلاص الــحــل قـــرّب مــنـاله=مطـلـبـك بـيـّـن مـن خلال الأجابات

قــلــــت اذكــروا ربّ ٍ عــزيــز ٍ جــلاله =طــال الــكـلام وزبدة الهرج غايات

((الشـّعر)) يـا رجال الــكـــرم والشـّـكاله =بـشــرح لكم معناه من دون ميلات

(( الشـّعر )) يا شعـّار نـقـض وفـتاله = ماهـــوب هرج مصفصفين الحكايات

((الشّعـر)) ديـوان العـرب يا رجاله =((والـشّـعـر)) بـحر ٍ بين شاطي وغبّات

احـــد ٍ يــعـــومــه لــيــن يجني جزاله =واحـــد ٍ على شاطيه مكسبه رشفات

ومـن عــصر ((ابوزيد الهلالي)) وآله = لاعصر((ابن لعبون)) و((الشّعر))مامات

((ومحسن)) ((امير الشّـعر)) نوّخ رحاله= ((والقاضي)) اللي ضاري ٍ بالثــّمينات

وابن عــفــيشــه كــرّم الله سباله =سِــيــده لـيــا مـــن صـــار للــشــّــعر سادات

وراكان ابــن حثـلـيـن وثـّق فعاله =فــي ابــيــات تــبـقى للــنــشــامــا شــعارات

وقــايــد زمام الشعر رمــــز الأصاله =صــقــر صـقــر شــعـــره على القلب لذّات

((وهـذا العطاوي)) و(( ابن عون)) ومثاله =اشـــعــارهم فــيـهـا دروس ٍ مفيدات

((والخِسْ)) و((مرشد)) كاسبين الجماله =ونسل (( السديري )) من كبار القيادات

والمسردي (( بالشّـعر )) كــمّل جماله=اللــّي ركــز فـــي هـــامـــة الــشـّـعـر رايات

وذاك ((الـهـويــدي )) ما تــعــدّد خصاله = ((ومفرح الضـمني)) خــذاله شـهــــادات

والاّ ((خلـف هــــذال)) خـلـّــه لحــاله =(( شـــاعر)) مـنـصّــه مـا يــبـيــله اشــادات

ومـســلــّــم اللي اجـــزل الـشــعر طاله = مـــا يشبههه يــا كــود ذيــك السراوات

((والطايـــعـــي)) بالــشّـعــر تعـجب مثاله = ((مطلق)) وله في طيـّب الشعرعادات

ولــو بــذكــر الشـــّـعـــار وسط الرساله = ما احصي نجـــوم ٍ في سمانا مطلات

والخــوف لا يــكشف لنا الــوقت عاله = شــــيء ٍ جــديـــد ٍ واللـيـالي سريعات

فــي هالـــزمـن يمكــن يجي فـيــه آله = تِــبـْــدَع جـزيــل القاف في كل الأوقات

يا هل (( الشـّعر )) لا بد نرفى خماله =ونـــمـيّــزه يـــا أهـــل القلوب اللبيبات

((ومـن لا يـميــّز صافـيـه من حـثـاله)) = ((بيـنه وبين الشـّعـر درب ومـســافات))


((ومن كان شعره يا عرب دوب حاله))=((مـــا يــنــفعه لــو كبّروه المجلات))

تــم الكـــــلام ولا لحــقــنـــا كــمــاله = ولا هــمـّــني أهــل الـنـّـفــوس الدنيّات

وصلوا عـــدد برق ٍ تكاشف خـيــاله =عـلى الـــنــبي خـــاتــم جميع الرسالات


(( .. اخوكم / حسن بن علي الهاجري .. ))

العاطفي (دوت كوم)
05-09-2005, 01:09 PM
قالوا ((عـلي)) جــــزل الــقــصيد انحنىله =فـنـّان فــي بـدع المعاني والأبيات

قــلت ابــن((حمري)) يـا عرب من قرىله =هــذا بــزغ نـجـمـه بعال ِ السموات


[/poet]


