سعيدعبدالله علي جفشر
23-03-2009, 01:28 PM
بعد شاعر المليون والنقد والكٌتّاب =وتوضيح مفهوم الثقافه ورافدها
وموجة شعر متذبذبه في نفوس اغراب = وأسهم تداولها ما يضمن تصاعدها
عُرف موطن العُقم وعُرف موطن الانجاب =وعُرف من جهلها بالمواهب يهدّدها
وتجلّت سياسات البرامج سياسة غاب = على كثر ما تدفع دراهم تسيّدها
بدا عالي المرقاب وانا على المرقاب = رفيق ذلوله للمضامي مورّدها
تحقّق طموح الواقعيه ونال اعجاب =ولا خالط احفاد الحداثي وقلّدها
لو يشبّ ناره دلّته جالها شرّاب = بعد ما حمسها فوق ناره وقنّدها
رسالتك وصلت في دقايق يابن شبّاب = في جنح الظلام امسى ظلامه يبدّدها
واذا اصبح حفظها حفظ لحية فخر واشناب = بنفسٍ تشمّر للمهمّه سواعدها
تقول ان هل الدوحه لهم كلمتين عتاب = على شان جمله حُرّفت عن مقاصدها
وانا اقول تسعير البضاعه من الجلاّب = ولا يمكن احد ما عرفها يحدّدها
عسى من عمدكم بالاساءه يهرشه دابّ =تخلخل سموم الداب كبده وتجبدها
هل الدوحه شيوخ وقبايل سند وحجاب = ومنبر شرف واصل المكارم ومولدها
بني عمّ واخوان و حلايف ظفر واصحاب =علاقاتنا جور الدهر ما يجمّدها
لكن المشوّه شوّه المنظر الخلاّب = قطع شجرة خضرا على شان يوقدها
قصيده تعالج مشكله والشعور اسباب = يثير الخلايا لين تظهر شواهدها
انا شعري اكبر من فضولي ومن كذّاب = ومن ناقص نقّص علومه وزوّدها
قصيدي ينومس طيّبين ويفكّ رقاب = ويحاكي هموم المسلمين ويناشدها
ولا احدٍ عرف عنّي مهاتر ولا سبّاب = ولا اشتت صفوف عزاها توحّدها
حضوري حضور السيف الاملح بكفّ ذياب = يهمّش معاتيه القصيد وتواجدها
مسيرة قصيده ضيغميّه وقاف ارهاب = ومساعي حثيثه في رضا الله نجنّدها
قصيد بدون اخلاق ما يسحر الالباب = ولا يسعد نفوسٍ شقا الوقت مجهدها
الشاعر / سعيد الفهري القحطاني
14/3/1430
وموجة شعر متذبذبه في نفوس اغراب = وأسهم تداولها ما يضمن تصاعدها
عُرف موطن العُقم وعُرف موطن الانجاب =وعُرف من جهلها بالمواهب يهدّدها
وتجلّت سياسات البرامج سياسة غاب = على كثر ما تدفع دراهم تسيّدها
بدا عالي المرقاب وانا على المرقاب = رفيق ذلوله للمضامي مورّدها
تحقّق طموح الواقعيه ونال اعجاب =ولا خالط احفاد الحداثي وقلّدها
لو يشبّ ناره دلّته جالها شرّاب = بعد ما حمسها فوق ناره وقنّدها
رسالتك وصلت في دقايق يابن شبّاب = في جنح الظلام امسى ظلامه يبدّدها
واذا اصبح حفظها حفظ لحية فخر واشناب = بنفسٍ تشمّر للمهمّه سواعدها
تقول ان هل الدوحه لهم كلمتين عتاب = على شان جمله حُرّفت عن مقاصدها
وانا اقول تسعير البضاعه من الجلاّب = ولا يمكن احد ما عرفها يحدّدها
عسى من عمدكم بالاساءه يهرشه دابّ =تخلخل سموم الداب كبده وتجبدها
هل الدوحه شيوخ وقبايل سند وحجاب = ومنبر شرف واصل المكارم ومولدها
بني عمّ واخوان و حلايف ظفر واصحاب =علاقاتنا جور الدهر ما يجمّدها
لكن المشوّه شوّه المنظر الخلاّب = قطع شجرة خضرا على شان يوقدها
قصيده تعالج مشكله والشعور اسباب = يثير الخلايا لين تظهر شواهدها
انا شعري اكبر من فضولي ومن كذّاب = ومن ناقص نقّص علومه وزوّدها
قصيدي ينومس طيّبين ويفكّ رقاب = ويحاكي هموم المسلمين ويناشدها
ولا احدٍ عرف عنّي مهاتر ولا سبّاب = ولا اشتت صفوف عزاها توحّدها
حضوري حضور السيف الاملح بكفّ ذياب = يهمّش معاتيه القصيد وتواجدها
مسيرة قصيده ضيغميّه وقاف ارهاب = ومساعي حثيثه في رضا الله نجنّدها
قصيد بدون اخلاق ما يسحر الالباب = ولا يسعد نفوسٍ شقا الوقت مجهدها
الشاعر / سعيد الفهري القحطاني
14/3/1430