المساعد الشخصي الرقمي

مشاهدة النسخة كاملة : قصيدة عند الملك عبدالعزيزرحمة الله الشاعر محمد بن ناصر بن كدم المعروف (نخران)


حمد الظلافيع
04-06-2008, 06:18 PM
الشاعر محمد بن ناصر ال كدم ال قريش المعروف (نخران) رحمة اللة من كبار شعار قحطان في وقته وقال قصيدة طويلة قالها عند الملك عبالعزيز طيب الله ثراه يذكر ماثر قبيلة عبيدة قحطان وبعض فريس قبيلة ال كناد عبيدة اجابه للشاعر المعروف لويحان عندما سألة عن قبيلته في مجلس الملك عبدالعزيز رحمة اللة . فأعجب منه الملك عبدالعزيز وأكرمه حيث قال ضمن أبيات قصيدته:

حن قحطاطين على العز دايم قصرنا يبنى وساسه شديد

حن هل الناموس واهل الفعايل لي لبسنا مخلصات الحديد

وان نزعنا صافيات الصقايل نصفق الحراب مما يريد

وان وردنا مثل سيل الحشاير ماترده نابيات الزبيد

مثل مجراد يسوقه هبايب يدفعه ربك على مايريد

كان تنشدني فانا من عبيدة بزنا لي ذرع دايم جديد

نمن المجرم وننكي المعادي وان حربنا مانهاب البعيد

مثل مذكر وابن غيدة يسمى وابن حبشة يوم يبس الوريد

يوم باعوا العمر ماحسبوا له لين راح الخصم منهم شريد

يوم خطوا في جويل خطيطه وافقت طير الخلا ماتريد

مشاري بن نملان الحبابي
04-06-2008, 06:40 PM
بيض الله وجهك على إيراد القصيدة ...

متميز في مواضيعك ...

طلق الحجاج
15-06-2008, 07:18 PM
لاهنت وبيض الله وجهك اخوي حمد على ايراد هذه السالفه والقصيده ..

والله وسبعة انعام يالعبيدي

حمد الظلافيع
15-06-2008, 09:30 PM
ونت لاتهون يكحيلان طلق الحجاج

ابو مبارك المظفري
16-06-2008, 01:08 AM
لاهنت وبيض الله وجهك اخوي حمد على ايراد هذه السالفه والقصيده ..

والله وسبعة انعام يالعبيدي

عبدالهادي ابن مشتح
17-06-2008, 01:02 PM
السلام عليكم ورحمة الله وبركاتة
أولاَ: بيض اللـه وحهك على طرح هاذا الموضوع .
ثانياً : اللــــه يرحم نخران .
تقبل تحياتي
أبـــن مشتـــح

حمد الظلافيع
03-07-2008, 01:51 AM
لاهنتم على ردود الطيبه