المساعد الشخصي الرقمي

مشاهدة النسخة كاملة : .. ! ( .. جــّــو الفـــرآآق .. ) ! ..


سالم ابن سعران
14-03-2009, 09:04 PM
بسم الله الرحمن الرحيم

آمل ان تحوز على رضاكم

0
0
0




هبوب الشوق زادت والهوى ما يروى العطشان=ومواويل الحزن جريتها من جـوف وجدانـي
فمان الله يأغلى قصة ن عاشت في جوف انسان=فمان الجرح وخيوط الجفـاء وأيـام نكرانـي
فمان الله توكـل رح بفالـك مابقـى شريـان=فـقلبي ما شكى جرحك وسال الدمع وعيانـي
فمان الحب لا هبت هبوب عصير عـالاغصان=وطارت منّها كل الطيـور وعشـت وحدانـي
يا قلبي طالبك لا تذكـر ايامـه وانـا نعسـان=تصبّر لين انام ارجوك ملـت دمعـى اعيانـي
سهرتك واشكتى من هجوسى واعلن العصيـان=وهو ما قد خذلنى واذكره مـا يـوم يعصانـي
خذلنى لا ذكرتك واشتعل بي خافقـى نيـران=ويذكرنى هجوسي في غرامـك ويـن ودانـي
ذكرتك فالصباح الي قضى لليلة اسير احـزان=طغى صبح الرشاش الي تغانم قمـة احزانـي
شكيتك والسؤال أبلغ نظمت الحرف والقيفـان=فضح صمت الجروح دموع تعطي نغمه الحاني
اداري خاطري والوقت جاير والفكـر حيـران=واسامر دفتري وضلوع صدري تطلق عنانـي
نزفتك لين ملتني الدفاتـر واشتكـي العنـوان=بكى حتى القلم مـن كثـر ماعدلـت عنوانـي
نزفتك:هم عمري/ضيق صدري/تالي الاحـزان=رسمتك روح ماتت وإنت في حكم الهوى جاني
لقيت أغلا مكاتيبك على جال الرفوف اعـلان=بنبضات الحياه (ا)تقـول ميـت والله احيانـي
بديت أفل طيات الرسايـل والهـوى مـا زان=اسافر من رساله لا رسالـه واكتـم اشجانـي
رحلت من الفرح لأقصى الشقا في لليله النسيان=رحلت وكل همى في يدي وأشـوف حرمانـي
ياقلبي شف خواطر خاطري تطري غلا ما بان=ونبضاتك تقـول الله يحمـى طعنـه الجانـي
ياقلبي ودعه دامه تناسـى واعلـن الحرمـان=ياقلبـي عايشـة جـو الفـراق الـي تبلانـي
مدام انه فتـح بـاب الفـراق بنفتـح البيبـان=ومدام انه رضى برضى فراقه والعمـر فانـي



0
0
0

وسلامتكم

شديد الحبابي
14-03-2009, 09:52 PM
صح لسانك
والله لايهينك

أبو معتز
15-03-2009, 06:57 AM
ارحب يابن سعران
صح السانك وبيض الله وجهك وافي
تقبل مروي

سعد الشواطي
18-03-2009, 08:53 PM
مدام انه فتـح بـاب الفـراق بنفتـح البيبـان

ومدام انه رضى برضى فراقـه والعمـر فانـي


صح لسانك يابن سعران


ونتظر جديدك