عوض الطلحي
23-05-2009, 02:36 PM
ارجو ان ترقى لأذواقكم وتشفع لغيابي
تكفى ياعبدالله تجهـز لـي الجيـب=ماني بقاعد بعد ماشفـت الامطـار
ياعزوتي مانـي موصيـك ياذيـب=وانا ادري انك حر من نسل الاحرار
مابين عم وخـال يامنقـع الطيـب=ساسك مجود والكرامه لـك شعـار
تسد عني فـي جميـع المواجيـب=اليا نويت اخذ على البـر مشـوار
انا معذبنـي هـوى البـر تعذيـب=ولاني على فرقـاه ياذيـب صبـار
عاشق ولايمنعني الديـن والشيـب=عن عشق شب في ثومة القلب بالنار
تشب في قلبـي سـوات اللواهيـب=وتدور في راسي هواجيس وافكـار
واليا صفت لي في الزمان المشاريب=وحصلت وقت وصحبة رجالاً اخيار
اسج وانسى الهم وجروحي تطيـب=واحط لي في كـل منـزال تذكـار
مرار بسلاحي في روس المراقيـب=اصيد واقطف من زماليق الاثمـار
ومرار في ظلال الشجر بالاشاعيب=واقند الرسـلان مـن بـن وبهـار
ومرار في ديار العـذا والمحاليـب=تشم فيها العشب مـع در الابكـار
والله ياتسوى عند ابوك المكاسيـب=اللي كسبهـا مـن يسمـون تجـار
لايابعـد مـن وهقـوه الاصاحيـب=وخلـوه كنـه للخباثـات سمسـار
لوكان ضنيتـه حصـان الاطاليـب=اللي يحط الحلس في ظهره حمـار
وانته مجار الله يجيرك من العيـب=عنه وعن شرواه يالعـزوه مجـار
تكفى ياعبدالله تجهـز لـي الجيـب=ماني بقاعد بعد ماشفـت الامطـار
ياعزوتي مانـي موصيـك ياذيـب=وانا ادري انك حر من نسل الاحرار
مابين عم وخـال يامنقـع الطيـب=ساسك مجود والكرامه لـك شعـار
تسد عني فـي جميـع المواجيـب=اليا نويت اخذ على البـر مشـوار
انا معذبنـي هـوى البـر تعذيـب=ولاني على فرقـاه ياذيـب صبـار
عاشق ولايمنعني الديـن والشيـب=عن عشق شب في ثومة القلب بالنار
تشب في قلبـي سـوات اللواهيـب=وتدور في راسي هواجيس وافكـار
واليا صفت لي في الزمان المشاريب=وحصلت وقت وصحبة رجالاً اخيار
اسج وانسى الهم وجروحي تطيـب=واحط لي في كـل منـزال تذكـار
مرار بسلاحي في روس المراقيـب=اصيد واقطف من زماليق الاثمـار
ومرار في ظلال الشجر بالاشاعيب=واقند الرسـلان مـن بـن وبهـار
ومرار في ديار العـذا والمحاليـب=تشم فيها العشب مـع در الابكـار
والله ياتسوى عند ابوك المكاسيـب=اللي كسبهـا مـن يسمـون تجـار
لايابعـد مـن وهقـوه الاصاحيـب=وخلـوه كنـه للخباثـات سمسـار
لوكان ضنيتـه حصـان الاطاليـب=اللي يحط الحلس في ظهره حمـار
وانته مجار الله يجيرك من العيـب=عنه وعن شرواه يالعـزوه مجـار