لحظه لو تبي ترحل .. تفضل إلبس .. هذي عباتي ..!!

[نايف بن جليد]

مع ألف سلامه,,,زدتني شرفآ بمرورك الكريم,,تحيتي لك


دام الحكي ع المرجله .. يالمرجله ..


لحظه ..


أبي أقلـّـك خبر ..


دام إنت رجال ..


كل النساء بتنتحر ..


ودام الحكي هو مرجله يالمرجله ..


لحظه ..


وأبي أسألك سؤال ..


إنت ليه تحكي .. دام الحكي بس للرجال ..


والا أنت محسوب من بينهم رجـّـال ..


صح نسيت ..


ثوب أبيض .. شماغ .. عقال ..


يعني .. يعني .. غصبـ( ن ) علي .. ينقال رجال ..


ودام الحكي ع المرجله يالمرجله ..


لحظه ..


أبي أقلـّــك خبر ..


وخلـّـك لأمثالك عبر ..


ولحظه .. لحظه ..


ودي أسئلك سؤال ..


وش خليت للنساء .. من القيل والقال ..


مادمت إنت رجـّـال ..


ولو كنت رجـّــال ..


كان أنا لك ياحبيـّـبي .. لا شفتك فزيت من طولي ..


ولا طحت بأرضك .. فزيتلي تسند حمولي ..


الرجوله يالرجوله ترى ..


يعني صمت و موقف بطولي ..


الرجوله ترى هيبه .. وإنت على هالأرض عيبه ..


الرجوله يالرجوله ..


يعني أنا لجلك أرخص كل ماوراي ودوني ..


ولا سمعت إسمك .. فز قلبي ..


ولا لمحت طيفك أرخيت أنا عيوني ..


وتشتت كلي .. وقلت ياعزوتي ويا كل من لي ..


ولا قلت فمان الله .. تشتت .. وتشتت ..


و لميت أنا شتاتي ..


الرجوله .. يعني لاقلت برحل ..


قلت لك ومنو غيرك في حياتي ..


الرجوله ....


والا تدري ..
مايخصك ..


لحظه .. لحظه ..


لاتقفي ..


تبي ترحل ..


طلبتك ..


بس لحظه ..


قبل ترحل ..


تفضل ألبس .. هذي عباتي ..




,,,

[فهد محمد فهد القحطاني]

يعطيك الف عاااافية

مشاركة تصور حال الكثير من اشباه الرجال في زمنا هذا. :(

الله يخلف علينا بس



لافض فوك ياخوي


تحيتي لك

[نايف بن جليد]

مشكور أخوي فهد ع المرور

أعطيتني معنويه بعدما تحطمت

[أبن مهذل]

لاهنت يانايف لكن تعرف الويكند الناس مشغولين برد اعصابك ولهم مقصرين عوال الشايب

[خليل الجروي]

الصراحه ابي اسأل اللي انت كاتبه وش هو قصيد ما اتوقع نثر يمكن ارجوا الافاده واحتفظ براي على الكلام اللي كتبته


ولا هنت

[نايف بن جليد]

لاهنت يانايف لكن تعرف الويكند الناس مشغولين برد اعصابك ولهم مقصرين عوال الشايب


شاكر ومقدر مرورك الغالي

وبإذن الله تكون الردود تليق بمكانة هالشبكه

[نايف بن جليد]

الصراحه ابي اسأل اللي انت كاتبه وش هو قصيد ما اتوقع نثر يمكن ارجوا الافاده واحتفظ براي على الكلام اللي كتبته


ولا هنت

أولآ هالمشاركه منقوله,وللاحاطه فقط

وبما أنك شاعر أعطنا تصنيف هالمشاركه هل هي قصيده أم نثر؟

وثق أن

إختلاف الرأي لا يفسد للود قضيه

تحيتي