بداح الكودري
11-07-2009, 11:04 AM
السلام عليكم ورحمة الله وبركاته
هذه القصيدة للتواصل
والعذر من الله ثم منكم على الانقطاع
تقبلوا عذري وتقبلوا تحياتي
وآحسافه وقفة الحرّ في وسط الدجاج=واقف(ن) في وسطها واحسب انه (ا)يحوفها
واثره (ا)يقول المثل كل واحد له مزاج=معجب(ن) في بقبقتها وصفق (ا)كفوفها
ومنزله تحت السما لا خذا حومه وراج=حومة(ن) عنها الدرابيل يقصر شوفها
وان نزل ماينزل إلا على فرخ الزراج=لطمته تعمي نظرها وتفرا جوفها
وانقهر لاشفت ذيب الخلا وسط النعاج=تنطحه وليا ربض وطيته باظلوفها
وكل اهانه شافها ماتسبب له ازعاج=راضي(ن) ويقول بقعا تجي باحذوفها
ومنزله عالي هضاب(ن) ماياصلها عجاج=لاعوا لجت و ردت عواه (ا)جروفها
قاموا عيال الطحاطيح يردون الهماج=والسحايب مرزمات(ن) تهل (ا)قنوفها
دام نور الشمس ساطع وش ابغي بالسراج=في دهاليس(ن) يدم الظلام (ا)كهوفها
وويش أبي بالدرب مادام في الدرب انعواج=وينقطع ماوصّل أهل الشفوف (ا)شفوفها
وسلامتكم
هذه القصيدة للتواصل
والعذر من الله ثم منكم على الانقطاع
تقبلوا عذري وتقبلوا تحياتي
وآحسافه وقفة الحرّ في وسط الدجاج=واقف(ن) في وسطها واحسب انه (ا)يحوفها
واثره (ا)يقول المثل كل واحد له مزاج=معجب(ن) في بقبقتها وصفق (ا)كفوفها
ومنزله تحت السما لا خذا حومه وراج=حومة(ن) عنها الدرابيل يقصر شوفها
وان نزل ماينزل إلا على فرخ الزراج=لطمته تعمي نظرها وتفرا جوفها
وانقهر لاشفت ذيب الخلا وسط النعاج=تنطحه وليا ربض وطيته باظلوفها
وكل اهانه شافها ماتسبب له ازعاج=راضي(ن) ويقول بقعا تجي باحذوفها
ومنزله عالي هضاب(ن) ماياصلها عجاج=لاعوا لجت و ردت عواه (ا)جروفها
قاموا عيال الطحاطيح يردون الهماج=والسحايب مرزمات(ن) تهل (ا)قنوفها
دام نور الشمس ساطع وش ابغي بالسراج=في دهاليس(ن) يدم الظلام (ا)كهوفها
وويش أبي بالدرب مادام في الدرب انعواج=وينقطع ماوصّل أهل الشفوف (ا)شفوفها
وسلامتكم