|--*¨®¨*--|من روائع السعيد (ياللي زعلت إزعل ولاني مراضـيك)|--*¨®¨*--|

[فارس قحطان]

هذه القصيده من روائع الشاعر الكويتي طلال السعيد




ياللي زعلت إزعل ولاني مراضـيك = أشرب كدر ماي البحر كانه أرضـاك

لا تحسب أني عقب صدك بداريـك = بأعز نفسي عنك مـدراك مــدراك

أربـع ســنين وأنا متحمـل تغليك = راضي بتعذيبك لأجـل قلبٍ أغـلاك

وخليتني واليــوم والله لأخـليـك = وأدوس قـلبي لينـه يقـول خـلاك

قبـل توريني الحسـاير بأوريــك = ليمن يقـال فـلان هانـك و ورآك

كـانك تحداني فأنـا أقبـل تحـديك = وأنسى الغـرام اللي مـضى وأتحداك

مـاني بقايـل لك عسى الله يهنيـك = الله يحـرمك كـل مـا كان هنّــاك

عـسى العمـى ياخين العهد يعميـك = فوق الغرور اللي عن الماضي أعماك

وعسـاك ما تسمـع قريب يناديـك = حيثك تجاهل صوت محـروم نـاداك

وعسى الشلل يعـوق رجـلٍ تمشيك = لـينك تنـدم ليـه غـيرت ممشـاك

وعسى حياتك بس فرحـة لشـانيك = يلقى بها الفـرصـة عدوك ويشناك

وعسى الليـالي اللي تجيني بطاريك = يصبح عليها الصبح ويموت طريـاك

وعسى المنـام وكل راحة تجافيـك = آمين حتى اللي تمنــاه يجفـــاك

وعساك ما تفـرح وتكثر بـلاويـك = وأمك تشـق الجيب من عظم بلـواك

وإلى مت جعلك في جهنم تصـاليـك = نار الجحيم ونار دنياك تصـــلاك

الله يكـره فـيك حـتى دوانيــك = غشـاش خـاين من من الناس داناك

هذه النهايـة روح والله يجازيــك = أمسـك ويومـك عنهم الغد يجـزاك

[شبل قحطان]

صح لسانك يا فارس قحطان وبصراحه هذي القصيده من اجمل قصايد طلال السعيد

[ابن قحطان]

روووووووووووووووووعه هذي القصيده

[فارس آل روق]

تسلم ايدك يا فارس قحطان

يعطيك العافيه يا طويل العمر

[شيخ المهادية]

والله قصيده محطمه هذي الله ايعين الي كانت فيه ههههههههههههههههه
مشكوووور يا فارس قحطان على المشاركه

شيخ المهادية

[خالد آل مطرف العاطفي]

صح لسان القائل......... وسلمت ايادي الناقل...

قصيدة جدآ رائعة .. من روائع الشاعر المعروف طلال
..
وعشت......... يامراقبنا الرائع..