ردو لابن عمي طويل الشباير

[عبدالرحمن ابن عامر الحباب]

محدن بكى من دون ذرف العباير
وما كل من يبكي يهل العبيري
القلب له دمع(ن)وللعين حاير
وانا من الثنتين معدم ضميري
اتحدني تكفى وخوف المعاير
واسوق عمري لجل يرتاح غيري
طيري(ن)قصير يدين ماهو بطاير
وانا على الهدات ظريت طيري
لطيب والفزعه رجال وعشاير
يا سعد من هو فاللوازم قصيري
ثنتين ما فيها حسبنا الخساير
كرامت الملفي وزبن الجويري
فقران لكن طيب محنا فقاير
اغنى البشر في الطيب معنا فقيري
وجه الزمن صلف(ن)على الكفو عاير
اليا تردا فعرف ان فيك خيري
ايبور فيني غير ماني بباير
انا على الشدات صامل مسيري
ردو لابن عمي طويل الشباير
سلام(ن)ازكى من ورود العبيري
قولو له اني ذاخره للكباير
عساه متهني بسوده عسيري
واللي حصل عكس اللذي بالضماير
ما منك نزعل لا حشى ما يصيري
بس انتبه واخذ احتياط الحذاير
وافهم كلامي والمسند خبيري
لا صار مالي في الشواير شواير
وصارو العرب قدام وانا الاخيري
فتحرم علي معقدات الظفاير
وعن صبت الفنجال وشحم البعيري

[عايض الفهري ابوبندر]

سصح لسانك



لاهنت على الموضوع

يعطيك العافيه


تحياتي

[خالد ال هيف]

صح السانك

[رائد نملان الحبابي]

ياسلام ياسلام

كفوا كفوا يابن عمي وصح الله السانك على هاذي الدره الفريده

والله ييض وجهك وننتظر ابداعاتك ..

[راكان السنحاني]

صح لسانك صح لسانك


و ابي اسمعها منك في القريب العاجل ان شالله يا ابن فحس:)

[عبدالرحمن ابن عامر الحباب]

لاهنتوا جميع على المرور و لسانك ما يجيه العطب

يا ابن نملان واخوي راكان السنحاني!

[سري للغاية]

صح لسانك

[عبدالرحمن ابن عامر الحباب]

صح ابدنك(سري للغايه)

ومشكور على مرورك