المساعد الشخصي الرقمي

مشاهدة النسخة كاملة : قصيدة(الضيقة): ياحي القصيد اللي معانيه تنبع نبع*****قصيد(ن)ينومسني مع الناس وأفخربه


علي بن شنان الحبابي
08-06-2009, 01:34 AM
( الضيقة )

وجودي وجـــود اللي تغــرّب ولا لــه ربع=حــداه الزمــان و زاد همّه من الغربه
تضـــايقت والضيقة سببها خـســـاس الطبع=عسى الرّب يجلــى عنّي الهمّ والكربه
أشوف الثعل هــــــذا الزمان يتحـدّى السبع=تكــبّـر عليه أبا الحــصين ونفخ ذربه
وترى السبع يبقى سبع والضبع تبقى ضبع=وكـــل" علي طبعه وكــل" علي دربه
يا ليت البنـــادم يحمد الله لمـــا إنّــــه شبع=ويمشي علــى درب الصراحة ويبصربه
ضعـاف العقول عقولــهم كـــن عليها قبع=عليها غــطا يــا ربّ تسـتر ومضطربه
يمـين الحــرامي مـالـهـا إلّا البـتر والجبع=وجب قطعها ما فـاد نصحه ولا ضربه
وردي العــزايم يتـبـع الـنـاس مــا قد تبع=وأنـا مــا طمعت بمخذ زاده ولا شربه
خلـقـنـا جبال" ثـابتة فـوق الأرض السبع=رجـال" كـسبنا المجد مـــن شرقه لغربه
صبرنا علـى الشـدّة وفينا المراجل طبع=وحــنّــا هــل الميقاف والسيف والحربه
وأنا والله إنــهـا مــا تعــوّد ثـماني سبع=أعـرف الطـريق وحاسب" بعده وقربه
نصيبي مع أهل الشعر ماهو بنصف وربع=نصـيـبي خــذيته وافــي ونـيّـتي ذربه
يـا حـيّ القـصيد اللي معـانيه تـنبع نبع=قصــيد" ينومسني مع الناس وأفخربه

الشاعر/ علي الحبابي
( الشاعر الطرقي )

بحر
08-06-2009, 03:31 AM
صح لسانك ياعلي

قصيده وافيه ومن وافي

مزيد من العطاء يالقرم

وتقبل تحيات بحر

علي بن شنان الحبابي
08-06-2009, 11:37 PM
لاهنت على المرور يا بــــــــــــــــــــــــــــــــــحــــــــــــــ ــــــــــــــــــــــــــر

شرفتني بمرورك وبيض الله وجهك

تقبل تحياتي

عامر الوهابي
09-06-2009, 02:10 AM
أشوف الثعل هذا الزمان يتحـدّى السبـع @@ تكبّر عليه أبـا الحصيـن ونفـخ ذربـه
وترى السبع يبقى سبع والضبع تبقى ضبع@@ وكل" علـي طبعـه وكـل" علـي دربـه
يا ليت البنادم يحمد الله لمـا إنّـه شبع ـ@@ ويمشي على درب الصراحـة ويبصربـه


إي والله إن الثعل يتحدى السبع..................

صح لسانك يالشاعر الطرقي وبيض الله وجهك

قصيدة في غاية الروعة ،وافي يابو صالح

ولا تحرمنا من الدرر اللي عندك..

تقبل مروري ..

خادم والديه العبدي
09-06-2009, 09:26 AM
خلقنا جبال" ثابتـة فـوق الأرض السبـع رجال" كسبنا المجد مـن شرقـه لغربـه

بيض الله وجهك وجمل الله حالك وما شاء الله عليك

وجعل الردي يفداك يا وجه الحباب

تحياتي0000000اخوك

ابراهيم آل بي حبيب الرفيدي
09-06-2009, 10:08 AM
حيالله الطرقي


اشهدانك مبدع


صح الله لسانك

أبو معتز
09-06-2009, 03:26 PM
ارحب ارحب ياعلي وصح السانك وبيض الله وجهك . واقول انا اشهد انك شاعر وكفو ياصبي قحطان
وانا والله قريت لك قصيده< تجارب الدنيا >في احد المجلات واعجبتني ونشرتها في مجلس عذب الكلام من شهر تقريبا ونا والله ما اعرفك الا بسلامتك ولا ادري انك عضو في المنتدى .

تقبل مروري واعجابي بقصيدك يالذرب

أبن مهذل
09-06-2009, 04:45 PM
ارحب ياعلي

لاهنت بيض الله وجهك

قصيدة جزله

علي بن شنان الحبابي
09-06-2009, 10:16 PM
بيض الله وجيهكم جميع وشرفتوني بمروركم على القصيدة
والله لايهينكم
واسمحوا لي اذا جمعتكم في رد واحد
وتقبلوا تحياتي وتقديري

أخوكم الشاعر/ علي الحبابي
( الشاعر الطرقي )

حسينـ الفحوسـ
13-06-2009, 04:30 PM
ارحب ارحب يا الشاعر الطرقي

صح لسانكـ وعلا شانكـ والله لا يخلينا من هالقصيد وهلـه

تقبل مروري وسجل اعجابي

تحياتي

سعد بن مناحي بن شفلوت
14-06-2009, 12:23 AM
قصيده متعوب عليها

صح لساانك ولاهنت

تحياتي لك

الصاخرالشهراني
16-06-2009, 02:50 AM
علي بن صالح الحبابي

كفو يالطرقي

ومن روس قوم

وقافك ماعليه غبار

صح السانك لين ترضى

علي بن شنان الحبابي
16-08-2009, 08:50 PM
بيض الله وجهيكم جميع والله لا يهينكم على المرور

وشرفتوني بمروركم على القصيدة

تقبلوا تحياتي

خالد بن متروك
20-08-2009, 11:35 PM
صح الله لسانك واعتلى شانك ..

قصيدة جزلة من شاعر جزل ..

لاهنت يا الغالي

حسين الحبابي
21-08-2009, 01:47 AM
الطرقي


وطاروق راقي


توشح بعذب الكلام


اعجابي ومتابعتي

علي بن شنان الحبابي
11-01-2010, 01:28 PM
الله لايهينكم جميع على المرور
وشرفتوني بيض الله وجيهكم
جميع

تقبلو تحياتي

صالح جواح
18-01-2010, 01:35 AM
ابيض وجه يابو صالح
تقبل

علي بن شنان الحبابي
04-02-2010, 03:57 PM
لاهنت يا أبو ظافر
شرفتني الله يبيض وجهك

تحياتي ................