المساعد الشخصي الرقمي

مشاهدة النسخة كاملة : اللعنه اللـي خصهـا الله لبليـس

تراحيب القثامي
05-09-2005, 12:03 PM
(((السلام عليكم ورحمة الله وبركاتة)))


اللعنه اللـي خصهـا الله لبليـس=حلت على طبع الردى واستحلـت

حلت على طبع الدنا والدنافيـس=اللي عن اطباع الردى ماتخلـت

ناس لهاعن جمله الخلق تنجيـس=اللي بهرج النـاس دايـم تفلـت

نقالت الهرجات ربع التحاويـس=اهل النميمه ياعـرب ماستذلـت

دنيا الفنا ملت عنـا يامراطيـس=حتى السما بالغيث ماعـاد هلـت

لعنه تحل بكل من كـان بليـس=ولعنه تحل بكـل نفـس تسلـت

ولعنه تحل بعابـدات القراطيـس=اللي بحب المال فيهـا استضلـت

عن واجب الله بالهافى الوساويس=ماهمها عن فرضها اليوم ولـت

هذا الكلام ومابقى فيـه تدريـس=لاهل العقول اللي بها اليوم دلـت

باب العقل ماصك بابه محابيـس=وباب الجهل فاتح له الناس تلـت

الكذب شين وفيه للنفس تحبيـس=والصدق زين ومنه نفسي تملـت

الصمت خير ونعمة فىالمجاليس=لاهل الهروج اللي بها اليوم زلت

بانت لنا فى الوقت مثل الكوابيس=فعول ناس بالـردى مـا تعلـت

وين الرجال اللي تحب النواميـس=اللي على طيب الفعايـل تجلـت

وصلاة ربي ياهل العرف والقيس=على نبي الحق من يـوم طلـت
ابرق عياش
05-09-2005, 05:48 PM
لاهنت يا تراحيب القثامي

و يستاهل ابليس و العياذ بالله منه
تراحيب القثامي
06-09-2005, 03:13 AM
السلام عليكم ورحمة الله وبركاته
يابرق عياش

الف شكر على مرورك


تحياتي
محمد بن جفين
06-09-2005, 11:31 AM
(((السلام عليكم ورحمة الله وبركاتة)))


اللعنه اللـي خصهـا الله لبليـس=حلت على طبع الردى واستحلـت

حلت على طبع الدنا والدنافيـس=اللي عن اطباع الردى ماتخلـت

ناس لهاعن جمله الخلق تنجيـس=اللي بهرج النـاس دايـم تفلـت

نقالت الهرجات ربع التحاويـس=اهل النميمه ياعـرب ماستذلـت

دنيا الفنا ملت عنـا يامراطيـس=حتى السما بالغيث ماعـاد هلـت

لعنه تحل بكل من كـان بليـس=ولعنه تحل بكـل نفـس تسلـت

ولعنه تحل بعابـدات القراطيـس=اللي بحب المال فيهـا استضلـت

عن واجب الله بالهافى الوساويس=ماهمها عن فرضها اليوم ولـت

هذا الكلام ومابقى فيـه تدريـس=لاهل العقول اللي بها اليوم دلـت

باب العقل ماصك بابه محابيـس=وباب الجهل فاتح له الناس تلـت

الكذب شين وفيه للنفس تحبيـس=والصدق زين ومنه نفسي تملـت

الصمت خير ونعمة فىالمجاليس=لاهل الهروج اللي بها اليوم زلت

بانت لنا فى الوقت مثل الكوابيس=فعول ناس بالـردى مـا تعلـت

وين الرجال اللي تحب النواميـس=اللي على طيب الفعايـل تجلـت

وصلاة ربي ياهل العرف والقيس=على نبي الحق من يـوم طلـت


ارحب يالقثامي
ارحب ملايين
احب اولا ارحب فيك بين ربعك القحاطين وانت اخو ورفيق

وصح لسانك يالجزل
مبدع وجزل

شاعر ما عليك غبار

لكن عندي بعض الملاحظات
اذا سمحت لي





دنيا الفنا ملت عنـا يامراطيـس=حتى السما بالغيث ماعـاد هلـت
البيت هذا بدال كلمة مراطيس لو كانت مخاسيس كانت افضل




الكذب شين وفيه للنفس تحبيـس=والصدق زين ومنه نفسي تملـت

وهنا كلمة تحبيس لو كانت تخسيس افضل

لانه معروف ان الكذب يخسس النفس وصاحبه
والبخل هو الي يحبس النفس




القصيده كايفه وما عليها
كلام

وكففوو والله ملايين

ولكن هاذي بعض الملاحظات اللي عندي
تقبل تحياتي
ولاتبطي علينا


اخوك
محمد
تراحيب القثامي
07-09-2005, 09:22 AM
السلام عليكم ورحمة الله وبركاته

صح بدنك

البقا يامحمد

بارك الله فيك استاذ

وصح لسانك على ماقلت

ولكن سبق السيف العذل

القادم افضل ان شاء الله


يابن جفين

لك.....احترامي وتقديري
محمد بن جفين
08-09-2005, 05:18 PM
السلام عليكم ورحمة الله وبركاته

صح بدنك

البقا يامحمد

بارك الله فيك استاذ

وصح لسانك على ماقلت

ولكن سبق السيف العذل

القادم افضل ان شاء الله


يابن جفين

لك.....احترامي وتقديري


تراحيب الله لا يهينك على رحابة صدرك
واخلاق العاليه
اخوك ومحبك محمد
برفسور
09-09-2005, 03:27 PM
صح لسانك على القصيده
ونطمع بلمزيد
بارق الشرق
10-09-2005, 01:54 AM
الشباب علقوا على القصيدة وما قصروا وانا سأعلق على :

طريقة تقبل الأخ تراحيب لملاحظات الأخ محمد بن جفين ورده الرزين العاقل

حيث أن بعض الاخوان يتشنجون مع أي ملاحظة وتأخذه العزة
ولايوجد فينا من يخلو من الملاحظات فنرجو ممن يعطى ملاحظات
وهو يرجو أن يطور موهبته أن يتقبل هذه الملاحظات بصدر رحب
وأن يتيقن بأن هذه الملاحظات على القصيدة وليست على شخصه الكريم

وفق الله الجميع ...

مع تكرار اعجابي بردك ياتراحيب

ومرحبا ( تراحيب ) المطر
تراحيب القثامي
14-09-2005, 02:14 PM
السلام عليكم ورحمة الله وبركاته

صح بدنك

ياجنتل



وبارك الله فيك


لك.....احترامي وتقديري
كحيلان
16-09-2005, 05:22 AM
صح ألسااااااااااااااانك

يستاهل بليس

لعنة ألله عليه وعلا أهله
تراحيب القثامي
17-09-2005, 03:31 AM
السلام عليكم ورحمة الله وبركاته





صح بدنك


ياكحيلان



تحياتي