قصيده في العقيد / مسعود بن عوض القحطاني

[سعيد سعيد القحطاني]

هذه قصيده من الشاعر الكبير والمعروف / سليمان بن بلال اليامي00
في العقيد / مسعود بن عوض العبيدي القحطاني00

حبيت نقلها لكم وقول ونعم في الشاعر بن بلال وونعم فالممدوح رفيقنا مسعود بن عوض 000


الان اتركم مع القصيده :



يالله ياللي مدودك ماعليها اعتراض=ياخالق الناس ياللي تعلم احوالها
العفو والرزق والرحمه وسبل الحفاظ = بيديك ياحاكم الاعمار واجالها
سبع السموات بانيها وسبع الاراض =ارسيتها ياولي العرش بجبالها
هذا وبعده جهة برق من الغرب ناض= عيني تراعي بروق الغيث وخيالها
طرايف الشعر هاجسها خطر وستهاض=وعوص القوافي نصخًرها ونصحالها
ماهو على شان نثر الزاج فوق البياض= الواقع اكبر من الفرغه وموالها
القاف منصاه منصا له عبا وانتهاض = ذخراً للاقراب والاصحاب يعنا لها
من عزوة تنطح الواجب وترد الحياض= كلن عرفها بهيبتها وبفعالها
روس محلف لي حصل للمسرجات ارتكاض=تهتز منها يمين الشام وشمالها
اهل المعرفه توكدها بدون افتراض=ونا اقتدي في كبار القوم ومثالها
والقاف معناه من مبداه لابو رياض=مسعود قد المهمه لاتعزوى لها
مدحه ومثله مصيب ولا عليه اعتراض=مدام تعرف فعول الطيب ورجالها
مراجله وافيه مافي بناها انتقاض=كنز الحلاحيل والطولات يسعالها
يابو عوض طالت الايام والعجل راض=وعزاز الانفس هواها ماتهيا لها
الرابح اللي مع مثلك حباله اعراض=اللي ليا كبرت القالات تشتالها
وسلم ودم والمعاني فوق عن الانخفاض=ونته وروس النشاما طيبا ً فالها

[سعد الشواطي]

صح لسان الشاعر

ؤيستاهل ابو عوض هذا المدح

وبيض الله وجهك يابو سعيد على هذا النقل

تحياتي لك

[سفر بن مبارك]

أخوي :سعيد أنعم وأكرم بالمادح والممدوح والف شكر لك على طرح هذه القصيده الجزله التي تشرف

وتشرفنا بك أنت أيضا نرحب فيك وفي مشاركاتك لاهنت...............

[ساس لبده]

صح لسان الشاعر

ؤيستاهل ابو عوض هذا المدح


الله يعطيك العافيه اخوي سعيد على هالنقل

[سعيد سعيد القحطاني]

الاخ سعد الشواطي
صح بدنك ومرورك مكسب لاهنت
تحياتي

[ابراهيم آل بي حبيب الرفيدي]

صح الله لسان القايل والناقل


ويستاهل المدح مسعود

لاهنت

[عايض الفهري ابوبندر]

لاهنت يعطيك العافيه

صح لسانك



تحياتي