المساعد الشخصي الرقمي

مشاهدة النسخة كاملة : تجارب الدنيا


أبو معتز
16-05-2009, 09:08 PM
تجارب الدنيا
علي بن صالح الحبابي من الوجوه القادمة للساحة يلامس ذائقة جمهوره في نص يسبق مقياس سنوات عمره ولم يسبق فكرة المدرك لما يصب في الرجولة وتجنب ما يتعثر به الرجال



طيبٍ فعلته يا البنادم مع الناس = حسافتك عليك عيب وملامه
خلَك مثل ما قيل كساب نوماس = وتلاقي الحشمة من أهل الشهامه
المرجلة والطيب للرجل مقياس =حيث إنها واجب وترفع مقامه
عزالله إن ما كل رجال حساس = والرجال يعرف منهجه من كلامه
أحب قرم دايم يرفع الرأس = في الضيق والوقفة قوي حزامه
من عادته يبني مراده على ساس = وماهو غريب إنه من أهل الزعامه
كم مرة يطري على القلب هوجاس = وأشتاق لأهل الطيب وأهل الكرامه
ولما نخيت أنخى هل الدرع والطاس = روس الرجال أهل الوفاء والقرامه
ذكر الرجال يجي مع كل نسناس= والطيب طول الوقت نالوا وسامه
وأنا من الأيام ضايق ومنحاس = أيامنا اللي صار فيها علامه
يا اللي شكيت أصبر معي وأقطع الياس = لا يرتخي لك طول الايام هامه
السالفة ماهي بحبر بقرطاس = متغيرة وأصبح عليها غسامه
طاح الضعيف اللي يبي يأخذ الكاس = في جوف بير حول تسعين قامه
والقرم يبقى ثابت طيب الساس = والأ الردي قامت تراعد عظامه
والرفقة اللي ما وراها توناس = خلها تولي ما عليها ندامه
ترى الذهب ما هو بقصدير ونحاس = من معدنه يعرف بلونه وخامه
تجارب الدنيا مع الوقت تنقاس = مواعظ وعبرة ليوم القيامه
على صدوف الوقت صبار لا بأس = لا بأس يا وقت تزايد ظلامه
وإن كان جات أرباع وأخماس وأسداس = نقول يالله رحمتك والسلامه
أقولها من موهبة فكر وإحساس = وأقدر الطيب وأعرف إحترامهتقبلوا تحياتي
المصدر مجلة حقائق

سفر بن مبارك
16-05-2009, 10:03 PM
الله الله يا أبو معتز أنت مكسب لهذه الشبكه لما تحمله من أمانه وإخلاص وصدق ورجل إذا عدوا الرجال

وشهادتي فيك مجروحه ولكن يشهد الله أن هذا هو الصحيح طرحك يجمل ردودك تجمل حضورك جميل بحد ذاته

إطلاله غاليه جدا ً على مجلس عذب الكلام الذي شرفته مؤخرا ً بهذه القصيده الرائعه صح لسان الحبابي

وصحت يمناك على النقل أتمنى من الكريم أن تدوم لك الحياه معافى سالما ً من كل شر .........

يشهد الله أنه قليل في حقك ماذكرته .......

أخوك.........................

سعد الشواطي
17-05-2009, 09:22 AM
مرحبا مليون يابو معتز وين الغيبه نفداك عسى ماشر


صح لسان الحبابي ولاهنت على هذا النقل الجميل


تحياتي لك

أبن مهذل
17-05-2009, 03:54 PM
لاهنت بيض الله وجهك

علي بن شنان الحبابي
09-06-2009, 10:47 PM
لاهنت ياأبومعتز بيض الله وجهك على نشر قصيدتي
الله لا يهينك والله يجمل حالك وافي ولا قصرت
وان شاء الله أكون عند حسن الظن

تقبل تحياتي وتقديري

أخوك الشاعر/ علي الحبابي
( الشاعر الطرقي )

عامر الوهابي
10-06-2009, 01:10 PM
أرحبوااا يابو معتز والله يبيض وجهك على الأختيار الطيب

حقيقة أني من المعجبين ومن المتابعين دائما

للشاعر/ علي بن صالح الحبابي (( الشاعر الطرقي ))

وهو من الشعراء المتميزين في الحكمة وفي التجارب

وفي شعر النظم والمحاورة شاعر وناقد ..

صح لسانك يالشناني وبيض الله وجيهكم جميع..

علي بن شنان الحبابي
10-06-2009, 08:58 PM
لاهنت يا أبوسعيد
والله يبيض وجهك ويجمل حالك
ولا عليك زود وافي ومن وافين
تقبل تحياتي وتقديري

أخوك الشاعر/ علي الحبابي