صح لساااااااااانــــك

فارس قحطان
05-09-2005, 01:49 PM
السلام عليكم ورحمة الله وبركاته

صح لسانك مدد ماهو عدد

ياحسن الهاجري

شاعر شاعر شاعر
ولا يلحقنا فيك شك

صح لساااانك مليارات على هذه الجزاله

حسن علي الهاجري
07-09-2005, 10:53 AM
العاطفي

هلا وغلا

اشكرك على المرور

سعيد بن مانع
07-09-2005, 02:47 PM
حسن
إبداعxإبداع
بيض الله وجهك على هذه الرائعه ...
وصح لساااااااااااااانك مليوووووووووووووون في ذمتي كفيت ووفيت
تقبل اعجابي وتحياتي

ابن سابره
07-09-2005, 06:40 PM
يعطيك العااافيه





دندن
مصيرها تروق وتحلى

محمد بن جفين
08-09-2005, 05:10 PM
ارحب يالهاجري

شاعر معروف ولاهوب يلحقنا شك فيك

صح لسانك ملايين وكفو والله

ذيب_ال روق
09-09-2005, 05:50 AM
شقول شوصف في شعرك يا ابن عمي صح الله لسانك فكره جميله ولا قد قرينا مثلها من قبل والقافيه رايعه وصح لسانك وبيض الله وجهك قصيده تبيض الوجه وعزالله كل بيت قلته صدقت وصح الله لسانك.

برفسور
09-09-2005, 03:22 PM
صح لسانك على هل ققصيده الزينه

بارق الشرق
10-09-2005, 02:04 AM
الأخ حسن الهاجري

هذه أول قصيدة أقرأها لك

وأنا أشهد أنك (ممن يعومه لين يجني جزاله )

في انتظار الإبداع القادم

حسن علي الهاجري
10-09-2005, 10:29 AM
فارس قحطان

يا لبى والله قلبك على الكلام الحلو اللي يشرح القلب

وانا والله اتنومس بحضورك وتعليقك ويا ليت معاها شيء من التوجيه

عشان استفيد من خبراتكم والله ثم والله اني بحاجه الى توجيه وارشاد ولا تحرموني

محمد الحياني
10-09-2005, 12:58 PM
مشكور

اخوي الهاجري


صح لسانك

حسن علي الهاجري
13-09-2005, 09:36 AM
عزيزي .. بن مانع الرفدي .. تحية عطرة

باقة من الياسمين والجوريه
اهديها لك ايها الكريم ..

عزيزي ..

لمرورك العذب قلبا محبا .. يتمنى لك ..

افاق رحبة و نبضات محبه ..

لك اصدق الشكر ..عزيزي .... بصدق ..

احب مرورك النقي .. بعمق ودمت .. اجمل من وصف الحرف ..

حسن علي الهاجري
13-09-2005, 09:38 AM
ابن سابره يا هلا وغلا والله يعافيك ولا هنت على المرور والحروف الجميله

حسن علي الهاجري
13-09-2005, 09:39 AM
محمد بن جفين

لك كل الشكر ووافر الامتنان على هذه الزيارة الكريمة
لصفحتي المتواضعة .. والتي ازدانت جمالا ورونقا بتوقيعك الكريـــــم ..
كما أشكر لك تلك الكلمة الرائعة والتي أسعدت بها حقا ..

عزيزي ..

أسعد دوما بتواجدك على صفحاتي المتواضعة ..

تحياتي وإمتناني

حسن علي الهاجري
13-09-2005, 09:40 AM
ذيب آل روق

باقه من الـــــورد والياسمين ...
أهـــديـــها إليك من صميم قلبي
عــلــهــا تصل إليك كما أريدها ...

فــأنــا أريدها نقيه كنقاء قلمك
وأريدها زكيه كروحك ...

اخي الكريم..

شكرا لك و لمرورك على هذه الخاطرة
والوقت الذي منحته لني .. وشـــكــــرا لـــــك عـــلــى تشجيعك

حسن علي الهاجري
13-09-2005, 09:41 AM
بروفيسور

هلا وغلا ومرحبا ومسهلا

ولا هنت على التواصل والحروف الجميله

حسن علي الهاجري
13-09-2005, 09:42 AM
بارق الشرق

باقه من الـــــورد والياسمين ...
أهـــديـــها إليك من صميم قلبي
عــلــهــا تصل إليك كما أريدها ...

