المساعد الشخصي الرقمي

مشاهدة النسخة كاملة : صوت وصدى بيني وبين الشاعر ناصر بن بطي السحيمي


عبدالله بن غفره
05-06-2009, 08:40 PM
أرسلت للأخ ناصر بن بطي السحيمي عدة أبيات وهي تعتبر قليلة في حقه





صوت عبدالله بن غفره



الطيب مالـه لا حـدود وقناعـة = وفي نفس أبو بندر فجوجه وسيعة

أحدن ليا من طاب طيبة صناعـة = وأحدن سواته طيب فعله طبيعـة

ناصر على الناموس عجل أندفاعة = وخطوات رجلة للمعالـي سريعـة

عنده عزومن للوفاء واستطاعـة = ومهرة فعول المرجلة له مطيعـة

نطاح للماجوب فـي كـل ساعـة = نادر ولا يرضى بغيـر الطليعـة

بينه وبين البخل كـره وقطاعـة = ابعد من الخفجي وحـد الوديعـة

راع الحمية والوفـاء والشجاعـة = وله كفاً أبيض من جميلة لميعـة

يلمع سوات اللول من بطن قاعـة = حتى رقـى فالراسيـات الرفيعـة

ولو كان لفعول النشامـا أذاعـة = شفت المقدم كـل يومـاً يذيعـة

هذا اللي بينـه والرديـة مناعـة = وأفعاله اليا مـن فعلهـا طبيعـة



الشاعر / عبدالله بن غفره





صدى الشاعر / ناصر السحيمي










حييت يا قافٍ وصلني طباعه = من يد من هو للمراجل ذريعه

الصاحب اللي ضاريٍ بالسناعه = و في كل طيبٍ صاير له شريعه

هذاك ابن غفره زبون الرفاعه = حال الحرار النايفات الشجيعه

عبدالله اللي وسط قلبه ولاعه = بالطيب و علوم المراجل جميعه

يشري خوي الطيب و الشين باعه = و يتبع سحاب الطيب و فعله تبيعه

يرقى على العليا بحسن و براعه = حتى المراجل تفتخر من صنيعه

حيث النعاره من جوانب متاعه = و باقي متاعه في ظلوعه وديعه

و المركب اللي ما تعطل شراعه = ساقه على بحر الظروف المريعه

و ربعه حزامه لا دعى الحرب داعه = تسمع طبول الحرب عنده قريعه

من لابتن عند الملقا سباعه = عواطفٍ حِرز الحصون المنيعه

و العاطفي لا من تعزوى جماعه = خيّال سمحات الوجيه البديعه

قلته و انا ناصر و عندي شفاعه = جدي ابن مسحم و سيفي قطيعه

امدح بني عمي و اجيب النفاعه = و اشوم من كل العقول الصديعه

و الطيب شمسٍ ما يغبى شعاعه = و المدح يزهى فالرقاب التليعه



الشاعر / ناصر السحيمي











تقبلوا تحياتي وتقديري

أخوكم عبدالله بن غفره

عبدالله السحيمي
05-06-2009, 09:22 PM
عبدالله اللي وسـط قلبـه ولاعـه. بالطيب و علوم المراجـل جميعـه

يشري خوي الطيب و الشين باعه . و يتبع سحاب الطيب و فعله تبيعه

يرقى على العليا بحسن و براعـه
حتى المراجل تفتخر مـن صنيعـه

انشهــــد

عزالله الي في رجال كفو وقرم

ابن غفره علومك دايم غانمه ووافيه انت وناصر

صوت وصدى من اروع مايكون

يبين روح الاخوه والمعزه بينكم

الله يديمها انشاء الله

اخوك/عبدالله السحيمي

سفر بن مبارك
05-06-2009, 09:36 PM
الأخ المراقب الرئع عبد الله بن غفره الله الشاهد ليس نفاقا

أنت رجل ذرب ولا يجي منك إلا الشوامخ والجزالة شكراً لك على هذا الطرح الأكثر من رائع ولأخي ناصر السحيمي


شكرا لكم جميعا............................................

أبو معتز
05-06-2009, 10:21 PM
اخونا عبدالله بن غفره

صح السانك والسان السحيمي .. قصايد جزله من شعراء جزلين .. بيض الله وجيهكم جميع

تقبل مروري

خادم والديه العبدي
06-06-2009, 12:01 AM
الطيب لا تستغربه من هل الطيب اللي لهم في مجلس الطيب خبره

صح للسانك وللسانه المد وافي والرد وافي والله يتمها بينكم بلخير والمحبه

تحياتي000000اخوك

عبدالله بن غفره
08-06-2009, 06:27 PM
عبدالله السحيمي

ماعليك زود ياكحيلان


وشرفتني بتواجدك وحضورك


اخوك

مبارك بن حاضر
09-06-2009, 08:24 PM
الله عليك يابن غفره

قصيده قمه في الروعه

و رد ناصر السحيمي رائع


صحت السنتكم

و والله كفوووووووووووو



أخوك
مبارك بن حاضر

ناصر السحيمي
11-06-2009, 01:40 AM
ارحب يا ابو غاده

و راعي الاوله ما ينلحق ابداً

و صح الله لسانك

مدد بلا عدد

و الرد ما يوفي حقك اللي اكبر من ذلك بلا شك

و الله لا يهينك

عبدالله بن غفره
14-06-2009, 06:30 PM
سفر بن مبارك


بيض الله وجهك على الحضور والتواجد



اخوك

عبدالله بن غفره
09-08-2009, 01:09 AM
ابو معتز

لاهنت على التواجد

والحضور

اخوك

شامانـ العاطفي
09-08-2009, 09:31 PM
صح لسانك يابو غاده وصح لسان المبدع ابن بطي

صوت وصدى اكثر من رايع

سعد الشواطي
10-08-2009, 12:52 AM
صح لسانك يابو غاده وصح لسان المبدع ابن بطي


مبدع دائما

تحيايتي لك

عايض الفهري ابوبندر
10-08-2009, 01:25 AM
صح لسانك وبيض الله وجهك



تقبل تحياتي

ناصرأبودهام العجيري
15-08-2009, 12:21 PM
صح لسانك ياعبدالله ولسان السحيمي
بيضان وجيه
تحياتي.........

عبدالله بن غفره
13-09-2009, 11:12 PM
خادم والديه العبدي

شرفتني بتواجدك يالسنافي


اخوك

سفر بن مبارك
15-09-2009, 03:02 PM
صح الله لسانك ولسانه أخوي عبدالله لاهنت................................

آبن فهم ال عبدان العاطفي
25-09-2009, 04:00 PM
صح لسانك يابو غاده وصح لسان المبدع ابن بطي

صوت وصدى اكثر من رايع

محمد ال قريان
27-09-2009, 10:04 AM
اررررررررررررررررررحب يابن غفره ترااااااااحيب الحيا

وصح لسانك وصح لسان ناصر

وبيض الله وجيهكم

جزلين كلكم

اخوك
محمد ال قريان

ابن سينا
29-09-2009, 10:07 AM
يعطيك العافيه