المساعد الشخصي الرقمي

مشاهدة النسخة كاملة : الحظوظ الغرّ !


رائد الكيرعاني
15-07-2009, 01:45 PM
السلام عليكم ورحمة الله وبركاته

أسعد الله مساءكم جميعا بالخير والمسرّات

للتواصل

صلّو على النبي


بين تجحيف المجمّل وتصديـق الكـذوب=يتّبـع راع السّماجـه طريقـه وعملـه
لين يثقب ثقب أكبر مـن كبـار الثّقـوب=في علاقة من جمعهـم شنـار المرجلـه
يهدم الجدر المسـوّى ويسبـح فالذّنـوب=ويتهيّـا لـه بـروق النّصـر فالمهزلـه
قالو انّه عن عوايـده لا يمكـن يتـوب=مير حاول تكسبـه بالرّضـا والطّهبلـه
قلت خضّاض البحر يدري انه ما يروب=الله يمـدّه ويعـمـه بغـيّـه وجهـلـه
لين يلقاها علـى الخشـم ولا فالجنـوب=تاسمه وسم مـن الضيقـه يعـزّل هلـه
علّموه يروّح بصـوب واروّح بصـوب=خطر وش يرضيه لن جاه مثلي وازعلـه
النّعم للـي كسبهـا بساحـات الحـروب=يومهـا كانـت جحيم..وسعير..وبلبـلـه
والثّنا للي عطانا المصايـب والكـروب=علّمتنـا الجمـه الصافيـه والممحـلـه
وعرفتنا ويش فرق الصّدوق من الكذوب=ودرّستنـا كـل رجـل شلـون نعاملـه
وكل يوم تطلع الشمس وتهـبّ الهبـوب=نتعلّـم درس مـن قبـل كنّـا نجهـلـه
اتّفتّح للحسانـي .. وتبصـر بالعيـوب=واتّنبـأ وش جديـد السّنيـن المقبـلـه
مير تدري بان يومك على الوقت محسوب=ينحسـب تقبلـه ولا عسـا مـا تقبلـه
ولا تغيّر ثوب فطرتك يابن ءادم بثـوب=مخبل اللّـي مـا يقيّـس ثيابـه مخبلـه
ما رحمت .. الا معرفيّ غالب ومغلـوب=وما حسدت .. الاّ غشيم عن العالم دلـه
والقلوب اللي ذبحها غلا بعض القلوب=تحمل حمول يحن الجمل عن محمله
الهوا درب غريب من طوال الدروب=ما وراه الا سهر عين .. واشفاق .. ووله
والحظوظ الغرّ تضحك لترّاك الوجـوب=ان تحرّك تزهله .. وان تراخـا تزهلـه
ولا نويت الشرق واشرعتك تدفّك جنوب=فاتّجـه للـي يوجّـه لـه العبـد عملـه
يالله انّـك لا تعـرّض رقيقـك للذّنـوب=واعصمه وادمح خطاياه واللّـي حصّلـه
انت غفّـار الخطايـا وعـلاّم الغيـوب=وفيك تعليق الرّجـا فالسّنيـن المعضلـه
ما يهوّن ضيقة الصّدر لا حلّ الغـروب=غير ذكر الله .. والفاتحـه .. والبسملـه


وسلامتكم

رائد نملان الحبابي
15-07-2009, 05:17 PM
ياسلام ياسلام
رائد الكيرعاني

اسم في عالم التميز والابداع

صح الله اللسانك على هاذي الدرر الفريده

تقبل مروري يالغالي

ويسعدني ان اكون اول متصفح لهاذي الشامخه ..

علي بن دومان
15-07-2009, 06:39 PM
انـت غفّـار الخطايـا وعـلاّم الغيـــوب @@@@ وفيك تعليق الرّجـا فالسّنيـن المعضلـه

ما يهوّن ضيقة الصّدر لا حـلّ الغـروب @@@@ غير ذكر الله .. والفاتحـه .. والبسملــه



صح الله السانك وإلى الأمام أنشاءالله وتقبل مروري

علي بن مسفرالحبابي
15-07-2009, 08:15 PM
صح الله لسانك ملالالالاييين يارائد

قصيده جميله جدا تحمل في طياتها الابداع والجزاله

والشعر الراقي

كما عهدناك يالكيرعاني

رائد الكيرعاني
15-07-2009, 11:53 PM
ياسلام ياسلام
رائد الكيرعاني

اسم في عالم التميز والابداع

صح الله اللسانك على هاذي الدرر الفريده

تقبل مروري يالغالي

ويسعدني ان اكون اول متصفح لهاذي الشامخه ..

