أبو معتز
23-03-2009, 09:57 PM
الزمن الجميل .....
نستذكر من خلاله أجمل القصائد والابيات لشعراء غابوا عنا وما زالت تجاربهم تسكن ديار أرواحنا...
وهذه المقتطفات الشعريه اخترتها لكم وهي من أشعار الشاعر متعب التركي ...ظلال
وش طرالك ..بعثت اليوم برساله = كم سنه وانت ما عبرت مرسالي
اصل الايام ... رحاله ونزاله = من شرب مرها يشتاق للحالي
بس الانسان مهما ضاقت أحواله = الصبر زين ..والايام بقبالي
وش على الناس لو رجلي تعناله = ليه ما يشره الغالي على الغالي
انشد اللي عرف زولك من ظلاله = بينهم بس زولك غير الازوالي
طويق وسنام
لك بقلبي غلا واعجاب ماهو بزايل = لو عن الارض زال طويق وسنام
كن دمع العيون اللي على الخد سايل = صافي الماء وهو يسقي ورود الخزام
راوي العوده لا قاصر ولا هو بطايل = ينعرف زولها وهي بوسط الزحام
عيب الوفا
احلى سنين العمر ...راحت هدايا = لك يا مجازي بالردى راعي الطيب
لي في حياتك ذكريات وخفايا = تبقى ولو باكر غزا راسك الشيب
والا الوفا ما له بقلبك بقايا = عند الذي مثلك أضن الوفا عيب
انتظار
كان قصدك من الهجران ود وتسلي = يقصر الدرب لو ضنيت دربك طويل
وكان قصدك تبي شوف انكساري وذلي = يفنى العمر ما تفرح بشوفي ذليل
كل المشاعر
ما عاد لي قلب حتى ياخذه غيرك = أفنيت كل المشاعر يا معذبها نزوهـ
بالهون عطني لو دقايق بوادعك = خل الوداع برغبتي واختياري
مبطي وانا شايف جفاك وتسرعك = يا طول بالي يوم أشوف انتظاري
اتبع هواك وروح ما ني بمانعك = دام انت عبد لكل نزوه وطاري
جرح الورق
لا تتعب ركابك شف اللي يريحك = ما تاقف الدنيا على فراق عشاق
حتى بوداعك ما قدرت اني اجرحك = رمح القوافي ما جرح بيض الاوراق
تعبت
متى ذكرتيني عشان تنسين = خليك مره صادقه وانصفيني
في وقت واحد تكرهين وتحبين = انا تعبت استحملك واعذريني
حب سرق من عمري ايام وسنين = مثل الهوا ما يمسكنه يديني
راحه
ماهو بقلبي كان ما عود معيف = قطع الرجا في بعض الاحيان راحه
تسليم
ما أشوف لبحور القصايد مواني = ولا عاد أشيل من الغلا كثر ما شلت
يا ما خذوا مني ولا احد عطاني =و يا ما سمعت من الكلام وتجاهلت
وان ضاق صدري والزمان ابتلاني = يممت وجهي للكريم وتوسلت
هم الغيبه
لو كانت الغيبه مثل ما تصورت = ما شلت همه يوم طول غيابه
من متى
البسي لك ثوب غير اللي عليك = من لبس ثوب الغرور اكبر غبي
تحسبين الناس خاتم في يديك = من متى والعاطفه تؤخذ سبي
فز لك قلبي وانا قمت احتريك = والكريم يسير لضيوفه حبي
ليالي السنين
ضحيت بالواقع على شان الاحلام = وضحيت بالغالي عشان غالي
حتى الغرام اللي كسر قلبي العام = ما ني بحاله كان ماهو بحالي
ما ينحسب عمر البنادم بالاعوام = بعض السنين نعيش فيها ليالي
نور وظلام
يوم انا قلت شق النور معذور = نور وجهك فضح ليل الجديله توحد
اتعب وغيري يجي يا خذ على الراحه = من حظ غيري وانا اللي زارع وساقي
انا وانت
احد يخون و واحد الوقت خانه = انا ترى الثاني والاول تراه انت
العشرهـ
العشرة اللي تسبب في معاناتي = ان جيتي الحق لا والله ما ابيها
كان شاعرها
اليا انشدوك العرب وش بينك وبيني = قولي حياتي قصيده كان شاعرها
شفها
ياليت مجروح الهوى جرحه يشاف = لا اقول قرب من جروحك وشفها
حتى الدرب
أدري ان الزعل حجه عشان الجفا = ادري أبسمعها بعد من شفاك
تختفي وانت خابر جرحنا ما خفا = كلهم شايفين الجرح وانت بعماك
قلبي اللي صفالك ما لغيرك صفا = جاك من طيبه وعاف الهوى من رداك
القدم من طويل الدرب مل وحفا = والنظر طاح من دونك .. وسرب وراك
متعب التركي
المصدر مجلة المختلف .... وارجوا ان تنال رضاكم
نستذكر من خلاله أجمل القصائد والابيات لشعراء غابوا عنا وما زالت تجاربهم تسكن ديار أرواحنا...
