المساعد الشخصي الرقمي

مشاهدة النسخة كاملة : قصيده مهداه من الشاعر / محمد بن شديد العاطفي الى الشيخ / سعد بن سلطان بن لبده

ساس لبده
11-08-2009, 04:01 AM
قصيده مهداه من شاعر النظم و المحاوره الشاعر / محمد بن شديد العاطفي الى الشيخ / سعد بن سلطان بن لبده



راكـب اللـي طــول خـطـه مايـكـوده
يقطـع الأربــع مـيـة كيـلـو بسـاعـه
مـن محـطـة ساسـكـو فـلـل وقــوده
واتجـه شـرق البلـد عجـل إندفـاعـه
شـاص لاندكـروز ميـزاتـه شـهـوده
مـكـره ودفـلـك مــا ركــب شـراعــه
وارد الـيـابـان عـالــي كـــل جـــوده
شوفـه طماعـه و مشـراه الطمـاعـه
الموديـل آخــر مـوديـل ٍمــن بـنـوده
مـن قنـاه يـمـوت مــا طــرا مبـاعـه
حــظ ابــو شخصـيـةٍ تمـلـك نـقـوده
و عزتـي للـي يبـيـه ولا استطـاعـه
نـاصـي شـيـخ مساعـيـه مـحـمـوده
ضافي طيبه على اصحاب و جماعه
هيـبـتـه بلحـالـهـا تـحـمـى حـــدوده
مـا يهـاب الضلـع لا لـجـت سبـاعـه
عنـده ان الـمـال نقـصـه مـثـل زوده
فـارق ٍ بالطيـب طبـعـه و انطبـاعـه
ظاهـر ٍ فالسـاحـل الشـرقـي بـجـوده
مثل نور الشمس ما يحجب شعاعـه
ابــن لـبـده مـانــع ٍ رابـــع جـــدوده
مـاخـذ ٍ مـنـه الحمـيـه و الشجـاعـه
ابـو سلطـان اثبـت و ثبـت وجــوده
ثابـت ٍ مثـل الجـبـل و الـقـاع قـاعـه
البغـيـض المبـغـض يكـثـر لـهــوده
و المـحـب يقـولـه سـمـع و طـاعــه
حصـلـه فــي البـيـت ولا عـنـد ذوده
مجلـسـه مـعـروف دايــم فالرفـاعـه
عيلـم ٍ مـا هـوب ينشـد عــن وروده
امدحـه مـن قلـب و لسـان و قناعـه
جعـل يفـداه الضعيـف الـي عضـوده
ترتخـي و اليـا وقـف قلبـه رعـاعـه
مـا علـي مـن الدهـر حــر و بــروده
دام ابـو سلطـان ينـفـذ مــن ذراعــه
عايض الفهري ابوبندر
25-08-2009, 05:47 PM
لاهنت يعطيك العافيه





تحياتي
سفر بن مبارك
26-08-2009, 11:41 AM
أخوي :ساس لبده ,,

ونعم بالجميع المادح والممدوح كل عام وأنتم بخير شكرا لك على هذه القصيده الجزله........
الظور
26-08-2009, 03:49 PM
لاهنت ياساس لبده
وبيضان وجيه قايلهاابن شديد العاطفي وكاتبها ابن لبده
هذه اربعه ابيات اهداء لال لبده غيرت القافيه الاخيره حتى لاتكون مجاراه ولي الشرف ان اجاري ابن شديد والحقيقه ان القصيده ارتسمت اكثر من كذا سانزلها تحت اسمي الحقيقي قريبآ انشاء الله

تخضع القيفان لي من غير جوده ------------------- بالخزام اجـــــوده واثني قياده
لين يبيض وجـــه من غناء ردوده ------------------- ماخرج من طوعنا تحت السياده
يامذاخير الرصــــــاص وياجنوده -------------------- يال لـــبـــده يامقـــاديم القياده
والله ان المدح فيكم طـــاب زوده -------------------- مثل حرآ لاشلع وطلق هـــــداده

اخوك الظور
ساس لبده
28-08-2009, 12:53 AM
ارحبو تراحيب المطر وصحت ابدانكم جميع و يشرفني مروركم


(( الظور )) صح لسانك و بيض الله وجهك على هالابيات الجزله من شاعر جزل و ماعليكم زود 00
ركان العبيدي
28-08-2009, 04:00 AM
صح الله السانك
ساس لبده
29-08-2009, 10:35 AM
ركان ارحب تراحيب المطر وصح بدنك

يشرفني مرورك طال عمرك
ساس لبده
06-09-2009, 12:54 PM
ترجيع
بن لبده
05-10-2009, 06:41 AM
صح لسان المادح ويستاهل الممدوح عزالله مدح رجال كفو للمدح ولو انى شهادتى فيه مجروحه والنعم ابو سلطان
تصحيح للبيت الى يقول فيه رابعه جدوده حيث ان مانع بن لبده هو ثانى جدود الشيخ سعد

الأسم الكامل للشيخ هو سعد بن سلطان بن فهيد بن مانع بن لبده وهذا يجعل مانع ثانى جدود الشيخ سعد


وتسلم يا ساس لبده على النقل
ابن جمان العلياني
05-10-2009, 09:47 AM
السلام عليكم ورحمة الله وبركاته
تسرني مشاركتكم صح لسانك يا ابن شديد وابن لبده يستاهل اكثر ودمتم بصحه وعافيه
عبدالله العنبسي
05-10-2009, 10:39 AM
بن لبده الله لا يهينك على النقل وصح الله لسان قايلها ويستاهلون ال لبده العلم الغانم ربع جمل بن لبده الله يسكنه فسيح جناته ويرحمه ويرحم موتا المسلمين ونشكر الظور على المداخله ودايمن مبدع وتقبلو المرور
ساس لبده
17-10-2009, 08:06 AM
ارحبو تراحيب المطر جميع و صحت ابدانكم ويشرفني مروركم انتم والي مثلكم
ساس لبده
20-12-2009, 11:12 AM
ترجيع
ساس لبده
31-03-2010, 11:15 AM
ارحبو تراحيب المطر و تشرفت بمروركم