المساعد الشخصي الرقمي

مشاهدة النسخة كاملة : وصف الجهام


عبدالعزيز محمد الشلوه
26-08-2009, 08:13 PM
يسعد مساكم حميعأ
هذي قصيده قلتها في مسابقه شاعر المليون للنسخه الاولى 2007
امل ان تحوز على رضاكم

قصيده رقم (5) بسم الله الرحمن الرحيم
سبحان من صخر بنات الفكر في وصف الجهام @ تـارد علــى فكــري ضــمايا لابغـــت خــيالها
خـــيرت بــكار الفكر مـن ذودي برمـت لها الخطام @ مــافوقها الا الميــــــركـه وبـــــهار بـن ادلالها
اظـــلالها فــي ذرو عينـــي كنــه يــبراني نـعام @ لاروحت من نجد عقب العصر صوب اظلالها
تــــــطوي فجــوج القاع وتسابــق مــــرازيم الغمام @ وأن درهمــت جـــريت مـــوالي علــى زرفالها
بنـــــت الرهيفـــــه والفحـــــل تــــمام لاقــالــو تـــــمام @ مـــن ذود ابن عــبود هيــف اليا بغيـت اجمالها
فـــي نجــــد حاميها وحـــرم لاتـبـاع و لا تـــسام @ عيــــو عــليها فــي عصــور فايتـه مــن جالها
تـــروا لها جــــــرد النمــش بـــدم وجـــلال العــــــظام @ قبيلــه تحفـــــي مـــهار الخيـــــل دون اسـبالها
ابـــي الطموح اللـي تزيـن بالكحل فـي كل عـام @ العام مــــن رجــــالها واليـــــوم مــــن رجـالها
بنــت الرجــال اللي زهـــت بزمامها تحــــت اللثام @ يطمـــع بها كــل انــودي سمـع طيــــــب ارجالها
مهيــب حـي للـه عـروس مخــــظرمه بنــت الحشام @ مـن طيـب ابوها ما نشدتـه عـن مـراجل خالها
هاذاك لو الطيـــب يقســم حصتـــه فــــــرخ السنام @ تــــنقاد له روس المراجــــــل لابغـــــــــــت حـلالها
ماجيــت اعايـن خـاطر منيـره ولا عيــن ابتسام @ جيـت ارتكـــي يــوم أن غيـري هامها محتالها
جيـت متواضع لجل من حطت على الخده وشام @ مــن داري ديــار الملــوك اللــي علـى منزالها
اخوان نوره مكرميـن الضيـف مـرويت السهام @ لاما اشتعـل راس الفتيـل ونــــش ريــــق اعـــيالها
مــن دار ابو مـتعب عقيـــد القـــــوم لا قـــل الكــلام @ اتـرك دقـاق الهــرج يا عمـي وهــــاك اجــزالها
لطار مـن شعث البكار اغبار فـي يـوم العسـام @ انــشهد انـه ســـــترها وظـــــــلالها وجـــــــلالها
مـــلك مـــلك ابـن الملك ابـن الموحـد والامــــــام @ امـاري بـفعله ولو هـو ما حظــر فـــــي جالها
ولد الزعيــم اللـي علـى العليا نحــت مـــنها وسـام @ مــا نالها الا الصيرمــــي ماقبلــــه احـــد نالها
يفيــض صــدري بالقصيــد ليا حدتنـي للزحـام @ قبــــى ليامنها هــــوت ماتسنــــــــد بــــخيالها
جيـت حـذف حبلي مــع احبال المـطاليق الحشام @ ولا القصايــد نـــذر لا راهـــن علـــى فنجالها

الشاعر/عبد العزيز محمــــد الخنفري

عبدالله العنبسي
26-08-2009, 09:48 PM
كفووووووو يبومحمد وصح الله لسانك قصيده وااافيه وسمينه ولا تبخل علينا هاات جديدك والله لا يهينك

عايض الفهري ابوبندر
27-08-2009, 03:00 AM
صح لسانك


لاهنت على الموضوع


يعطيك العافيه



تحياتي

عبدالعزيز محمد الشلوه
27-08-2009, 11:22 PM
كفووووووو يبومحمد وصح الله لسانك قصيده وااافيه وسمينه ولا تبخل علينا هاات جديدك والله لا يهينك


عبدالله لاهنت اخوي على مرورك المنور

عبدالعزيز محمد الشلوه
27-08-2009, 11:23 PM
صح لسانك


لاهنت على الموضوع


يعطيك العافيه



تحياتي


ارحب يابو بندر

لاهنت يالقرم على مرورك نورت متصفحي