وهذه المقتطفات الشعريه اخترتها لكم وهي من أشعار الشاعر متعب التركي ...ظلال
وش طرالك ..بعثت اليوم برساله = كم سنه وانت ما عبرت مرسالي
اصل الايام ... رحاله ونزاله = من شرب مرها يشتاق للحالي
بس الانسان مهما ضاقت أحواله = الصبر زين ..والايام بقبالي
وش على الناس لو رجلي تعناله = ليه ما يشره الغالي على الغالي
انشد اللي عرف زولك من ظلاله = بينهم بس زولك غير الازوالي
طويق وسنام
لك بقلبي غلا واعجاب ماهو بزايل = لو عن الارض زال طويق وسنام
كن دمع العيون اللي على الخد سايل = صافي الماء وهو يسقي ورود الخزام
راوي العوده لا قاصر ولا هو بطايل = ينعرف زولها وهي بوسط الزحام
عيب الوفا
احلى سنين العمر ...راحت هدايا = لك يا مجازي بالردى راعي الطيب
لي في حياتك ذكريات وخفايا = تبقى ولو باكر غزا راسك الشيب
والا الوفا ما له بقلبك بقايا = عند الذي مثلك أضن الوفا عيب
انتظار
كان قصدك من الهجران ود وتسلي = يقصر الدرب لو ضنيت دربك طويل
وكان قصدك تبي شوف انكساري وذلي = يفنى العمر ما تفرح بشوفي ذليل
كل المشاعر
ما عاد لي قلب حتى ياخذه غيرك = أفنيت كل المشاعر يا معذبها نزوهـ
بالهون عطني لو دقايق بوادعك = خل الوداع برغبتي واختياري
مبطي وانا شايف جفاك وتسرعك = يا طول بالي يوم أشوف انتظاري
اتبع هواك وروح ما ني بمانعك = دام انت عبد لكل نزوه وطاري
جرح الورق
لا تتعب ركابك شف اللي يريحك = ما تاقف الدنيا على فراق عشاق
حتى بوداعك ما قدرت اني اجرحك = رمح القوافي ما جرح بيض الاوراق
تعبت
متى ذكرتيني عشان تنسين = خليك مره صادقه وانصفيني
في وقت واحد تكرهين وتحبين = انا تعبت استحملك واعذريني
حب سرق من عمري ايام وسنين = مثل الهوا ما يمسكنه يديني
راحه
ماهو بقلبي كان ما عود معيف = قطع الرجا في بعض الاحيان راحه
تسليم
ما أشوف لبحور القصايد مواني = ولا عاد أشيل من الغلا كثر ما شلت
يا ما خذوا مني ولا احد عطاني =و يا ما سمعت من الكلام وتجاهلت
وان ضاق صدري والزمان ابتلاني = يممت وجهي للكريم وتوسلت
هم الغيبه
لو كانت الغيبه مثل ما تصورت = ما شلت همه يوم طول غيابه
من متى
البسي لك ثوب غير اللي عليك = من لبس ثوب الغرور اكبر غبي
تحسبين الناس خاتم في يديك = من متى والعاطفه تؤخذ سبي
فز لك قلبي وانا قمت احتريك = والكريم يسير لضيوفه حبي
ليالي السنين
ضحيت بالواقع على شان الاحلام = وضحيت بالغالي عشان غالي
حتى الغرام اللي كسر قلبي العام = ما ني بحاله كان ماهو بحالي
ما ينحسب عمر البنادم بالاعوام = بعض السنين نعيش فيها ليالي
نور وظلام
يوم انا قلت شق النور معذور = نور وجهك فضح ليل الجديله توحد
اتعب وغيري يجي يا خذ على الراحه = من حظ غيري وانا اللي زارع وساقي
انا وانت
احد يخون و واحد الوقت خانه = انا ترى الثاني والاول تراه انت
العشرهـ
العشرة اللي تسبب في معاناتي = ان جيتي الحق لا والله ما ابيها
كان شاعرها
اليا انشدوك العرب وش بينك وبيني = قولي حياتي قصيده كان شاعرها
شفها
ياليت مجروح الهوى جرحه يشاف = لا اقول قرب من جروحك وشفها
حتى الدرب
أدري ان الزعل حجه عشان الجفا = ادري أبسمعها بعد من شفاك
تختفي وانت خابر جرحنا ما خفا = كلهم شايفين الجرح وانت بعماك
قلبي اللي صفالك ما لغيرك صفا = جاك من طيبه وعاف الهوى من رداك
القدم من طويل الدرب مل وحفا = والنظر طاح من دونك .. وسرب وراك
متعب التركي
المصدر مجلة المختلف .... وارجوا ان تنال رضاكم