هاك طلبك يامشاري بن نملان (حنا بدو)

[سيف بن شايع الكدادي]

قصيده لعامر بن راضي الكدادي


حنا بدو يمكثرين العذاريب**** وحنا هل الناموس ياجاهلينا

حنا ولدنا لاظهر كنه الذيب***** يضحك حجاجه لا لفو الغانمينا

والعود لامنه كساوجهه الشيب**** يزود قدره كثر زود السنينا

وماحن نهوز قصيرنا بالمشاعيب**** بالعكس الطفبه من ام الجنينا

خوينا نسقيه حلو المشاريب **** ولو مهتنا حنا ترى مهتنينا

وحنا ليصارالطلب والمطاليب*** مروين حد مصقلات السنينا

حنا لياكثرت علينا المشاغيب****نصبر عليها لين ربي يعينا

وحنا ليا شدنا فروس المشاديب**** فوق العلالي مثل اسود العرينا

وحن لاهرجنا مانعرف الاكاذيب**** يعيـبنا هرجـن بلـيا يقينــا

وحن ضيفنا يلقى كثير التراحيب ****ونسقيه من صفر الدلال الثمينا

من عقب ذا نطيبه من غالي الطيب**** ونفدغمه فطحت خروفن سمينا

صحيح حن نتبع هوا شمخ النيب**** ممشا معاها عز يـا نـاقديــنا

هاذي عطايا الله حرش العراقيب****عز العرب ياللي لها ناكرينا

تامن بنا الطياح ام الدباديب**** اللي بها عشب القفر قد رعينا

تبرا الحيرانن صغارن حباحيب **** سودن اذانيها كما شلفتينا

من لامنا في حبنا لفطر الشيب **** جعله فدا لمهجرعات الحنينا

ماتعيبناسود البكار الحناكيب**** مدام نعطي حقها اللي علينا

هاذي صفات البدو واهل المواجيب**** بياعت الغالي على المشترينا

(((نعم بدو كان البداوه غدت عيب**** وكن ذي عذاريب البدو قابلينا))



ارجو انها تنال على اعجابكم

[مشاري بن نملان الحبابي]

أرحب ملايين يا بو شايع ..

وبيض الله وجهك على إيراد القصيدة ..

وصح الله لسان الشاعر ..

لاهنت يا الغالي ..

[عايض الفهري ابوبندر]

نالت أعجابنا ولا هنت ياقرم الرجاجيل لاهنت مع السلامه

[سيف بن شايع الكدادي]

ارحب ملياااار يامشاري


اتمنى انها نالت على اعجابك


واشكرك على مرورك وردك الطيب


اخوك

[سيف بن شايع الكدادي]

ارحب ياعايض الفهري ابو بندر



اتمنى انها نالت على اعجابك



واشكرك على مرورك وردك الطيب

اخووك

[مرعي ابن لعور]

ونعم بالبدو ولو اني شاعر بتعب من الكتابه فيهم

ونعم بالشاعر وصح لسانه قصيده جزله بيض الله وجهه