المساعد الشخصي الرقمي

مشاهدة النسخة كاملة : هيه ياللي تفعل المنقود وتصيح وتشره


ذيب الحميداني
10-10-2009, 07:23 PM
بسم الله الرحمن الرحيم

المعرفه في بدايتها تواهيم ومغره=ليلة ٍ غدرا يتيه ابها الدليله لا سراها
احسب ٍ مافي المعرفه قينة ٍ في ثوب حره=انخدعت بصوتها ولا نويت اكشف غطاها
ماكشف عن وجهها غير الزمن لله دره=اكتشف لي سرها المجهول والحقها مداها
والوفا يبقا على طول الدهر والموت مره=والوجيه اقبح مافوق الارض لاباعت سحاها
هيه ياللي تفعل المنقود وتصيح وتشره=انت مثل اللي يكحلها وكحلتها عماها
طيع شوري والزناد اقصر يمينك لاتجره=قال الاول خلها جبعا تفارقني وراها
زر ثوبك فوق جسمك كان تبغا الستر زره=لاتبين خملتك ما دام اخو شما رفاها
لا تحسب اني على درب الردا قصاص جره=نشري الجزله ونفعلها ولا نرقب جزاها
واحمد الله واشكره مالك فضل مثقال ذره=لقمة ٍ من يدك لو يذوقها الواوي غثاها
لا تحسب ان الثرا مثل الثريا والمجره=والنشاما ماتجوع ابطونها لولا لحاها

أخوكم/ ذيب بن محمد الحميداني

سفر بن مبارك
10-10-2009, 07:51 PM
الاخ الكريم ذيب الحميداني
والله ونعم بلحيتك ياابومحمد ذرابه مرجله كرم حسن خلق ونحسبك والله حسيبك في الدين والمواقف المشرفه
صح لسانك قصيدة جزله من شاعر كبير له مكانته في الساحه دمت سالما غانما.......

عايض الفهري ابوبندر
10-10-2009, 07:52 PM
صح لسانك






لاهنت



بيض الله وجهك

يعطيك العافيه


تحياتي

محمدبن عبيان الفهري
10-10-2009, 11:36 PM
الشاعر الكبير /ذيب بن محمد الحميداني

صح السانك على القصيدة الشامخه الذي قلما تجد شاعر يكتب مثل ها الابيات التي مرصعه باالذهب والألمااااااس


والله يجعل السانك مايعطب ياابو محمد هذ والله يحفظك ويرعاك ،،،،،،،،،،،،



تقبل تحياتي وشكري وعرفاني وسجل اعجابي بك دوووووووووووووووم



اخوك الصغير/محمد بن عبيان الفهررررررررررررررررررررري

عبدالله فراج العلياني
10-10-2009, 11:39 PM
أكتشف لي سرها المجهول ولحقهامداها
صــــــح الســـــانك

ذيب الحميداني
14-10-2009, 07:18 PM
حييت يابو فيصل

ما عليك زود ومرورك شرف لي

تقبل تحيات اخوك

حسين بن شتوي الحبابي
16-10-2009, 12:14 AM
ااااارحب يابومحمد


صح الله لسانك شاعر جزل وتجمع المحاوره والنظم


وتعرف راي فيك من زمان شاعر وتعجبك علومك كلها

نهيد النهدي القحطاني
16-10-2009, 01:43 AM
صح لسانك قصيدة جزلة

سعيد بن مانع
16-10-2009, 02:34 AM
عوايدك الجزاله ياسمي اسمه




المعرفـه فـي بدايتهـا تواهيـم ومغـره
ليلة ٍ غدرا يتيه ابهـا الدليلـه لا سراهـا
احسب ٍ مافي المعرفه قينة ٍ في ثوب حـره
انخدعت بصوتها ولا نويت اكشف غطاهـا


اشهد انه مطلع ملككككي

عبدالعزيز محمد الشلوه
16-10-2009, 10:20 AM
ماكشف عن وجهها غيـر الزمـن لله دره
اكتشف لي سرها المجهول والحقها مداهـا


صح السانك يالذيب تقبل مروري

ابن عباد
21-10-2009, 02:47 AM
بيض وجهك على هذي القصيدة الجزلة

ذيب الحميداني
24-10-2009, 04:46 PM
لاهنتوا جميعا وبدون تخصيص

اشاداتكم وسام على صدري واتمنى ان اقدم دائما مايليق بكم

كقراء متذوقين للشعر وشعراء لهم مكانتهم في الساحه

وتقبلوا تحيات اخوكم.