طلب قصيدة ابن حمري

[عايض المليحي]

أسعد الله أوقاتكم جميعا بكل خير
طلب بسيط من الجميع
أريد قصيدة الرائع علي بن حمري اللي يقول في بدايتها
يارجل سوقيها كذا ولاكذا ولا عليش

تكفون لا تبخلون علي وسلامتكم

[أبو زيد]

حاول أن تذكر لنا اسمها على الأقل

[عايض المليحي]

أشكر الأخ أبو زيد على إهتمامه لكن العنوان ما أعرفه للأسف


كان أملي في صبيان قحطان إنهم يتفاعلون معي لكن لازال لدي أمل

[أبو زيد]

يـارجـــل سـوقـيـها كـذا والا كـذاولاعلـيـش = يابعد خطوات البشر وادروبهم متقاربـه

انتي تبين الدرب والمسراح والبرهه غبيش = وانا تمنيت الطريـق اللي شعوري ساربه

لاصـارمـال الــرجل وقع في حياته لايعـيـش = الموت له راحه ولو يذبح فلا احد ثاربـه

الحـمل خله للجـمل والحدي خلـه للكـديـش = مثل العرب قسـمين يامستعربه يا عاربه

خذنا من الدنيا عبر تكتب ولاهــي تنقريـش = ولابنى الانـسان شـي الاعلـى تـجـاربــه

يارب طيحني علىالاصلي وجنبني الغشـيش = اشوف واسمع واكثر الارآء تجي متظاربـه

ياهيه ياحـلو النبـأ يالـذ من نـــوب العـريش = يلي ليا منه نصاه العلم واقبل طاربـه

سيف ابن عبدالمطلب جعفر يوسم في قريش = وسيفك ياسيف ابن جعفر قص الردي وغاربه

كم لي وانا احفظ الوصيه مالها عندي دقيش = من لايغبر في زمنا مـأ يدسـم شـاربـــه

ياسيف تكفى سالفتنا لاتطـــول ولا تطيـــش = وانا حزامى فيك ياسيف الغلاساء كاربه

وانا لواني افتعل ازمه مثل ازمة حـنيش = شرقتها يا وجهه عبد الله ولو هي غاربه

وان ما حصل لي صامل من زبدتك والا نطيش = يممت وجهي للذي ماذل وجهه جاربه

لني منطحك الصعب والصعب في كفك هشيش = والله يعذيك من ابليس المفتتن واقاربــه

كف المنايا صفقتني واخرشت قلبي خريش = وجيتك على نفس الطريقه اللي شعوري داربه

ارخي لها كفي واشد الحبل واجنح دون ريش = متجود اللي في يديني مالحقت الهاربه

وانا ادري ان اكبر حجر فالظومنه واللعب شيش = وشفتك بعد ربي كبير وكل هم تحاربه

اسوق لك رجلي كذا والاكذا ما تنطريش = الحاصل اني جيت وادروب الوجع متقاربه

[عايض المليحي]

بيض الله وجهك ووجه من مثلك يا أبو زيد
وشكرا لك على إهتمامك

[أبو زيد]

أتمنى أن أكون أفدتك ولم أتأخر عليك