فــأنــا أريدها نقيه كنقاء قلمك
وأريدها زكيه كروحك ...

اخي الكريم..

شكرا لك و لمرورك على هذه الخاطرة
والوقت الذي منحته لني ..
وشـــكــــرا لـــــك عـــلــى تشجيعك

كحيلان
16-09-2005, 05:16 AM
صــــــــــــــح ألســـــــــــــانك


ألله يعطيك ألف عافيه

مشكور ولاهنت


تقبل تحياتي

أخوووك / كحـــيلان

هشام الداوود
16-09-2005, 06:41 PM
لا هنت يالهاجري

عز الله انك جبتها في الصميم

تسلم يمناك

ولا عدمناك

عبدالله المهداني
18-09-2005, 12:57 AM
صح لسانك اي صح لسانك تلليون يا وجه جنب على الحرام انك شاعر جزل
تقبل اعجاب وتحيات المهداني ولا تحرمنا من الجديد

ذيب العبيدي
18-09-2005, 02:06 AM
الاستاذ ابو علي


ماذا اقول


سعدت بقراءتها هناك واستمتعت بها هناء


وللشعر حضور مع هذا الاسم


ولهذا الاسم محبه خاصه عندي


رائع يابو على


تحياتي لك




العببيديي

حسن علي الهاجري
18-09-2005, 09:39 AM
فتى الجوه

هلا وغلا ومرحبا ومسهلا


ولا هنت على المرور


ولا تحرمني تواصلك وتوجيهك

حسن علي الهاجري
18-09-2005, 09:41 AM
كحيلان

هلا وغلا ومرحبا

اشكرك على المرور وما قصرت على حروفك العذبه والتشجيع
ولا تحرمني تواصلك وتوجيهك

مضواح بن جابر
20-09-2005, 07:28 PM
ارحب ارحب


ياحسن الهاجري



صح لسانك مليييييييييييارات يالقرم


جزل ومبدع



تقبل اجمل التحايا


في امان الكريم

حسن علي الهاجري
27-09-2005, 03:11 PM
ابن داوود الهاجري

هلا وغلا ومرحبا ومسهلا

اشكرك على المرور والحروف الجميله

سعد بن شفلوت
02-10-2005, 12:34 AM
احسنت ياحسن

وانت في قائمة الشعار اعلاه


وماجاك فعندي

سعد بن شفلوت

حسن علي الهاجري
05-10-2005, 01:22 PM
عبدالله المهداني

مرحبا ومسهلا

ويا هلا وغلا

اشكرك على مرورك وحروفك الجميله واطراءك العذب

والله يقدرني على حسن ظنكم

حسن علي الهاجري
05-10-2005, 01:26 PM
ذيب العبيدي

مرحبا تراحيب المطر

الله لا يهينك

دوما تحرجني يا منقع الطيب

بكرمك وتواضعك واطراءك وحروفك الجميله


لا تحرمني فديت خشمك من التوجيه

حسن علي الهاجري
05-10-2005, 01:27 PM
مضواح بن جابر

مرحبا ومسهلا

اشكرك يا الغالي على تواضعك وحروفك الجميله

والله وجود شرواك يشرفني ويفرحني بنفس الوقت

فلا تحرمني طال عمرك من التواصل والتوجيه

حسن علي الهاجري
05-10-2005, 01:28 PM
سعد بن شفلوت

مرحبا ومسهلا


ويا هلا وغلا

لا هنت يا ابيض الوجه على الشهاده اللي اعتبرها شرف على راسي

ولا تحرمني من هذا التواصل والتشجيع والتوجيه لا تخلون اخوكم من الاستفاده يا المشاكيل

حسن علي الهاجري
09-10-2005, 12:51 PM
ذيب العبيدي

والله مهما اكتب ما آصل جزى طيبك وتواضعك يا السنافي