قصيده للشاعر مطر بن عيد آل حمدان القحطاني

[أبو عساف]

هاذي قصيده للشاعر مطر بن عيد القحطاني بمناسبة سلامة صاحب السمو الملكي الأمير محمد بن نايف بن عبالعزيز

آل سعود نائب وزير الداخليه المساعد للشوؤن الأمنيه من العدوان الغاشم

http://www.qahtaan.com/works/up/get.php?hash=290glmnovy1251743500 (http://www.qahtaan.com/works/up)





سلامتك ياسيدي يأحمر العين = والتهنئه ترفع لكل القياده

آل سعود النادرين المسمين = وهذا خبر عاجل موجز أفاده

بتصميم يامحمد على الحق الدين = وأرادة مابعدها من أراده

حيثك ولد نايف كعام المعادين = سيف برووس عداه شربه وزاده

قابلت بالعزه قلوب الذليلين = مضيعين المرجله والعباده

واللي نووا بك شر والله مجانين = ماتجتمع عين الصقر والجراده

هم مادرو ان للجزيره سلاطين = سلايل اللي نفتخر في جهاده

عبدالعزيز مبدل العسر باللين = واللي على نهجه مشوا وأعتقاده

الله يحفظهم لنا قولو آمين = عن كل صاحب فكر يكره بلاده

ومعثور أي والله من أول وذلحين = اللي من أهوائه تلاشى رشاده

آلات لهوا" في يدين الشياطين = يقضي بها الحساد غاية مراده

حنا لكم ياسيدي درعا" أمين = عن الوجيه اللي غشتها السواده

آمر على واحد ويأتيك تسعين = حب وولاء لك وطبع وعاده

حنا سعوديين مافيه ثنتين = ولائنا يرقا كذا بإزدياده

دخيلنا نفرش له الصدر والعين = وعدونا يشرب من المر ساده

وإلى ضربت بنا الجبل صار قسمين = ونحكم على الخاين بحرب الإباده

عسى فداك مزورين البراهين = واللي يسمي الإنتحار ( الشهاده )


الشاعر مطر بن عيد آل حمدان القحطاني

[سفر بن مبارك]

الأخ الكريم :أبو عساف ,,

كل عام وأنت بألف خير وصحة وسلامه وألف شكر على الإختيار الموفق

ونهنئ سمو سيدي الأمير محمد بن نايف على سلامته ولانقول إلا حسبنا الله ونعم الوكيل

وأسأل الله في هذا الشهر الفضيل أن يحفظنا ويحفظ هذه القياده الكريمه ووطننا الغالي من كل مكروه

شكرا للشاعر على هذه القصيده الجزله ...........

[عايض الفهري ابوبندر]

لاهنت يعطيك العافيه

تحياتي

[ابو فارس الفهري]

ابو عساف الله لا يهينك على النقل وتسلم يمناك
وبيض الله وجه ابو مطر على القصيدة الجزلة وهذي عوايدة

[عبدالله بن غفره]

لاهنت يابو عساف

ويستاهل ولد نايف القصايد

وبيض الله وجهك