المساعد الشخصي الرقمي

مشاهدة النسخة كاملة : الشاعر خالد بن حامد وقصيدة في الام (( رائعه جدا ))


خالد بن حمير الحبابي
28-03-2009, 07:32 PM
الله يمسيكم بالخير جميع اقدم لكم اليوم قصيدة للشاعر المتميز خالد بن حامد بن علي بن مايقه الحبابي وهي في الام

وفيها من الفخر والتي تقل عن مقام الام :




كل ما فكيت للهاجس سراح=عقب طول اغماد بالفكر الدفين
يقصد القيفان ويجيب الصحاح=وزنها مضبوط والمعنى سمين
البيوت الصيد والهاجس سلاح= والله الرحمن من قبله عوين
يرجع لغمده اذا ما الدم ساح=من جزال مشبعه للسامعين
ضيفي السامع واذا ما الضيف راح=دون وجبه تشبع النقد الفطين
ماني بخالد ولد ذيب الفلاح=حامد اللي بالشدايد مايلين
قح وأصلي من قحاطين قحاح=تلطم العيال وتفك السجين
نلتطم كن حن حرار في فياح=قالها جدي وانا منه استدين
القوافي جات والهاجوس ساح=في خيال الشاعر الفذ الذهين
جات ماهي في تواصيف الملاح=ولا بمدح اللي فعايلهم تبين
جات في اللي برها اجر وصلاح=فرض واجب من اله العالمين
ياصباح الخير ياخير الصباح=ياعديل الروح يالكنز الثمين
ياغيوم الجو ياطب الجراح=يابروق الضحك في وجه الحزين
ياسلامه ياعوافي يا ارتياح=للمريض اللي علا منه الونين
ياخبر ضمن بمضمون السماح=للسجين اللي حسب ذبجه يقين
يإا متحان من ضمن فيه النجاح=يمنحه ربي شهاده باليمين
عايشه عمرك على صبر وكفاح=تمنحين ولا يهمك تأخذين
كم وقفتي دون زرعك للرياح=لأجل ماتيبس جذوره تسهرين
راضيه بالقسم والشي المتاح=لو لقيت الشين ممن تزرعين
تمنحينه عاده ببطنك قراح=والطفل يوجعك من عاده جنين
حكمة من ربنا اللي كل راح=تطلبه وتقول عني يامعين
جعل من عقك وحدك للنياح=وانكر افضالك بعد طول السنين
جعل ينكس بالعمر ويقال طاح=من عقوقه فيك في شر البنين

أبو معتز
28-03-2009, 08:09 PM
ارحب يا خالد تراحيب المطر
صح السانك وبيض الله وجهك

قح وأصلي من قحاطيـن قحـاح تلطـم العيـال وتفـك السجيـن
نلتطم كن حن حـرار فـي فيـاح قالها جدي وانـا منـه استديـن

اقول كفو كفو كفو ياصبي قحطان

تقبل مروري وسجل أعجابي

سعد الشواطي
29-03-2009, 10:35 AM
صح لسان ابن مايقه

ولاهنت يا بن حمير

خالد بن حمير الحبابي
29-03-2009, 10:09 PM
لاهنتوا شرفنا مروركم

باسل القحطاني
30-03-2009, 08:17 PM
لاهنت وصح لسانك قصيده جزله من رجلاً نشمي

سفر بن مبارك
30-03-2009, 09:39 PM
شكراً لك أخي خالد وشكراً لإبن مايقه ومهما كتب عن الام لن نوفيها حقها الام مكانتها عضيمه ..............

ناصر بن محمد
30-03-2009, 11:28 PM
خآلد بن حمير الحبآبي.,.,


الله لآيهينك وبيّض الله وجهك.,.,


وصح الله لسآن خآلد وعتلآ شآنه.,.,

والله يجزآه خير ويجعله من اصحآب اليمين.,.,

تقبل مروري مع فآئق الود والتقدير.,.,

خالد بن حمير الحبابي
31-03-2009, 10:55 PM
باسل القحطاني+سفر بن مبارك+ناصر بن محمد

شكرااااااااا على مروركم

عبدالله بن غفره
01-04-2009, 03:34 AM
جعل من عقـك وحـدك للنيـاح
وانكر افضالك بعد طول السنيـن
جعل ينكس بالعمر ويقـال طـاح
من عقوقه فيك في شـر البنيـن


هذا والله الكلام

صح الله لسانه وشاعر ولد شاعر

ولا تستغرب عليه مثل هذه القصيدة المميزه

لانه من مدرسة شعرية عملاقة

وبيض الله وجهك ياخالد

خالد بن حمير الحبابي
02-04-2009, 10:09 AM
عبدالله مرورك يشرفني وبيض الله وجهك