ابو نملان

ارررررررررحب ثم ارررررررحب ثم اررررررررحب

مرورك شرف وناموس واسعدتني به يالغالي

لك تقديري

رائد الكيرعاني
15-07-2009, 11:55 PM
انـت غفّـار الخطايـا وعـلاّم الغيـــوب @@@@ وفيك تعليق الرّجـا فالسّنيـن المعضلـه

ما يهوّن ضيقة الصّدر لا حـلّ الغـروب @@@@ غير ذكر الله .. والفاتحـه .. والبسملــه



صح الله السانك وإلى الأمام أنشاءالله وتقبل مروري

ابن ودمان

ارررررررررررحب لاهنت على المرور نفدا خشمك يالغالي

تحياتي

رائد الكيرعاني
15-07-2009, 11:57 PM
صح الله لسانك ملالالالاييين يارائد

قصيده جميله جدا تحمل في طياتها الابداع والجزاله

والشعر الراقي

كما عهدناك يالكيرعاني

ابو مسفر

اررررررررررررررحب لين ترضى

مرورك عطر كما هو انت

لاهنت على مشاعرك الرائعة

تقديري

عبدالعزيز محمد الشلوه
16-07-2009, 07:52 AM
صح السانك قصيده جزله من شاعر جزل

شاقني اكتب لك بيتين ارجو ان تكون مني كثيره لك يالذيب

وساحني على القصور

بيض الله وجه سبع المساري والدروب @@@@ رائــــــد فـي كل بيت عنــــاله ودهـــــله
غر دهـم راعده تسمعه مـن كل صـوب@@@@ شاقني طرق القصيـــده ورديـــت اجمله

تحياتي لك اخوك. عبد العزيز محمد الخنفري القحطاني

مشاري بن نملان الحبابي
16-07-2009, 09:32 PM
ارحب يا رايد ..

وصح الله لسانك .. واعتلى شانك ..

قصيدة جزلة ورائعة ..

لاهنت والله يعطيك الصحة والعافية ..

راشد ثجيل بن عضيب العايذي
19-07-2009, 03:28 PM
صح الله لسانك يبن رائد الكعير عاني

أبو معتز
20-07-2009, 06:12 PM
ارحب ثم ارحب انت باختصار شاعر جزل وماتجيب الا الجزال بيض الله وجهك وصح السانك

ابدع . جزاله . معنى هذا هو الشاعر رائد الكيرعاني والتي دائما لاتغيب في قصائده

اقول بيض الله وجهك قدمت الشعر وامتعتنا ياذيبان

تقبل مروري اخوك محمد الفهري

ممدوح الحارثي
08-08-2009, 03:32 PM
صح لسانك أخوي رائد

وبيض الله وجهك

قصيده جزله

عامر الوهابي
08-08-2009, 09:54 PM
الله عليك يالكيرعاني صح لسانك

شاعر بكل ماتحمله من بيان وبديع,, قصيدة تحمل في كيانها درر

وبيض الله وجهك’’’’’’

ماجد بن جزاء العصيمي
11-08-2009, 09:58 AM
صح لسانك يالشاعر

ناصرأبودهام العجيري
15-08-2009, 12:15 PM
ياسلااااااااااام

ولا تغيّر ثوب فطرتك يابـن ءادم بثـوب مخبل اللّـي مـا يقيّـس ثيابـه مخبلـه
**************************

صح لسانك وعلا شانك
جزله ووافيه من وافي

ناصر بن هذال ال شري
15-08-2009, 05:10 PM
صح لسانك

خالد بن متروك
20-08-2009, 11:42 PM
صح الله لسانك واعتلى شانك ..

قصيدة جزلة من شاعر جزل ..

لاهنت يا الغالي

رائد الكيرعاني
26-08-2009, 10:49 PM
اررررررررحبو جميعا والله يحيكم ولا يهينكم على المرور المشرف والمنومس فردا فردا

ويشهد الله اني تنومست بالردود الوافيه يالقروم

لكم جل تحياتي وتقديري

عايض الفهري ابوبندر
27-08-2009, 02:56 AM
صح لسانك


لاهنت على الموضوع


يعطيك العافيه



تحياتي

محمد بن معدي
06-09-2009, 02:02 PM
صح الله لسانك و بيض الله وجهك
شاعر جزل و مبدع

رائد الكيرعاني
13-09-2009, 03:39 AM
عايض الفهري

محمد ال معدي

مروركم وتواجدكم شرف

تحياتي

غشام ال مهدي
13-09-2009, 01:34 PM
صح السانك وطال عمرك على طاعة الله انشا الله0


**** مع تمنياتي لك بالتوفيق ****