منصور بن حيان القحطاني
29-09-2009, 02:52 PM
ياهاجسي وقف وقلّي سلامات=في موقف ٍ يجبرك حزّة حضوره
خلاّ جروحي فوق كبدي علامات=على ظنا روحي وزبدة سروره
راحوا على الجنات منّي حمامات=مريم صبا عيني ولخرى لنوره
هذي مقادير الولي كانها جات=تصبر لها اهل القلوب الصبوره
ماتنفع الصيحات ماتنفع الآت=حتى ولو كانت رجال ٍ جسوره
محزون ياهل الخير محزون مابات=والصدر يغلي فيه نار ٍٍ وفوره
وصبر صبر ايوب وايوب مامات=من علّته والله بيّح نذوره
فضل الله اوسع من فضا هالسموات=ياذابح ٍ صبره بكسرة عجوره
رحمتهم تحت الثرى بين حيات=ماحولهم غير الجماجم قبوره
والدود ياكل من عظام ٍ رقيقات=وهم كما بدر الدجا في ظهوره
متنقي ٍ اخوالهم والقرابات=من روس قوم ٍ في المواقف صطوره
جاني يعزيني فجوج وجماعات=ياليتهم شافوا ابوهم ودوره
يالله عساهم قدمنا وسط جنات= في وسط بستان ٍِ تشاهد زهوره
مايجزع المؤمن ولابه حسافات=والمؤمن الصادق يحسّب قصوره
خلاّ جروحي فوق كبدي علامات=على ظنا روحي وزبدة سروره
راحوا على الجنات منّي حمامات=مريم صبا عيني ولخرى لنوره
هذي مقادير الولي كانها جات=تصبر لها اهل القلوب الصبوره
ماتنفع الصيحات ماتنفع الآت=حتى ولو كانت رجال ٍ جسوره
محزون ياهل الخير محزون مابات=والصدر يغلي فيه نار ٍٍ وفوره
وصبر صبر ايوب وايوب مامات=من علّته والله بيّح نذوره
فضل الله اوسع من فضا هالسموات=ياذابح ٍ صبره بكسرة عجوره
رحمتهم تحت الثرى بين حيات=ماحولهم غير الجماجم قبوره
والدود ياكل من عظام ٍ رقيقات=وهم كما بدر الدجا في ظهوره
متنقي ٍ اخوالهم والقرابات=من روس قوم ٍ في المواقف صطوره
جاني يعزيني فجوج وجماعات=ياليتهم شافوا ابوهم ودوره
يالله عساهم قدمنا وسط جنات= في وسط بستان ٍِ تشاهد زهوره
مايجزع المؤمن ولابه حسافات=والمؤمن الصادق يحسّب قصوره