المساعد الشخصي الرقمي

مشاهدة النسخة كاملة : (((من اول ياذيب)))


سعود الخريب
06-05-2009, 03:34 PM
بسم الله الرحمن الرحيم
السلام عليكم ورحمة الله وبركاته
هذه القصيده جديده اتمنا انها تنال اعجابكم






غربة غريب وداخله منبـع اغـراب=وان جـاء يـدور حاجتـه مالقاهـا

متغرب مابيـن موجـات الاحبـاب=موجـه وراء موجـه بعيـد مداهـا

متعجب فيهـا وزادت بـه اعجـاب=يـا للعجـب كيـف يتحمـل بلاهـا

عايش وكنه عايش وسط الاغـراب=واليا ذكـر غربـة زمانـه بكاهـا

الصاحب اللي صد من بين الاصحاب=الله يسهـل لــه دروب مشـاهـا

الصاحب اللي صحبته شك واعتـاب=مالي بهـا خالهـا تسافـر وراهـا

ياطرقي الطراش جـاب الخبرجـاب=جاب الحقايق مـن ديـار نصاهـا

ماكل طيـر طـار يدعونـه عقـاب=وماكل رجـل(ن) للمواقـف حماهـا

لاتشغل التفكيـر فـي علـم كـذاب=خله يواجه يـا الشقـردي عناهـا

دور علي الاسباب وتبان الاسبـاب=ثـم صـدر التقريرواعلـن عزاهـا

ليت القلوب تشاف في شوف الاهداب=من شان نعرف كل نفـس وخفاهـا

العز وكـر(ن) للمطاليـق الاشنـاب=والنـاس مانقـدر نحقـق رضاهـا

الكفو روحه في المواقيـف جـلاب=يرسي لادارت في المواقـف رحاهـا

البارحه ذعذع مـع البـرق هبـاب=هباب ليل (ن) يتعب اللـي سراهـا

الذيب فيها يقنـب بـراس مرقـاب=وسط الجبال السود تسمـع صداهـا

من اول ياذيب تقنـب مـع اذيـاب=واليوم عينك صـارت اتهـل ماهـا

تمسي وعينك تنظـر فتحـه البـاب=وتصبح وعينـك ماتحقـق رجاهـا

انشهد انـه من عنـا الوقـت منصـاب=حتـي الغنيمـه كبهـا ماكـلاهـا

ماهي بضرسك يارفيقـي ولا النـاب=خلها تواجه يابـن مقـرش جزاهـا

ماكل سيف لـه مجافيـر وانصـاب=ولاكل من شـاف الطويلـه رقاهـا

والسالفه غربـه صداهـا للأقـراب=ابعد من انجوم السماء فـي سماهـا

وسلامتكم

سفر بن مبارك
06-05-2009, 04:12 PM
ما شاالله شكر ا لشاعرنا سعود لاهنت............................................. ..........................

صالح السنحاني
06-05-2009, 09:28 PM
صح لسانك وعلا شانك يالبسامي

قصيد وافي من رجالن وافي

لا هنت يا غالي

:.:

خادم والديه العبدي
07-05-2009, 08:46 AM
الله يعطيك العافيه وصح للسانك وعلى الثانيه عانك

تحياتي0000000اخوك

ابراهيم آل بي حبيب الرفيدي
07-05-2009, 11:57 PM
صح لسانك وسلمت بنانك


مبدع يا سعود


تقبل تحيات

اخوك