قصيده مدح لأمير من أمراء مطير

[ابن صاهود]

هذه القصيده للشاعر/ محمد بن صاهود القحطاني
في الشيخ/ متعب بن عوض بن فهاد المقهوي أمير قبيلة ذوي سعدون من مطير وأمير بلدة أم حزم


سلام ياميرٍ تحل الصعيبات *** يازبن مضهود عليك محدودي





متعب عوض فهاد زبن المهمات*** بالطيب مالك يالمقهوي حدودي





حرٍ تسلسل من حرارٍ عطيبات*** تاريخهم روس القبايل شهودي





وفعالهم بالطيب ماهن حديثات *** مجدٍ سعوله من قديم الجدودي





ذخرٍ لنا وإن جا غلايب وصكات*** والبيت مايبنى بليا عمودي






ويامير لك في حزة الضيق وقفات*** حلاَل في وقفتك كل
العبودي





لك في اللوازم والمواجيب عادات*** عزٍ لمن جاك وضدٍ للحسودي





وليا نخاك ضعيف شلت الثقيلات ***وكلن يجيلك من جميع البدودي





وختامها مني لكم سلام تحيات*** مني لكم ومعطره بالورودي

[عبدالله فراج العلياني]

ابيض وجه

[عايض الفهري ابوبندر]

لاهنت



بيض الله وجهك

يعطيك العافيه


تحياتي

[ابن صاهود]

ووجهك يالعلياني
لاهنت ع المرور

[عبدالعزيز محمد الشلوه]

بيض الله وجهك يابن صاهود على القصيده الجزله


وبو عوض يستاهل اهل للمدح

تقبل مروري واعجابي يالغالي

[ابن صاهود]

ولا انت يا ابو بندر
والله يبيض وجهك ع المرور

[ابن صاهود]

ووجهك ابيض يا اخي عبدالعزيز
شكرا ع المرور

[ابن صاهود]

للرفع

[محمد السعدوني]

الله يعافيك ياابن صاهود على القصيده الجزله في امير قبيلتي قبيلة ذوي سعدون من مطير

اخوك :محمد السعدوني المطيري