وجــــود النــــداوي

[عبدالله بن غفره]

السلام عليكم ورحمة الله وبركاتة


في يوم أغلاق الأستاذ حمد السحيمي ( مؤسس منتديات النداوي الأدبية )

موقعه الذي يعتبر شيخ المنتديات والذي حقق جماهيرية كبيرة جداً


كتبتني هذه الأبيات وأتشرف بأن أصافحكم بها
وكلي آمل ان تحوز على رضاكم وأعجابكم


اسوا خبر موت الرياحي وصياف = واغلاق ابو ثامر وجود النداوي
افرحت ابو نايف ونايف ونياف = والشعر لبسته عظيم البلاوي
تكفى يابو ثامر عسى مابه خلاف = رد النداوي يابعيد الهقاوي
استقت مجده تسعة أعوام وانشاف = مثل الثريا وانت نجماً سماوي
وأغلقت بيبانه ودور بالأكتاف = من عقب ذا سارح وهذاك ضاوي
حطيته بجهدك على كل مشراف = وقصيد شعاره طبيباً مداوي
واصبح نموذج للطواريق والقاف = يرتاده الجمهور هاوي وراوي
وكر النداوية جديدن وأسلاف = والكل منهم للجزيلات هاوي
يجنون ما تزرع يمينك والأهداف = أنه يصير لكل الآداب حاوي
تكفى ترى دمع الجماهير ذراف = يبغونك ترجع شموخ النداوي
عبدالله بن غفره

[مشاري بن نملان الحبابي]

أرحب يا بو غاده ..

صح الله لسانك ..

وبيض الله وجهك على هذي القصيدة الرائعة ..

ولعل الله أن يرد أبو ثامر عن قراره ..

[سعيد الجهيمي]

اررررررررررررحب يا ابو غاده في محلك


وصح الله لسانك يا ابن عاطف

والنداوي ان شاء الله انه يهون عقب كل هالطلبات وردود الفعل تجاه هذا التصرف واغلاق منتدى من اقوى واشهر المنتديات الشعريه والتي خّرجت كثير من اشهر الشعراء وكان السبب الرئيسي لظهورهم اعلاميا بعد الله ,,,


والله لا يهينك على هالابداع وهالكلمات الشامخه وابو ثامر ان شاء الله ما يخذل محبينه

[ابن قوشع]

بسم الله الرحمن الرحيم
و عليكم السلام ورحمه الله وبركاته

ابو غااده :

ارحب ارحب جزل و ما تعشق الا الجزاله

صح لسانك و علا شاانك

و ان شاء الله يتراجع السحيمي عن قراره

اخووووووووووووووووووووووووووووك

[عبدالله بن غفره]

مشاري بن نملان

صح الله بدنك وتشرفت بحضورك وتواجدك

اخوك

[@ابوريان@]

صح لسانك يابو غاده

والله يرحم الرياحي

واحزننا أغلاق منتدى الأستاذ حمد السحيمي ( مؤسس منتديات النداوي الأدبية )


الف شكر يابو غاده

[عبدالله السحيمي]

صح لسانك يا ابو غادهـ

وانشاء الله

ان ابو ثامر يهون عن قراره

لاهنت يالغالي

اخوك/عبدالله السحيمي

[عبدالرحمن المشجري]

صح لســـانكـ يا ابوغادهـ

قصيدهـ جزله وما فيكـ حيله

تكفى يابو ثامر عسى مابه خلاف رد النـداوي يابعيـد الهـقـاوي

تح ــياتي .. عبدالرحمن بن عادل بن احمد المشجري

[شامانـ العاطفي]

تكفى يابو ثامر عسى مابه خلاف

..............................رد النـداوي يابعيـد الهـقـاوي

الله الله يابو غاده

صح الله لسانك قصيدة معبره وفي وقتها

ولعل السحيمي يعدل عن قراره ..

لاهنت ..

[علي بن حيان]

صح لسانك يابو غادة
ولعل الاستاذ /حمد السحيمي يتراجع عن قراره
تقبل تحياتي

[عبدالله بن غفره]

سعيد الجهيمي

تشرفت بمرورك وصح الله بدنك يالسنافي


اخوك

[أبو معتز]

اخونا العزيز عبدالله بن غفره المراقب العام


اسوا خبر موت الرياحي وصياف
واغلاق ابو ثامر وجود النـداوي
افرحت ابو نايف ونايف ونيـاف
والشعر لبستـه عظيـم البـلاوي
تكفى يابو ثامر عسى مابه خلاف
رد النـداوي يابعيـد الهـقـاوي
استقت مجده تسعة أعوام وانشاف
مثل الثريا وانت نجمـاً سمـاوي
وأغلقت بيبانـه ودور بالأكتـاف
من عقب ذا سارح وهذاك ضاوي
حطيته بجهدك على كل مشـراف
وقصيد شعـاره طبيبـاً مـداوي
واصبح نموذج للطواريق والقاف
يرتاده الجمهـور هـاوي وراوي
وكر النداوية جديـدن وأسـلاف
والكل منهـم للجزيـلات هـاوي
يجنون ما تزرع يمينك والأهداف
أنه يصيـر لكـل الآداب حـاوي
تكفى ترى دمع الجماهيـر ذراف
يبغونك ترجع شمـوخ النـداوي


عبدالله بن غفره

بيض الله وجهك بيض الله وجهك بيض الله وجهك وابو ثامر يستاهل وهذا الوفاء الحقيقي اللي مايستغرب منك

تقبل تقديري