الامير فيصل بن خالد

[مسلط بن سعيدان]

قصيده القيت امام صاحب السمو الملكي الامير فيصل بن خالد امير منطقة عسير
صلوا على النبي


راكب الي كل ماجيت الوكاله=ادّرج عنده واعود ماشريته
مركب الي مايعده راس ماله=ومنوة الي نشب في حلقه ونيته
فل كامل من يمينه لاشماله=ويفتح النفس ان نطحته وان قفيته
جيب لاكن قبر فقرك في ظلاله=ويدفع ادية فقر ابوك وفقر بيته
جيب لكزس لانهض عقب اشتغاله=اطّبخ فالراس بنزينه وزيته
بس جنبته وجا عندي بداله=موتر(ن) يقضي لزومي لابغيته
وجيت للي فالصدر يجلس لحاله=وكل مادورت في قلبي لقيته
فيصليٍ كاسبٍ فزعه وطاله=ومن غلاه وحشمته من نجد جيته
جيتله من نجد ابوقف اقباله=واعترفله عقب ماجيت ونصيته
انت اميرٍ طاب فينا طاب فاله=وانت شيخٍ يحتزم لامن نخيته
وانت ابوكفٍ تزيل الفقر ازاله=وانت كل الطيب حزته واحتويته
وانت حرٍ كلبوا راسه صماله=كل قمه راسها جيت وخذيته
وانت ذخر المجد كساب الجماله=وكل دربٍ يطلع العليا مشيته
وانت رمزٍ كل مايطري مجاله=قمت ارحب باسم ابوخالد فديته
وانت شخصٍ لابغيت اذكر خصاله=جفت الاقلام ولساني كليته
برفع يديني لخلاقي واساله=يرحم الخالد بذكر اسمه وصيته
الملك خالد عسى الجنه مآله=سامعٍ به طيب كثر الي قريته
جاب فيصل عقب ماعرب خواله=امحلفنا الي مايلحقهم مقيته
ناسب الدامر يبي لاجو عياله=من لسانه يمسح لوّه وليته
كملي ادور على الطيب ومجاله=وسبعه وعشرين عامٍ مانسيته
وجيت ادور في الجنوب وفي جباله=واشهد اني فيك يافيصل لقيته

[عبدالله بن غفره]

ارررررحب يابو ناصر


وصح الله لسانك يالجزل


قصيدة رائعه بما تعنيه الكلمة والشهادة فيك وفي قصيدك مجروحه


لكن بيض الله وجهك اللي سمحت لنا بمصافحة هذه الدره والجوهره

والتي في شخص يستحق ان يقال فيه القصيدة والأب الأول للشعر والشعراء


صح الله لسانك مرة أخرى ملالالايين وشاكر ومقدر لك تواصلك وتواجدك ياكحيلان



اخوك

[شامانـ العاطفي]

صح لسانك يامسلط

وبيض الله وجهك يوم مدحت اللي يستاهل المدح ..

[جواااد بن عبدالعزيز]

صح لسانه كاتب القصيده

وصح السانك اخوي مسلط

شكرا على الطرح المميز

دمت بود

[أبو عقاب البشري]

بيض الله وجهك يابو ناصر

[مسفر العاطفي]

مبدع يابو ناصر كعادتك وفقك الله ولا هي غريبة منك

[حمد الظلافيع]

بيض اللة وجهك